الــحــيـــــــــــــاة جــــــــــــوالــة

ربطات المسحراتي

استعرض الموضوع السابق استعرض الموضوع التالي اذهب الى الأسفل

ربطات المسحراتي

مُساهمة من طرف halim في الأحد 20 ديسمبر 2009, 1:14 am

سمر المسحراتي

الربطة الاولى : " مغناه "

اصحى يا نايم وحد الدايم .... وقول نوييت بكره ان حييت .. الشهر صايم والفجر قايم ، اصحى يا نايم وحد الرزاق ....... المشي طبلي .... والدق على طبلي ... ناس كانوا قبلي قالوا حكم قالوا امثال .... الرجل تدب ... مطرح ما تحب وانا صنعتي مسحراتي في البلد جوال حبيت ودبيت كما العاشق ليالي طوال وكل شبر وحته من بلدي حته من كبدي ... حته مالموال .
" الزعيم ومساعده "
الزعيم : انت سامع الي سامعاه وداني ؟
المساعد : وأذاك زي ما أذاني ... همه مش كانوا اعدموه وفي القرافة رموه ... ايه الي رجعوا تاني .
الزعيم : اسمع كلامي ونفذه في ثواني ... تجمع لي الليلادي كل شياطين الانس والجان .
المساعد : انت مش داري يا زعيم بالزمان ... اخوانا شياطين الجان في رمضان بيتربطوا .
الزعيم : يبقى شيطانين الانس همه اللي هايظبطو .... ويشوفوا صاحبنا ابو طبله الهمام .. انت لسه واقف ... اجمع هم لي قوام .









الربطة الثانيــــــــــة
على القهوة
الشخصيات :
القهوجي ، صلاح ، مرسى ، سعيد ، سيد
القهوجي : ايوه جاي .... ومعاك واحد حصابيصة .
سعيد : طول عمرك بتاع هيصة ...العشرة راحت منك يا جميل .
مرسى : حظك الليلا دى تقيل
سعيد : خش فى العشرة التانية
صلاح : استناني ثانية .... بص مين جاي علينا .
مرسي : احنا مش مصدقين عنينا .
القهوجي : مين سيد قبطان .. بالاحضان يا راجل بالاحضان .
سيد : وحشتني يا سعيد ... ايه اخبارك واخبار الشغل ، هل من جديد ؟
سعيد : ليه السيرة الهباب دي يا أبو السيد .
سيد : يعني لسه عاطلين .
صلاح : أمال على القهاوي ليه قاعدين .. غاويين .
مرسي : ايه يا عم سيد انت جاي مالسفر كلك نشاط وحيوية ... بالراحة علينا شوية .... اسحبلك كرسي .
سيد : ماشي يا مرسي.... كيف احوالك يابو صلاح .
صلاح : نحمده عاللي جاي وعاللي راح ... انزل العب العشرة دي بدالي .
مرسي : خلي بالك سعيد الليلة حظه عالي .
سيد : انا مش هقولوكوا جديد......
في صوت جماعي : ما يغلبش سعيد غير ابو السيد .
السحراتي : اصحى يانايم وحد الدايم ... السعى للصوم خير من النوم ... دي ليلة سمحة ... نجومها سبحة ... اصحى يا نايم يا نايم اصحى ... وحد الرزاق ... من شارع لشارع ومن حي لحي ... داير بنادي عالضمير الحي ... يا مصر ليلك بلغ آخره ومهما طال الفجر بعده جاي .
القهوة تاني
القهوجي :ايه يا جدعان مش هو ده الصوت .
صلاح : سبحانه بايده الحياه والموت .
سعيد : همه مش قالوا ان المسحراتى اتعدم .
صلاح ، في اشاعات انه اتهرب.
سيد : ايه الحكايه .... مسحراتي اتعدم واتهرب .
مرسي : ليك حق ياابني مانت كنت متغرب .
القهوجي : ايوه يا استاذ حاكموا المسحراتىوكان السيناريو محفوظ زي الافلام .
سيد : وحكموا بايه .
مرسي : بالاعدام .
سيد : اعدام ؟ ليه ؟ عمل ايه ؟ ايه الجنايه ؟
القهوجي : ما هيا دي الحكاية .


















