حاجه علي قدي كده

السلام عليكم ورحمه الله و بركاته

يا جماعه انا عامله موضوع علي قدي كده

مش قصير يعني لاء بسيط علي قد معلوماتي بمعني اصح

و ياريت الناس القديمه اللي بيخشوا المنتدي يساعدونا

العشيره تتكون من الهيكل اللي هو قائد العشيره و مساعد قائد العشيره و قائده المرشدات و مساعده قائده المرشدات

و الرائد الاكبر اللي هو منفذ البرنامج و في حد يكون سكرتاريه و حد تاني يمسك الميزانيه بتاعه العشيره

و بعدين رواد الرهوط و الوكلا ثم افراد العشيره

قائد العشيره ده طبعا دوره واضح من اسمه هو المسؤل عن العشيره كلها و بيقوم بدور رائد الرهط بس علي كبير

يعني رائد الرهط مسؤل عن رهطه بس انما قائد العشيره مسؤل عن العشيره كلها

قائده المرشدات و ديه طبعا المسؤله عن المرشدات اللي هما الجوالات

ثم رواد الرهوط كل رائد رهط بيبقي مسؤل عن مجموعه من الناس اللي هما رهطه و هو اللي مسؤل عن كل حاجه فيهم

يعلمهم الشغل يوزع المهام علي افراد رهطه يعلمهم التقاليد الكشفيه و هو المسؤل برده عن انضباط افراده (حلوه انضباط ديه)

و الوكلا دول اللي بيكونوا تحت القاده علطول و هما اللي بيتولوا قياده الرهط في غياب القائد

بس بعد كده في الافراد و دول دورهم انهم يتعلموا و في الافراد القديمه بتلعب دوره مهم في تقويه الرهوط و مساعدتها

بعد كده المعسكرات و الدورات في معسكرين بيطلعوا

معسكر الترم الاول و ده بيكون تدريبي هدفه تعليم الافراد و صقلهم ومعسكر الترم التاني تنافسي هدفه التنافس الشريف

بين الرهوط و الطلائع (و ده بيتهيألي الذ)

بعد كده في الدورات في الادابيه و ديه مهمه جدا بجد و بيتبقي تنافس بين الجامعات و بيطلع وفد من الجامعه عندنا

قوه الوفد مبتزدش عن 15 او 20 واحد من العشيره كلها

و في الكشفيه ديه بتاعه الجوالين بس

و الارشاديه بتاعه المرشدات بس

في بقي اسبوع شباب الجامعات و ده بيطلع سنه اه و سنه لاء

في عندنا بقي الشغل اللي بنطلع بيه المعسكرات و الدورات و الحاجات ديه

في عندنا خمس دروع علي حد علمي (الديني و الفني و الثقافي و السمر و الكشفي )

و المفروض ان كل حد في الرهط الواحد يبقي مسؤل عن درع من الدروع قدام رائد الرهط

و مهام الدروع ديه باختصار الديني : بيكون حفظ قران و احاديث بتفسيرهم و بحث ديني

الفني بيكون 7 قطع اساسين و اللي بعد كده اضافي و طبعا بيكون عليه تقيم

السمر بيبقي فيه سمر فكره و ده بيتالف في المعسكر نفسه و سمر كشفي او تراث

الثقافي (اغلفه التقارير و الصحيفه و المجله و البانفلت و النشره و الدعوه و المطويه و بحث ثقافي )

الكشفي ده بقي شغل الشوم و الكدجات و الحاجات اللي مش بطول اعملها ديه

و في الاخر في التقاليد الكشفيه ديه الواحد بيتعلمها بالممارسه

الموضوع ده مختصر جدا بس لو حد شجعني نتكلم عن كل حاجه بالتفصيل و اي حد عاوز يعرف اي حاجه باول يقولكوا علشان

انا لسه جديده في العشيره

يا جاااااااااامدة......

يا واااااااااصلة........


بجد حلوة اوى المعلومات......

شكرا ليكى ولمجهودك الرائع يا لولا.....

