مين هما نجوم عشيرة اداب اللى صنعوها؟؟؟؟؟

الموضوع ده جديد
هنسلط الضوء على ناس تستحقة هما اللى بنوا عشيرة اداب
وبما ان خبرتى قليلة هعرض كل فترة اسم من القديم للجديد
ومستنى ردودكم ورأيكم
وأوعدكم مش هنسى حد من اللى يستحقوا
ومش هجامل حد

the first

طايب يا استاذ جوال انا عارف انك هتنساني عشان انت مش عارف انا مييييييييين







صاحب الظل

طبعا شكرا يا استاذ جوال على المبادرة الرقيقة والجميلة منك دى
وخصوصا انك بتقوا انك تقريبا جديد
بس صدقنى ممكن تنسى ناس كتير وساعتها هتبقى ابخست الناس دى حقها علينا
لان التاريخ مليان وصدقنى مش شرط ان اللى بنوا العشيرة هما الاسماء اللى لمعت بس
لان فيه ناس تانية ساعدت على بناء العشيرة وكان كل مشكلتها انها كانت فى الصفوف الخلفية ومش فى وش الكاميرا
وعلى سبيل المثال لا الحصر واحد انا متاكد انك مكنتش هتذكره لانك ممكن متكنش عرفته او عاشرته او اتحكالك عنه كتير
القائد امين محمد ابراهيم
تعرفه طبعا لا كنت هتكتبه طبعا لا عارف ليه مش لانه وحش لكن بكل بساطة لانك متعلرفوش ودى برضه مش غلطتك
وهناك الكثير من الاسماء التى تستحق التكريم
ولذلك انا كنت باقترح اننا نعمل ركن خاص بتاريخ العشيرة ينقسم الى جزائين
الاول يضم ابرز انجازات العشيرة على مر السنين
والتانى يضم سى فى شخصى لاهم خريجى العشيرة يتضمن نبذات مختصرة عن حياتهم الكشفية بالاضافى الى بعد المعلومات الاخرى كالمهارات التى يجيدها ورقم التليفون للاستعانة بهم عند الضرورة بدلا من البحث والتششت







وعموما ياعم اعترافا منى بجمال موضوعك هستنى باقى الاسامى بس ياريت تكون الاسامى بانتظام ويستحسن كل يوم اسم لحد مالقيمة تخلص ثم لنا عودة

احم احم
ممكن اعرف هو مين القائد امين ده



ثم انتوا ازاى نسيتوا نجم السواعد
القائد هيثم
اللى بيطلع كل المعسكرات واللى مش بيفوت ولا معسكر

القائد امين

قائد لايمكن تكراره في العشيرة

ولو بعد ميه سنه

قائد تجمعت فيه كل الصفات الجميله

فلا اغالى حينما اطلق عليه

ملاك في دنيا كلها بشر

ملاك جاء في وقت لم يكن وقته

ليثبت للجميع ان الخير مازلا موجودا

وان الانسان يملك كل مقومات الملائكه






لو تحدثت عن القائد امين

مايكفينى مجلدات














امضاء
عابر سبيل
شاهد على العصر

كده انا كاتب تاريخ اتنين في المنتدى


امين وباول


استكمال لمسيرة يوسف الساهر











امضاء
عابر سبيل
دا انا تاريخ

لا وكمان
فيه اقائد مندليف الذى اعتبره انا ومعظمجيلى بمثابة المعلم الاول لينا واللى اتعلمنا منه الكثير
والقائد كشرى اللى اتعلمت منه يعنى ايه غيرة على الشغل والحماس والتنظيم
والقائد عبدالله الل اتعلمت منه يعنى ايه ابتكار وانك ازاى تفكر فى الشغل من نواحى جديدة تماما وباسلوب جديد ومختلف



وغيرهم وغيرهم كتير



وان شاء الله نكتب عنهم بالتفصيل فى الركن التاريخى
لما بس نحضرله كويس
عشان يطلع بالشكل المناسب لمكانة الناس دى

طبعا انا عارفه قائد امين و هو فعلا انسان محترم جدا و كويس اوي اوي بجد

و طبعا قائد كشري بجد فنان بجد يعني اذا ذكرت الجواله ذكر القائد كشري

و قائد باول طبعا طبعا لازم اسمه يكون مع الناس الكويسه ديه

سامحوني يا جماعه انا علقت بس علي الاسامي اللي قولتوها لاني عرفت الناس

ديه صحيح من قريب بس انا عارفه تاريخهم في الجواله كويس و عارفه هما مين

و اسمحولي كمان اضيف قائده ايمان حسين مامتنا كلنا في الجواله

الله يتربوا فى عزك يا قائدة ايمان

زمان كان عندك زوكا
دلوقتى بقى عندك زوكا ولولا


ربنا يخليهملك

وبعدين يا لوليتا

انت ذكرتى اسامى اتنين مينفعش اسمى يذكر وسطهم
وان كان فى وجودى بينهم شرف لى


بس عموما ميرسى على المجاملة الرقيقة دى
اللى ممكن اعتبرها نفاق

بس بالمناسبة
منقدرش ننسى صاحب اخف ظل
وفعلا الاب الاول لمعظمنا
تلك الشخصية الرائعة
القائد خالد خرشوفة