الربطة الثالثة
المحاكمة

المذيع : سيداتي سادتي وآنساتي ... اليكم الخبر الاتي : منعت وسائل الاعلان من تغطيةالحدث الهام .... جلست الحكم الاخيره.... في تلك القضية الخطيرة .... قضية الارهابي الدولي المسحراتي ..... .
المحكمة : " المسحراتي في القفص ، تلات قضاه شياطين ، حاجب شيطان ، وكيل نيابة ، محامي شيطان ، محامي عادي "

الحوار
المسحراتي : انا عايز وكيل النيابة .... يا وكيل النيابة ....هو ما بيردش ليه .... يبقى وكيل النيابة منهم .
وكيل النيابة : ازيك يا عمهم .
المسحراتي : ومين ده اللي قدامي .
محامي شيطان : محسوبك المحامي .
المسحراتي : برده منهم .
محامي شيطان : ايوا يا عمهم .
المسحراتي : بس دي كارثة .
وكيل النيابة : ولسه .
محامي شيطان : الموضوع متظبط بمعلمه .
الحاجب : محكمة .
وكيل النيابة : على المصيبة التالتة احود .
المسحراتي : مصيبة تالتة يا نهار اسود .... القضاة كمان منهم .
القضاه كلهم : ازيك يا عمهم .
المسحراتي : طبعا في اسوأ حال... دي البلاوي ولا الشلال ... بس انا ليا اعتراض يا بيه .
القاضي الكبير : على ايه .
المسحراتي : انا عايز اغير المحامي .
المحامي : ليه ؟
القاضي : اقعد يابو دم حامى... لو على التغيير من حقك .
الشيطان : بس مافيش غيره قبل يدافع عنك .
المسحراتي : من كل المحاميين .
الشيطان : كلهم رافضين .
المسحراتي : قصدك خايفين .
الشيطان : مش فارقه كتير .
المحامي : انا هدافع عنك . ( يقتل )
الشيطان الكبير : اهو ده كان الاخير ... وادينا خلصنا منه .
الشيطان : كده بقت مقبوله .
وكيل النيابة : التهمه الاولى .
المسحراتي : لو حبك اتهامي .... عن نفسي ما انكروش .... من بين كل الاسامي .... قلبي ما يهزهوش .... غير اسمك يا بهيه ..... شغلاني يا صبيه ..... دايما مكتوب على ..... عشاقك مايناموش .


















الربطة الرابعة
المحاكمة والاعدام

الشخصيات : " نفس شخصيات الرابطة السابقة "

