اسف حبيبتى

اسف حبيبتى

بحبك ولم تحبينى

وإخترتك ولم تفضلينى

بكيت عليك وعليا تبكينى

عمرى ما لقيتك جنبى

ولا اتاخرت لما احتاجتينى
كنت جنبك فى كل وقت

وانتى بكل سهولة سيبتينى

حسبتك عمرى الجاى

وقلت عليك كلام ع الناى

خليتك بدرى ورسمتك قمرى

حسبتك تنسينى همى

وتكونى ليا حبيبتى وامى

ياللى حبك يملا دمى

كنت متعشم وكنتى عشمى
نسيتى كله فى لحظة

وفوقتينى من الحلم لليقظة

ولا جيت على بالك ولو بفكرة

وفى النهاية مشيتى وانتى ناسيانى

وبقيت انا فى الاخر انانى

هاعيد حساباتى من تانى

واشوف مين فينا الانانى

واتمنى يبتسم ليا زمانى

فى حياتى امشى من غير طريق

وادور فيها على البداية

حتى لو كانت عليا تضيق

اكيد هلاقى البداية

هى دى كل الحكاية

حبيت واحدة ما حبتنيش
اخترتها وما اختارنيش
وهبدا حياتى وهعيش

ما هى سابتنى ليه انا ما اسيبنيش
وهبدا زى اى واحد

وعلشان ما ابقاش عليها جاحد

دى غلطتى وكان

حب من طرف واحد

اسف ليكى حبيبتى

ظلمتك كتير معايا

وحبك عايش جوايا
اتمنى تعرفى بحبى

ودة كل املى ومنايا
اسف ياعمرى ودنيا يا

اسف حبيبتى


شكرا لكم

ظلاوووى

والله العظيم انت مش معقول

قصيده جميله جدا
بس قبل لما اقولك ليه سؤال

انت اللى كاتب القصيده دى


وبالنسبه لكلامى
مش هقولك غير ان ربنا ليه مقسمش ليك على اللى مكتوبه ليك

وعلى فكرة ربنا بيحبك اوى يا ظلاووووى ولسه البنت اللى هتحبها فعلا هتيجى وليها وقتها
بس اصبر ان الله مع الصابرين


وعلى فكرة انت بتكلم على حببتك انك ظلمتها
مدام انت اللى حبيت وهى لا
يبقا هى متاثرتش باى حاجه
انت اللى اتاثرت بكل حاجه


وكمان عايزة اقولك نصيحه من اختك وياريت تفهم كلامى كويس
ممكن يكون اللى انت كنت فيه كان اختبار من الله عز وجل
بيشوف قوتك على الصبر
بيشوف انك هتحمد الله وتقوله ليه الحمد لله
وانا عارف ان لسه بنت الحلال مجتش

استنه وباذن الله هتيجى ليك شريكه حياتك اللى قلبك هيحبها ويقولك انا نسيت الاوله


واختك انا يعنى هاجى اقولك مبروك

ربنا يسعدك ويوفقق يا ظلاوى


متنساش تحمد الله عز وجل على اللى انت فيه


الله سبحانه وتعالى بيقول اذكرونى اذكركم
واشكرونى فتكونوا من الشاكرين



الحمد لله على نعمتك يا الله



قصيده جميله يا ظلاوووووووووى



بندقه

هههههههههههههههههههههههههههههه
هههههههههههههههههههههه
ههههههههههههههه

محدش يعرف يبني

اه يا قلبي يا مداري

الحب كان ايد ناري
ههههههههههههههههههههههههههه

علي راي نيمو

.....................


سوبر ظلاوي

شكرا لكم جميعا



وبجد مشرفنى بردودكم



ويا بندقة انا اكيد مش هلاقى اخت زيك وتنصحنى بنصايح اجمل من دى


وانا عارف كلامك دة كويس اوى وشكرا ليك على كلامك




وبالنسبة للقصيدة انا فعلا اللى كاتبها






ونيموووو شكرا ليك جدا ودا من بعض ما عندكم



بس انتى بتقولى لو سمعت



هى فعلا لو





وصاحب الظل



شكرا ليك جدا على رائيك




ظلاوووى

يبقا
فعلا انت السوبر

بس سوبر المنتدى كله

برفوا عليك

شكرا ليك بس بقى علشان ما اتكسفش




هههههههههههههههه




ظلاوووى

تسلم دماغك اللي فكرت


وتسلم ايدك اللي كتبت



ويسلم جهازك اللي تكتب عليه

اشكرك جزيلا يا ضحكة دا ما ييجيش من بعض اعمالك الجميلة


شكرا على ردك جدا



ظلاوووى