NEMOOO
نوارة المنتدى

ربنا يخليكي يا جميل

شكرا لمرورك

ههههههههههههههههههههههههههههههه

ماشي ياخويا اترئ عليا بقي

شكرا لمرورك

انا فعلا مش عارفه ازاي يفوت عليه الخدمه العامه

بس معلشي جل من لا يسهو فعلا

و طبعا الخدمه العامه ديه فعلا هي اساس قيام الحركه الكشفيه

و بتمثل جزء من الوعد بتاعنا و بتعبر عنه كله

ويا لولا انا مش بترئ




دا رائي




اية مستغربة ان فية حاجة عملتيها وعجبتنى






ظلاوووى

ههههههههههههههههههههههههههههه

زي ماتقول كده اه

ميرسى لموضوعك يا علا
بس اللى عجبنى بجد فىالموضوع ده كلمة يا وااصلة

ههههههههههههههههههههههههههههههههههههه

هو ده اللي عجبك في الموضوع

طب تعالي يا ينا قوليهالوا تاني

يا واصله

طب اوك تعالى يادينا قوليها تانى

يا واصله

ههههههههههههههههههههههههههه

ههههههههههههههههههه والله عرفنا انك نجحتى وبجد الف مبروووووووووووووووووووووك

على فكرة يالولا منصب قائدة المرشدات ده مش في الهيكل التنظيمي للعشيرة
ده منصب فرعي عاملينه احنا بس
وفي منصب اللي هو الشخص المسئول عن ميزانية العشيرة ده اسمه امين الصندوق
وفعلا زي ما القائد ازهري قال انك نسيتي درع الخدمة العامة
وفي كمان درع التطلع للقيادة
والدرع ده بيخص القائد وشغلة جوة الدورة هو والمساهد بتاعه
وده طبعا بيظهر من خلال المسابقات اللي بتتعمل لكلا منهما(شوفتي لغية عربية فصحه برافو ياسمر)

اولا شكرا على الموضوع ثانيا ناقص درع القيم والاتجاهات الكشفية ثالثا منصب قائدة المرشدات منصب رئيسى داخل العشيرة لان الصح ان البنات يكونوا منفصلين عن البنين لان كلا منهم له الجمعية الخاصة بهم  رابعا درع التطلع للقيادة مش اساسى ولكنه ظهر مؤخرا فقط من اجل اعلاء شأن القائدوشكرا

سوري انا كان قصدي منصب مساعدة قائدة المرشدات
مش قائدة المرشدات انا اتلخبط نسيبت احط كلمة مساعدة

وعلى فكرة ياقائد زوكا القائد ازهري قال انه ناقص درع القيم والاتجاهات الكشفية
وبعتزر تاني عن لخبطي فاني ماكتبتش كلمة مساعدة(قائدة المرشدات)

اوك ابقى وضح كلامك بس بعدين

اكيد طبعا زى ما القائدة سمر قالت  ده نقاش من اجل الوصول الى الحقيقة 

بالنسبه للقائده سمر شكرا ليكي عالمعلومه بس لو كنتي دققتي في الموضوع انا قولت اني كاتبه الموضوع و انالسه جديده كنت مرشحه جواله ساعتها مطلعتش الا معسكر واحد و تدريبي يعني اكيد ساعتها مكنتش فاهمه حتي يعني ايه هيكل تنظيمي بس كنت بجتهد علشان اعرف و علشان كده كتبت الموضوع بس شكرا ليكي برده عالمعلومه اما بالنسبه لقائد زوكا مش هرد عليه لان قائد العشيره يقول اللي هو عاوزه بس ملحوظه انا كتبت الموضوع و انا جديده يا قائد و شوف تاريخ الموضوع بنفسك و هو اللي ماكلنا هو هو اللي مشربنا هو

صحيح يا قائده سمر نسيت اقولك اني بقالي سنه و نص في الجواله و محدش قالنا عن درع التطلع للقياده ده و لا في اي معسكر و لا دوره صقل و لا اي حاجه و اسالي اي بنت من جيلي او ولد ... واضح انك هتتعبي معانا الفتره الجايه ههههههههههه اظن انتي فاهماني