الحوار
وكيل النيابة : التهمة الاولى : ازعاج الناس النايمة .
المسحراتي : يا خلق القيامة من حوالينا قايمة .... واحنا لسه نايمين.
القضاه الشياطين : ماتسيبهم.... مالك بيهم .... ليه تصحهيم .
المسحراتي : انا ؟ انا بصحي ضمايرهم .... بصحي قلوبهم .
القضاه الشياطين : وايه اللىهينوبهم .
المسحراتي : هما مين .
القضاه الشياطين : اللي هيبقوا صاحيين ... واللي هيلفوا لفتك .... وييجوا يقفوا وقفتك ... ترضاهالهم .
المسحراتي : ما ارضاهاش .
القضاه الشياطين : ما اختلفناش .
وكيل النيابة : التهمة اللي جاية .... التخلف والرجعية .
المسحراتي : ازاي .
وكيل النيابة : ما انا في الكلام جاي ... تهمتك متمثلة في طبلتك .
القضاه الشياطين : مش حضاري شكلها .... مش قانوني حملها .
المسحراتي : دي " لحن طبلة " بقت مصيبة .
القضاه الشياطين : اله متخلفة .
المسحراتي : هيه المحكمة مالها مستحلفه ... كل ده علشان طبلة ....امال عايزني الف بايه .... بدي جيه .
القضاه الشياطين : واتلف اصلا ليه .... استنوا استنوا هوا قال دي جيه .... آه قال ..... انت بتتتريق على الحضارة يا رجعي يا متخلف.
المسحراتي : الحضارة بتتصنع مش بتتسلف .... وحضارتكوا اللي حضراتكو عايزينها .... حضارة سلف ..... يعني تلف ..... مش حضارة اصالة وعراقة .
القضاه الشياطين : لا بقا دا انتا للمشاكل غاوي ..... وعلى الشر ناوي .... اديله التهمة القاضية .
وكيل النيابة : الدعوة لقلب نظام الحكم .
المسحراتي : لا واسعة .
القضاه الشياطين : مع دي مش هتنفعك الملاوعة .
المسحراتي : اشمعنى .
القضاه الشياطين : عشان دي ليها تسجيل .
المسحراتي : كنا سمعنا .
القضاه الشياطين : اسمع يا جميل .
صوت .............
مسحراتي في الشوارع منقراتي على المواجع .... مكسراتي للموانع والفجر اتي من ورايا .... ولجل نخلص من العيوب ..... صحوا الضماير والقلوب .... يا شعب اصبر من ايوب .... على الظلم صبرك له نهايه .
القضاه الشياطين : مش هوه ده كلامك ياللي هتصحي الضماير واتخلص على العيوب .
المسحراتي : ايوه هوا .
القضاه الشياطين : وقصدك انووضعنا الحالي مقلوب .
المسحراتي : واضح .
القضاه الشياطين : والمقلوب لازم يتعدل .
المسحراتي : شاطر .
القضاه الشياطين : وعلشان المقلوب يتعدل .... لازم نقلبه .
المسحراتي : يابن الايه وعرفتها لوحدك .
وكيل النيابة : يا فندم التهمة ثابته ومش هتنفع منه اي محاولة .
القضاه الشياطين : رفعت الجلسةللمداولة .... الحكم جاهز .... قصدي الحكم بعد الجلسة .
المسحراتي : ياولاد الابالسه .
القضاه الشياطين : رفعت الجلسة .
" ربطة مغناه "

مشهد الاعدام
برئ يا عالم برئ ..... برئ يا عالم وتهمتي ..... حلمي افوق امتي .... وانور الاباريق ..... برئ يا عالم برئ .... لا هكون اول شهيد ..... من دمه النور يقيد ..... ويهديكو الطريق ..... برئ يا عالم برئ .






















الربطة الخامسة
شياطين لكن بشر

الشخصيات : " الطفشان ، ويخاف ما يختشي "
ربطة مغناه
شياطين لكن بشر ..... ابليس شره انتشر ..... كل اللي ذلو نفوسنا ..... كل اللي نهبوا فلوسنا ..... كل اللي همه ليلنا يطول ..... شياطين هنا بتخدعنا ..... والتانية بتشجعنا ..... تفضل قلوبنا نيام علطول ..... شياطين لكن بشر ..... .
الحوار
يخاف ما يختشي : انت مين ؟
الطفشان : انا الطفشان .
يخاف ما يختشي : تحت التدريب ولا بقيت شيطان .
الطفشان : اخوك ولا فخر .... آخر المنضميين لحزب الشياطيين .
يخاف ما يختشي : والوظيفة ؟
الطفشان : حاجة نضيفة.... من البنوك آخدلي قرضين .
يخاف ما يختشي : وبعدين ؟
الطفشان : بدون ضمان .
يخاف ما يختشي : وبعدين ؟
الطفشان : على بره بكون طفشان ..... الى قوللي يا ............ ؟
يخاف ما يختشي : محسوبك يخاف ما يختشي ... موظف وغاوي يرتش .
الطفشان : واسمك يخاف ما يختشي ؟
يخاف ما يختشي : ايه مش عاجبك ؟
الطفشان : لا عاجبني .... لكن جاوبني .... اشمعنى عند قبر المسحراتي هنجتمع .
يخاف ما يختشي : وطي صوتك لا نتسمع .... ومد شويه .
الطفشان : ليه ؟
يخاف ما يختشي : الغياب هيتنده عليه .

الربطة السادسة
اجتماع الشياطين


• مغناه .
يعيش الزعيم الكبير ...... الشيطان معدوم الضمير .

