نصايح للبنات المخطوبة اللى فاضحينا

من طرف nemooo الخميس 20 أغسطس 2009, 10:39 pm

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في

قفص النسانيس.. قصدي قفص الزوجية السعيد

.
.

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه

....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة

بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

دا اللى بيحصل ولا لأ .. ؟؟

ربنا فى عون الرجالة

نيمووو

من طرف loola الإثنين 24 أغسطس 2009, 10:25 pm

هههههههههههههههههههههههههههه

لامتقلقيش ده انا هشرفك

شكرا ياحبيبتي

من طرف nemooo الثلاثاء 25 أغسطس 2009, 2:15 am

العفو يا حبيبتى

والله دة انتى منورة الموضوع

وطبعا انا واثقة انك هتشرفينى

هههههههههههههه

نيمووو

من طرف صاحب الظل الثلاثاء 25 أغسطس 2009, 7:26 am

انا بقول متعملوش بالنصايح دي لان غالبا ما الازواج بيحبوا الستات الي علي طبيعتهم

مش الي تيجي تقولي انا مامتي

رئيسه نيابه العجوزه وتطلع هي الي بتمسح
الباركيه بتاع النيابه

وتقولي انا بابا رئيس

توقلها رئيس ايه تقولك رئيس امن الشيراتون والجراجات الي حوليه

شكرا ليكي ي نيمو

من طرف بندقه الثلاثاء 25 أغسطس 2009, 10:56 am

شكرا ليكى يا نيمو

تسلم ايدك موضوعك جميل

بس النصائح دى قبل الجواز

بعد الجواز بقا عينك متشوف الا النور

ربنا معاهم بقا

امضاء
الحياة حلوة بس اللى يفهمها
ميمووووووووووووو

من طرف nemooo الثلاثاء 25 أغسطس 2009, 12:17 pm

شكرا لمروركوا على الموضوع

وشكرا لصاحب الظل وميمو

واكيد بعد الجواز كل دة بيرووووووووووح مع الزمن

نيمووو

من طرف برعم الثلاثاء 25 أغسطس 2009, 1:44 pm

شكرا ليكى يانيمو ع الموضوع تسلمى ياقمر

والله انتى كدة اللى فضحتينا ربنا يكرمك

طب مش كنتى تبعتيها فى رسالة خاصة لكل البنات ؟؟

لازم يعنى الفضايح دى وتشمتى فينا الاعادى

هههههههههههههههه

لا بس تسلمى ياقمر

احنا اللى مشرفينك ولا تقلقى ابدا

من طرف بندقه الثلاثاء 25 أغسطس 2009, 2:11 pm

اة هو بيروووووووووووووح فعلا مش مع الزمن
لا بيروووووووووح مع برسيل

ههههههههههههه

امضاء
ميمووووووووووو

من طرف ظلاوووى الثلاثاء 25 أغسطس 2009, 4:26 pm

الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه

ياريتة ما عزمها

دا على كدا هنخلص الاكل

تالت يوم الصبح

اية دة

هى ناقصة

والله لو عملت كدا لا بالينة الى فى ايدى واجيب رقبتها

انا عازمها علشان تعملى ما بتاكلش

وهى بتاكل اكلى لما اروح عندهم

بس شكرا ليك يا نيموووو

مواضيعك دايما فى الجون

ظلاوووى

من طرف nemooo الثلاثاء 25 أغسطس 2009, 7:29 pm

ايه الحلاوة دى

ظلاوووى نور الموضوع

انا متشكرة جدا على كلامك دة يا برعم بس هى دى الحقيقيقة والله

بصراحة انا اول الناس بعمل كدة لما بكون معزومة برة مع حد من العيلة بس مش اتيكيت خااااااالص

عشان انا ماليش فى الحاجات اللى بتجيب حساسية فى الركب دى

انا بعمل كدة عشان بتحرج بس مش اكتر

وشكرا لردودكوا كلكوا ع الموضوع

نيمووو

من طرف بندقه الأربعاء 26 أغسطس 2009, 5:16 am

طيب بالنسبه يا نيمووووو

انتى قولتى ظلاووووى وبرعم

انا مش واضحه ولا ايه
هو اة انا فى خارج المنتدى مش بكون واضحه

بس مش برة وجوة

ولا ايه

شكرا ليكى يا نيمووووووووو

من طرف صاحب الظل الأربعاء 26 أغسطس 2009, 7:27 am

بلاش تتقلي في السحور يا ميمو

هي شكراكي فوق اطلعي شوفي

من طرف بندقه الأربعاء 26 أغسطس 2009, 11:26 am

احم احم احم

يكسوفى

من طرف nemooo الأربعاء 26 أغسطس 2009, 8:52 pm

وللا يهمك يا ميمو

وماتقليش فى السحور تانى

نيمووو

من طرف بندقه الأربعاء 26 أغسطس 2009, 9:48 pm

انا مش بتسحر اصلا

ماشى

شكرا ليكى يا نيمو

من طرف tiota الخميس 27 أغسطس 2009, 12:33 am

ينهار أبيض
هوه فعلا أنا لازم أعمل كدة

أن شالله ما أتخطبت خطوبة إيه المنيلة دى

وبعدي هوه لو عزمنى مش هنبقا لوحدنا ولا حاجة
لازم أجيب ماما وبابا وأخواتى وولاد خالتى ولو فى حد من أصحابى الانتيم كمان
اللمه هتدارى كل دة

ومبحبش اتعزم فى محلات أى كلام

يا فول وطعمية يا بلاش

نصايح جامدة

بس انا بفضح الدنيا أصلا من غير أكل ولا أى حاجة