بدون تعليق
لانه اكبر من ذلك

عرفت منين يا باول ان الكلام اللي قولته عليك نفاق

هههههههههههههههههههههههه

ابدا و الله العظيم بجد انت حد كويس

و كفايه محاضره النار بتاعتك اللي ادتهلنا في المعسكر

كان شكلك جامد يا بوب و الله و انت قاعد تشرحلنا كده

مبروك يا لولا
دخولك وبسرعة مملكة التثبيت
وعودة قوية جدا لارض التثبيت على ايديكى



واضح يا بنتى انك هيبقالك مستقبل كبير فى العشيرة والمنتدى بس انتى افضلى على كده

ثم

تعالى هنا يعنى عجبتك محاضرة النار اللى شرحتها
ومعجبتكيش محاضرة الاسعافات اللى اتشرحت فيها ميت حتة
مابين كسر وحرق وجرح والخ...............


واشمعنا النار مع انى شرحت البلط والافران
ولا انتوا كبنات بتحنوا للمصير الابدى بتاعكم




النااااااااااااااااااااااااااااااار

لاء ابدا يا باول اصل المحاضره اللي اتشرحت فيها ميت ديه انا كان هيغم عليا و الله العظيم

و الله كنت عاوزه استأذن امشي علشان بجد انا اصلا مش بستحمل الحاجات ديه

بس المهم انا عاوزه اقول حد من نجوم العشيره القائده ايناس بنت قائد كشري

اه يا عم مين هيشهد للعروس

وتعرفى انك فكرتينى بشخصية تانية اكتر من رائعة

رانيا التى كانت تمثل برقة احساسها وجميل عباراتها
وهدوء جمالها ورزانة عقلها وخفة دمها وجمال ابتسامتها

البقية الباقية والاخيرة فى ان العشيرة
بامكانها ان تنجب مثل هذه الفتيات التى فعلا من الممكن ان نطلق عليهم

بنات العشيرة

ههههههههههههههههههههههههههههههههههههههههههههه

انا مقدرش اغلطك في كلمه واحده من اللي قولتهم

رانيا اصلا يتقال عليها اكتر من كده

ديه ملاك فعلا و احلي ما فيها انها مزينه جمالها بطيبه قلبها و حبها للناس

انسانه رائعه بجد انا بحبها فعلا

اوعى تقوليلها الكلام ده


احسن بعدين مش هيحصلى كويس

اصلها يا ساتر لما تقلب

اوعى من قدامها

واسالى مجرب

عيب عليك يا بوب ده انت سرك في بير

مسرب علي و دان رانيا عطول

طب بلاش تدفع كام و انا مقولهاش

طول عمركوا ماديين
متؤمنوش بالمعنويات شوية


وبمناسبة العين

مننساش ايمان عادل

بنت خاله رانيا
ومن مجموعة البنات الحقيقين اللى دخلوا العشيرة

هههههههههههههههههههههههههههههههههه

ايوه صح

يا جماعه انا مش عارفه ليه الموضوع ده مقتصر عليا انا و باول بس

يعني هما ليه مش بيخشوه ده موضوع حلو جدا و عاجبني موت

و طبعا لازم نقول قائد فرج بس انا مش عارفه اسمه فرج ايه

بس اكيد كلكوا عارفينه يعني

اكيد طبعا

فرج شو معروف

و هل يخفي الفرج


بجد فرج من الناس العسل جدا
محترم وانسان رائع بجد

ايوه فعلا

و ممكن نقول نشوي مصطفي و محمود عفريت

الاتنين دول طبعا من نجوم العشيره

دول ناس جامده بجد

إنتي لو عديتي نجوم العشيره

في مره واحده

هنفضل نكتب سنين و سنين


مش هيقضوا اساميهم بس
ما بالك بقي لو كتبنا معلومات عنهم



امضاء
ياااااااااه
يا عشيرة كلك نجوم

ههههههههههههههههههههههههههههههههههههه

فعلا يا ايويا و اللهي

بس الموضوع عاجبني

علشان كده هفضل ادخل و اكتب في اسامي

لغايه اما نخلص العشيره اللي كلها نجوم

و بعدين استنوا عليا اما نخلص المتخرجين و ندخل بقي

علي الناس الجامده اللي قدام برده بس لسه متخرجوش

هظبطكوا بقي و اكتب فيكوا شعر و هتشوفي بقي

مستنيه حماسك

الجامد ده يا قمر