الحوار
زعيم الشياطين : مالكم المرادي قليلين ؟ ..... " قلق " ..... ما اتردوا يا شياطين .
شيطان × : موسم يا زعيم .... واللي غايبين كتير ..... اخوانا في التلفزيون ..... شغاليين في الفوازير .
زعيم الشياطين : طب والباقيين ؟
شيطان × : زي مين ؟
زعيم الشياطين : شياطين التعليم والدروس الخصوصية .
شيطان × : لما تبدأالسنة الدراسية .
زعيم الشياطين : وكليبات اللحن العريا ن ؟
شيطان × : بيهدوا اللعب في رمضان .
زعيم الشياطين : وشياطين التزويير ؟
شيطان × : الانتخابات قربت يا كبير .... وهاتشوف التزوير .
زعيم الشياطين : وفين بتوع حزب امريكا ؟
شيطان × : موجودين يا ويكا ..... وكلو تمام ...... وهنا المخدرات والبرشام ..... السيما والافلام ...... كنتاكي ..... ماكدونالد ..... الحاجه الساقعة ...... العمارات الواقعة ...... والغشاشين .
زعيم الشياطين : عفارم عفارم يا شياطين .
شيطان × : بس اسمعني يا زعيم .
زعيم الشياطين : ادينا استمعنى .
شيطان × : اشمعنى عند قبر المسحراتي اجتمعنا ؟
زعيم الشياطين : السبب بعد شويه هتعرفوه .
الطربي : وحدوه ..... هو محدش بيرد ليه ؟
شيطان × : هطول في الكلام ولا ايه ؟
الطربي : مالك كده بتقولها وانت قرفان ..... اللهم اخزيك يا شيطان
شيطان × : هنرجع للغلط تاني ؟
الطربي : معلش ذله من لساني .
زعيم الشياطين : ماشي يا عم الطربي ..... المره دي سماح .... جبت المفتاح ؟
الطربي : مفتاح ايه ؟
زعيم الشياطين : بتاع قبر المسحراتي .
كلهم : قبر المسحراتي ؟
زعيم الشياطين : ايوه ما احناهنا علشان نتأكد من موته .
شيطان × : بس احناسمعناصوته .
زعيم الشياطين : لكن محدش شافه ....... " قلق " ...... انتو من اولهاهتخافوا ؟
كلهم : احنا مش خايفيين ..... احنابس مرعوبين .
زعيم الشياطين : اما شياطين خايبه .
كلهم : يا بختها الشياطين الغايبة .














الربطه السابعة
المواجهة
• مغناه :

يعيش الزعيم الكبير ...... الشيطان معدوم الضمير .

• صوت المسحراتي :

يا باغي الشر الزم جحورك ..... ياطالب الخير الحق سحورك..... يابو همه دابله ماتصحا قبلا ..... خيط النور من الضلمه يبان ..... اصحى يا مؤمن وحد الديان .

