يوم النتيجه

تخيل كده يامعلم وانت مخلص امتحانات ورايق وفايق
ونايم بعد الفجر بقى ومريش نفسك ومعمر الطاسه وكله اليستا
وجيت تنام
فجأه بعد ساعه من نومك
جه السيد الوالد الفاضل ( ايون واخد بالك انت من الفاضل دى يعنى كله مات ومش فاضل الا هو ههه )
وبيصحيييك
- اصحى يابنى .. انت يازفت
تروح انت قايل فى سرك
يانفخيييييي هو الراجل ده مستقصدنى بقى ولا ايه
- ايوه يا بابا نعم ؟
- قوم عشان تجيب النتيجه
- نتيجه ؟ ليه هو احنا فى راس السنه ؟
- راس السنه ايه يابنى قوم قووووووم قامت عليك قومه
تروح قايل فى سرك
كمان قامت عليه قومه ده انت بتحبنى اوي
- طيب قايم اهو قااايم
هو اليوم بيبان من اوله اما اقوم اكلم اى حد من صحابى يجي معايا
/
- الو .. انت ياحيوان .. تعالى معايا نجيب النتيجه
- يانفخييي ياعم قول صباح الخير صباح اللى بتغنى صباح الدين الايوبى
- طب يلا ياظريف عشان منتأخرش
/
- ماما .. ماماااا .. ياحاااجه .. ياعمره .. يادى النيله عليا مبتردش ليه دى
- هاا عايز ايه يابنى
- عاتى فلوز
- مين ياخويا ؟ ايه عاتى فلوز دى كمان
- يعنى شخللي جيوبك ونفضيها عليا
- ايه الكلام اللى محتاج كتالوج ده .. فين المترجم بتاعك يابنى
- يوووه ياماما هاتى فلوس ياماما
- طب متقول كده .. منصور يابنى انشاء الله
- هو انا رايح اجاهد ياحاجه ده ايه الناس الغريبه دى
/
وبعد ماانت نزلت بقى ورايح تجيب النتيجه ومعاك صاحبك
وفجأه شايف كله طالع يبص لدرجاته ويعيييييييط يعيييييط
راح صاحبك قال
- اهو هو ده بقى الفأل الحسن
- فأل حسن .. طب مفيش فأل حسين هههه .. امشى ياعم شكلنا ضايعين
- طب مندور علينا هههه
/
وهوبا جبت النتيجه وطلعت مليااانه كحك وساقط وحلتك بالبلاوي
ومروح البيت بقى وعامل نفسك عم سيلفستر استنونى انا جى اهو
ومامتك تقولك
- ها ياحبيبى عملت ايه فالنتيجه
- ماما عازمك على اكله كحك جامده مووت
- لابجد ؟ يبقى نجحت الف مبروك ياحبيبى
تروح قايل فى سرك
الوليه امى دى ست طيبه موووووووز
تروح قيلالك
- ورينى كده النتيجه
- طيب شوفيها اهو
- يالهوييييييي ياخراااشى تعالى شوف ابنك تعاااالى
ابنك فاااااااشل
- يوووه ياماما بضايق من الكلمه دى
- بتضايق منها ؟؟ يافاشل يافاشل يافاشل
/
ابوك جالك بقى
- يانهار ابوك اسود .. ايه الدرجات دى يالا
- ايه يابابا اكيد فى غلط فيها ولا حاجه
- فيها ايه ياعنيا ؟؟
- فيها فيل .. يووه اصدى فيها غلط .. بس متقولش لحد
- متقولش لحد ؟ .. طب تعلالى ياعم هيفاء وهبى
زوووو زووو وضرب من هنا ومن هنا ومن هنا
/
وآدى اخره المذاكره ياعم
الواحد بعد كده يرشح نفسه فى مجلس الشعب
عشان يبقى عنده حصانه من ابوه هه

باااااااااااااااااااااااااااااااايخه
ايه يا واد الظرف ده
دا انت زمان رفبتك بقت اتنين متر
دي لا فيها كوميديا ولا فيها شلل
يلهوي عالاتامة
انت بتشتريها ولا بتشحتها
اقولك انت تصحي الصبح ع الريق وتقكون نايم مش غاسل رجليك والشراب بقاله فيها اسبوع
وتقعد تشم فيه
ههههههههههههههههه

طبعا كلكوا قريتوا التوبيك
بصراحه عارف منظركوا بعد متخلصوا
بس اللي كان مهون عليا الموضوه اني كنت واكل فول
انصجكوا باكله قبل قراءه هذا التوبيك
واللي قراها يعمل حاجه واحده بس
يقوم يصلي ركعتين انه لسه ممتش مش من الموضوع
من انه قدر يستحمل المسلسل الهندي ده
انا هقولك حاجه واحده




مووووووووووووووا

تعودوا بالعافيه وحلقه قادمه من يوميات
انا وشخليلي

على فكرة بقى الموضوع حلو جدا


عارفين ليه

عشان كاتب فيه

..منصور يابنى انشاء الله...


عشان كدة الموضوع تحفة


تسلم ايدك يا مصطفى


نيمووو

ميرسى يا دينا ربنا يخليكى
ومنصور يابنى ان شاء الله

ههههههههههههههههههههه
انت لسه عايش يا ابني

اها شوفت ازاى

يا ابني انت اللي زيك انقرضوا

شكرا يا زوق

يا صاحبي انا بهزر معاك اوعي تكون زعلت