قصة شاب ما حدش بيرن علية.....

من طرف برعم الأربعاء 05 أغسطس 2009, 11:43 am

انا بقالي 3 سنين جايب موبايل ... يعني بقالي 3 سنين جايب خط ... وبرده

بقالي 3 سنين عمال انزل فى نغمــات .... نزلت كل نغمات الدنيـا لموبايلي

.... دا على اساس أنه لما يرن النغمـه دي تشتغل ...

و من هنا بقى ظهرت المشكله .... إنه يرن .... الموبايل مابيرنش خالص ...

انا قلت يمكن العيب من الجهاز .... غيرت الجهاز ..طب من الخط....غيرت الخط

.... طب ممكن من النغمــه .... غيرت النغمــه

عملت كل المحاولات عشان أسمع نغمـة موبايلي بترن من غير ما اشغلهــا انا ...

بس مفيــش فايده.. كل محاولاتي كانت نتيجتها بالفشــل..

و في اليوم الموعود (إللي كنت مستنيه من زمان) .... قمت من النــوم ... ببص في الموبايل لقيــت ميسد كول ..

مش معقول....انا جالي ميسد كوول ... لأ لا يمكـن ....

فكرت افتحها على طول ولا أروح أخد شاور الأول عشان أبقى مستعد ... دخلت

حلقت دقنى و خدت شاور و عملت شعرى سبايك و حطيت بارفان و لبست احلى طقم

عندى و لسه همسك الموبايل فى ايدى و..... وكانت الصدمه ....

أخــويا دخل عليا و قال لي : الجهاز بتاعي باظ وانا حطيت الخط بتاعي في جهازك مؤقتــا ......

تحطمــت كل احلامي ... نعم تحطمــت كل امالي التي كنت اعقدها في رؤية هذه الميسد .....

وبعد شهرين من تاريخ الميسد كنت ماشي في الشـارع رايح الدرس ... وفجأه

حسيــت بهزه في جيبي ( فيبريشن بقى ) ..... و سمعــت نغمــة موبايلي ....

انا طبعا مصدقتــش ان دا موبايلــي .... بس مكنش في حد بيـرد جنبي على

موبايلـه ..... يا نهار ابيض .... دا موبايلي اللي بيرن و إفتكرت ان دي

نغمتــي .....

كان وقت جميل اوي وانا اول مره أسمع نغمتي فيها من غير ما اشغلها ... يا

حلاوتــك يا نغمتــي ..... وقمــت مدخل ايدي في جيبـي و مطلــع الموبايل

..... و فتــحت المكالمه .....ونقول الووو

لقيــت واحد بيقولي : إيه يا بنتي انتــي فين انا مستنيـكــي قدام السينما بقالي ساعه .....خسئت

ساعتها تـــأكدت ان النمــره غلط ... بس انا ما رديتش عشــان ميعرفش إن

النمره غلط و يحرمنــي من أجمل لحظـــات حياتي ... بس هو قفل ... قفل

لما انا مردتش عليـه .....

و بعد الحدث ده رجعت البيــت و ما روحتش الدرس و إتعقــدت بصراحــه ... و جــالي إكتــئاب ..

الإكتــئاب زاد.. زاد زاد جــدا لحــد ما مبقيــت أقعــد في الأوضة

لوحدي و باصص للحيطــه وفي إيدي الموبايل و ما بكلمــش حد ...

كانوا بيخشــوا عليــا يكلمــوني بس ما كنتش برد عليــهم ..... يجيبولي أكل ماكلــش ....

حاولوا كتير معايا عشــان يخرجونــي من حالة الإكتــئاب إللي انا فيهــا

لحد ما بابا جه وكلمنــي وقالي: الموبايل مش كل حاجه يا بنــي ... على

أيــامنا ما كنش فيه موبايلات ولا كلام من ده ..وكنا عايشيــن يا حبيبي ...

و قعد ناس كتير و دكاتره كتــير ييجوا يكلمـوني ... بس ما كنش فيه فايده ....

فقدوا الأمل في علاجـــي ..و بقيت انا مجنــون العيله .... كانوا مسمينــي مجنون الموبايل ....

بعد فتره بدأت أتحســن و اقتنع بكلامهم و جيت في يوم وقمــت و نسيت حكاية

الموبايل دي خالص .... وانا فاكر ســاعتها لما فتحــت التلفزيـون لقيــت

إعلان لموبايل... حاولت اقلب القناه عشان ما افكرش.. لقيــت إعلان عصام

الحضرى بتاع فودافون....

