حورا مع مصري جدا !!!

من طرف صاحب الظل الإثنين 07 سبتمبر 2009, 8:50 am

]هل صحيح ان كتر السلام يقل المعرفة؟

ـ صحيح فيما عدا السلام مع اسرائيل، كتر السلام معاها يعمق المعرفة والبيزنس

تقرير :45% من الشعب المصرى مصابون بمرض السكر.. ما تعليقك؟

ـ آدى اللى خدناه من "الحلوانى" اللى بنى مصر

ما أهم مظاهر الفهلوة عند المصريين؟

ـ انهم يشكون فى الشحات ولا يشكون فى النصاب

ليه الحزب الوطنى بيعمل اعلانات لنفسه مع ان البلد كلها بتاعته؟

ـ زى ما شبكة الأوربت بتعمل اعلانات لنفسها على شاشة الأوربت

ما أهم قاعدة موجودة فى مصر؟

ـ ان مفيش قاعدة لأى حاجة

ما وجه الشبه بين السد العالى وقانون الطوارىء؟

ـ الأثنان مصدر للكهرباء

لماذا يطلق المصريون على زوجاتهم لقب "الحكومة"؟

ـ لصعوبة تغييرها مهما تسببت فى كوارث

أين يمكنك أن تلاحظ سوء نية المصريين؟

ـ عندما يغنون للطفل البرىء بمنتهى الخبث قائلين.. يارب يا ربنا تكبر وتبقى زينا

امتى بتحس ان البلد حلوة؟

ـ مش باحس ان بلدنا حلوة غير لما داليدا تقول: حلوة يا بلدى.. بغض النظر انها قالتها وانتحرت

امتى هناكل جوافة من انتاج مزارع توشكى؟

ـ لما نلاقى المشمش

ما العلاقة بين عصام الحضرى وسمن روابى؟

ـ الطعم فلاحى وتحدى

هل لك أقارب استشهدوا فى الحرب؟

ـ لأ عندى أقارب استشهدوا فى السلام... السلام98

ما الدليل على أن مصر بلد الامان؟

ـ الدليل ان الواحد بيتردد كتير قبل ما يدخل أى قسم شرطة

ايه الكلمة اللى ما بتحبش تسمعها وانت فى أوضة العمليات؟

ـ يا خسارة

بماذا ستجيب كمصرى عند سؤالك عن عمرك فيما أفنيته بعد عمر طويل؟

ـ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح

ليه بيقدموا الساعة ساعة عندنا فى الصيف؟

ـ علشان البلد تتقدم بينا

ما الفرق بين الزوجة المصرية والزوجة اللبنانية؟

ـ 40 كيلو جرام على الأقل

اذكر اسم شخصية عامة معروفة ما بتكبرش أبدا؟

ـ بكّـــار

من طرف ظلاوووى الإثنين 07 سبتمبر 2009, 4:47 pm

ههههههههههههه

شكرا ليك يا صاحب الظل

النجم نجم

ظلاوووى

من طرف برعم الإثنين 07 سبتمبر 2009, 5:17 pm

[center]تقرير :45% من الشعب المصرى مصابون بمرض السكر.. ما تعليقك؟

[center]ـ آدى اللى خدناه من "الحلوانى" اللى بنى مصر

نا قولت ده صاحب الظل محدش صدقنى

تسلم يا بوب والله اخر حلاوة

بجد جامد اوى

من طرف nemooo الإثنين 07 سبتمبر 2009, 7:04 pm

بماذا ستجيب كمصرى عند سؤالك عن عمرك فيما أفنيته بعد عمر طويل؟

ـ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح

جامد جداااااااااااااااااااااااااااا

تسلم ايدك يا بوب يا كبييييييييييير

نيمووو

من طرف صاحب الظل الثلاثاء 08 سبتمبر 2009, 7:22 am

ههههههههههههههههههههههههه

شكرا ليكم

من طرف بندقه الثلاثاء 08 سبتمبر 2009, 5:28 pm

ما أهم مظاهر الفهلوة عند المصريين؟

ـ انهم يشكون فى الشحات ولا يشكون فى النصاب

فعلا ناس كتير بتعمل كده تبص لشحات وتقول تلاقيه عنده مبانى كتير
اما النصاب محدش بيحسبه ومنتشرين كتير اكتر من الشحاتين

سبحان الله

ربنا يكفينا شرهم

وشكرا يا صاحب الظل موضوعك ممتاز واحنا متعودين على موضوعاتك الهايله دى
جزاك الله كل خير