الحوار
زعيم الشياطين : يال محاسن الصدف .
المسحراتي : مين ابو ضمير معدوم ؟
زعيم الشياطين : اهلا بالمرحوم .
المسحراتي : الحق عمره ما بيموت يا خليفة ابليس .
زعيم الشياطين : آآآه بدأنا التدليس ..... احنى مش كنا عدمناك من كام يوم ؟
المسحراتي : الحق اسم من اسماء ربنا ..... والحق موجود طول مارب الحق موجود .
زعيم الشياطين : والشياطين موجودين .... لحد يوم الدين .... الشر والفساد .... ظلم العباد .... النفوس دايما ضعيفة .... والذمم اكيد متباعة .
المسحراتي : لو دولة الظلم ساعة ..... دولة الحق لقيام الساعة .
زعيم الشياطين : اهو كلام .... واحيانا احلام .... مااتلاقيش النهار اللي تتحقق فيه .... الليل بدأ يا مسحراتي ..... ومفيش فجر هينهيه .... بدأعشان يعييش ... عشان مينتهييش ..... عشان ماتشوفوش نهار بعديه .
المسحراتي : وهمك كبير يا معدوم الضمير .
زعيم الشياطين : وهم ؟! ( هه ) الدليل على كلامي هو انت نفسك .
المسحراتي : انا ؟
زعيم الشياطين : ايوه انت ... ياللي بتنادي على الضمير الحي .... و بتبشر بفجر مش جي .... مسحراتي .... ما بتدورشي غير بالليل ....يعني في مملكتنا .... في قبضتنا .... وقعت في ادينا مرة وأعدمناك .... واديك وقعت يا حلو تاني .
المسحراتي : لا .... المرادي اختلف مكاني .... دا انت اللي وقعت في اديا .... مش انا اللي وقعت في ايديك .... انت الكلام خدك لقدرك اللي مستنيك .... ومعرفتش ليه عمال اخرك واخليك .... اول اجتماع للمسحراتيه .... .
زعيم الشياطين : اجتماع ؟؟! ....... انا كان لازم اهرب من زمان .
المسحراتي : فات الاوان .... كل المسحراتيه عرفوا حل الاقضية .
زعيم الشياطين : يا شياطين ........ يا شياطين .......... .
المسحراتي : بتنادي على مين ؟ ..... حل القضية في الاتحاد ... مش كفاية نكون أصحاب .... مدام اهل الباطل عليه متجمعين .... لازم اهل الحق على الحق متحدين .
زعيم الشياطين : يا شياطين الانس والجان .....
المسحراتي : على فين يا زعيم سرقك الزمان ... ياللي معالك الحق خصمك ضعيف وجبان.
زعيم الشياطين : الامان ...
كل المسحراتية : ياللي معاك الحق خصمك ضعيف وجبان .



halim
santa santa

_________________
لما تحس ان انت لوحدك
وسط الناس
لما تلاقي حبيبك باعك
يبقي خلاص
لازم تنسي ان انت عرفتو
وتكون واثق
انك تقدر تبعد تنسي
وتبدأ تاني
واوعي تمكن يأسك منك
تبقي جبان
avatar
halim
Admin
Admin

الميزان التِنِّين
عدد المساهمات : 1521
العمر : 28
الموقع : مجروح وجرحي صعب اداويه لكن بضحك يمكن ضحكي يدريه
المزاج : طائر حزين

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ربطات المسحراتي

مُساهمة من طرف zoka في الأحد 20 ديسمبر 2009, 2:32 am

بجد الربطات ديه كان نفسى اشوفها من زمان الف شكر ليك يا حليم اداب

_________________
قائد عشيرة جوالة كلية الاداب
.... جامعة عين شمس....
.. 2010/2008 ..
avatar
zoka
اشراف جامد
اشراف جامد

الميزان التِنِّين
عدد المساهمات : 419
العمر : 28
الموقع : (samar for ever to the end)
المزاج : الغناء

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ربطات المسحراتي

مُساهمة من طرف halim في الأحد 20 ديسمبر 2009, 2:43 am

العفو يا باشا
اي حاجة عايزها ادعك الفانوس بس

_________________
لما تحس ان انت لوحدك
وسط الناس
لما تلاقي حبيبك باعك
يبقي خلاص
لازم تنسي ان انت عرفتو
وتكون واثق
انك تقدر تبعد تنسي
وتبدأ تاني
واوعي تمكن يأسك منك
تبقي جبان
avatar
halim
Admin
Admin

الميزان التِنِّين
عدد المساهمات : 1521
العمر : 28
الموقع : مجروح وجرحي صعب اداويه لكن بضحك يمكن ضحكي يدريه
المزاج : طائر حزين

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ربطات المسحراتي

مُساهمة من طرف ق.احمد عبد العزيز في الأحد 20 ديسمبر 2009, 3:19 am

بجد و انا بقراء الربطات دي افتكرت اسبوع شباب الجامعات و الادبية ال16 في المنصورة و اسكندرية بجد الله عليك يا حليم و يريت نجمع كل الاعاني مع الربطات في الفترة اللي جاية
أخوكم / أحمد عبد العزيز