حاولت أقلب القناه عشان ما افكرش في المــوبايل ....لقيـــت إعلان نغمات فيديو تون...

الإعلان دا أثر فيــه اوي...هو انا حتــى طايل نغمــه عاديه عشان يجبلي

فيديو توووون .... الإكتئــاب رجعلي تاني ..... و قمــت قايم وجايب ورقه

وقلم وكتبت :بابا ماما سامحـوني أنا كنت عايز أخف بس انا قررت خلاص انى

انتحــر

و جيـــت ارمي نفسي من البلكونــه .... بس سمعت الموبايل بتاعي بيرن ....

اممممم دي نغمــة الرسايل أنا عارفها تين تين تين ..... فرحت اوي .....

فتحت الرساله لقيت رساله .....

"عزيزي العميل دلوقتي ممكن تشترك في خدمة الإنتــظار عشان إللي بيتــصلوا بيـــك وانت مشغـــول......"

لأ لأ ...... انتــم كده عايزين تموتوني

من طرف ظلاوووى الأربعاء 05 أغسطس 2009, 6:06 pm

اااااااااااااة حرام عليكى يا برعم هتجننى

اية يا بنت ى اللى بتعمليه فينا دة

هى الحياة ناقصة شلل

الله يولع فية هو والاكتئاب والموبايل

وادى اخرت الموبايل

الواد كان هيموت نفسة

ما ماتش لية على الاقل ما كنتش اتشليت الشلل دة

هو دة كان فاصل من الشلل

حسبى الله ونعم الوكيل

ااااااااااااااااة هموت قصير بسببك

ظلاوووى

من طرف صاحب الظل الخميس 06 أغسطس 2009, 5:28 am

اييييييييييييييييييييييييييييييي

فاصل من الشلل المستمر من برعم يعني مكنش

يا ربي كفايه علينا كارلوس عشان تيجي برعم تعمل فينا كده

الحمد لله علي كل شئ

وادي التليفون

يلا مع السلامه سلملي علي العربيات الي تحت

من طرف برعم الخميس 06 أغسطس 2009, 9:35 am

ههههههههههههههههه

حلوة عجبتكو صح صح؟؟

يلا اهو كل يوم من ده

ههههههههههههههههه

طب وموبايلك ذنبه ايه ياصاحب الظل بس؟؟

من طرف tweety الإثنين 10 أغسطس 2009, 1:48 am

ههههههههههههههههههههههههه

بجد انا جالى هستريا منك

حراااااااااااااااااااااااااااااام عليكى

ربنا يسمحك ويقصرك كمان وكمان

tweety

من طرف ظلاوووى الثلاثاء 11 أغسطس 2009, 5:45 pm

بس ما تدعيش عليها

ربنا اللى هيخلص لنا حقنا

ظلاوووى

من طرف كارلوس الجمعة 14 أغسطس 2009, 10:29 pm

دة انا كدة اللى هاتشل مش هو

من طرف nemooo السبت 15 أغسطس 2009, 1:38 am

على فكرة انتى لو تشوفى شكلى دلوقتى ممكن تقولى البت اتجننت

بجد منك لله

وحسبى الله ونعم الوكيل

بس كدة..مش قادرة اتكلم

نيمووو

من طرف oshen السبت 15 أغسطس 2009, 4:48 pm

بجد الموضوع حلو

وياريت تجيبى زيه كتير

بس انا زعلانا منك

مستوى الشلل عندك بيزيد بسرعه بطيئه

ممكن تغيره الوصله لو سرعتها بطيئه وتشتركى فى DSL

اختك اوشين

من طرف صاحب الظل الأحد 16 أغسطس 2009, 6:17 am

وسع ياض منك ليه الشل وصااااااااااااااااااااااااااااااااااااااال

شلونا كمان وكمان
متعونا بفقرات الشلل المتواصله

من طرف tiota الأحد 16 أغسطس 2009, 9:29 pm

ياااااااااااااااااااه

يااااااااااااااااااااااااااااااااااااااه

اللهم أكثر من أمثالك يا بنيتى

لاء فيكى الخير بجد

من طرف raneem الجمعة 15 يناير 2010, 10:21 pm

اتحدى الشلل مع برعم

من طرف شيماء/شوشو الأحد 21 فبراير 2010, 4:19 pm

تعفي يا برعم ايه السر
اكيد مش في حد معاه نمرته
شكله واد تافه اساسا
و انا جالي شلل اطفال و انا قاعدة
و هرمي الموبايل بتاعي كمان عشان موبايلي مش بيبطل رن
خليه ييجي ياخد موبايلي
يا برعم حرام عليكي شلتيني