ق.احمد عبد العزيز
عضو لسه صغنن
عضو لسه صغنن

عدد المساهمات : 25

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ربطات المسحراتي

مُساهمة من طرف roony في الأحد 20 ديسمبر 2009, 3:15 pm

شكرا لك ياحليم علي الربطات واتمني ان نضع باقي الربطات

احمس ينادي

roony
اشراف جامد
اشراف جامد

السرطان التِنِّين
عدد المساهمات : 447
العمر : 29
الموقع : when can i get back to my self when can i return to you And when can i say , ill say : i love you
المزاج : ¯`·._) (love) (¯`·._)

معاينة صفحة البيانات الشخصي للعضو http://www.migrator.yoo7.com

الرجوع الى أعلى الصفحة اذهب الى الأسفل

رد: ربطات المسحراتي

مُساهمة من طرف halim في الأحد 20 ديسمبر 2009, 11:00 pm

شكرا علي مروركم
ويا ريت كل اللي عنده ربطات او اغان ينزلها

_________________
لما تحس ان انت لوحدك
وسط الناس
لما تلاقي حبيبك باعك
يبقي خلاص
لازم تنسي ان انت عرفتو
وتكون واثق
انك تقدر تبعد تنسي
وتبدأ تاني
واوعي تمكن يأسك منك
تبقي جبان
avatar
halim
Admin
Admin

الميزان التِنِّين
عدد المساهمات : 1521
العمر : 28
الموقع : مجروح وجرحي صعب اداويه لكن بضحك يمكن ضحكي يدريه
المزاج : طائر حزين

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ربطات المسحراتي

مُساهمة من طرف oshen في الأحد 20 ديسمبر 2009, 11:14 pm

شكرا على الربطات ياضحكه
وزوكا قصده انى هو كان نفسه يشوفها المعسكر اللفلت بدل ربطات عمر المعاصر
وشكرا مره تانيه يا ضحكه

oshen
متميز من يومه
متميز من يومه

السرطان الماعز
عدد المساهمات : 78
العمر : 26
الموقع : الصين

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ربطات المسحراتي

مُساهمة من طرف كارلوس في الأحد 20 ديسمبر 2009, 11:41 pm

هههههههههههههه
وانا والله كان نفسى اشوف الربطات دى
بس عمر بقى
محدش يقدر يتكلم
نازل يذاكر علم نفس ( الانفصام فى الشخصية )فى حلقة السمر
ههههههههههه


عدل سابقا من قبل كارلوس في الخميس 14 يناير 2010, 12:41 am عدل 1 مرات
avatar
كارلوس
قشطات النجم الكبير وصل
قشطات النجم الكبير وصل

السمك القرد
عدد المساهمات : 1564
العمر : 25
الموقع : فى الملعب
المزاج : كويس

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ربطات المسحراتي

مُساهمة من طرف halim في الأحد 20 ديسمبر 2009, 11:56 pm

شكرا لمرورك يا كارلوس
وايه ضحكة وزوكا دي
راحت فين الالقاب ولا انت عايز تتفصل من العشيرة وتتوقف من المنتدي

_________________
لما تحس ان انت لوحدك
وسط الناس
لما تلاقي حبيبك باعك
يبقي خلاص
لازم تنسي ان انت عرفتو
وتكون واثق
انك تقدر تبعد تنسي
وتبدأ تاني
واوعي تمكن يأسك منك
تبقي جبان
avatar
halim
Admin
Admin

الميزان التِنِّين
عدد المساهمات : 1521
العمر : 28
الموقع : مجروح وجرحي صعب اداويه لكن بضحك يمكن ضحكي يدريه
المزاج : طائر حزين

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ربطات المسحراتي

مُساهمة من طرف Ayoya Saad في الأحد 10 يناير 2010, 5:50 pm

تسلم ايدك يا ضحكه
بجد كنت هموت واقراهم
بس ليا طلب
عاوزه ربطات امولد ممكن بليز
وابقي شاكره ليك جدااااا

ايويا
avatar
Ayoya Saad
اشراف جامد
اشراف جامد

العقرب التِنِّين
عدد المساهمات : 168
العمر : 28
الموقع : I AdMiRe Uchiha Itatchi
المزاج : CrAzY GiRl

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى