عشان مننسهوش

كلنا بنحب القدس جدا ونفسنا نحرره اكيد بس مش عارفين ازاى ,بنطعاطف معاه شوية لما حد بيكلمنا عنه وبنفتكره بعد ما كنا ناسينه وغالبا لما حد بيكلمنا عليه بنقول طب هانعمل ايه ؟ وبيبقى رده علينا المقاطعة والدعاء واصلاح النفس والاهتمام بالعلم ونشر القضية وفعلا نفضل كام يوم فاكرين الحاجات دى وبنطبقها ونرجع ننساها تانى ومعاها القدس لحد ما يجى حد تانى يفكرنا ايه رئيكوا بقى لو نفضل فاكرينوا علطول مننسهوش بس ازاى ازاى دى سيبوها عليا بصوا احنا هانعمل كل يوم حاجة اسمها محب القدس ده لقب شرفى طب ازاى هانخد اللقب ده ؟من خلال الحاجات اللى قولتلقوا عليها فوق اللى مفروض نعملها لنصرة القدس ازاى يعنى؟يعنى كل يوم ندخل الموضوع ده ونكتب احنا عملنا النقاط الخمسة دول انهارده ولا لا اللى هم1: دعينا للقدس
2:قاطعنا المنتجات اليهودية ولا لا ولو عايزين تعرفوا ايه هى المنتجات دى ابحثوا على جوجل وهاتلقوها لو مكنش كتير منا عارفها بس بنجبها لاننا خدنا عليها اللى منها شيبسى وبيبسى وحاجات كتير
3:اصلاحنا من نفسنا يعنى(اى ذنب كان ممكن نكون بنعمله عادى فى يومنا ومعملنهوش انهارده عشان ربنا ينصرنا عشان ان الله لا يغير ما بقوم حتى يغيروا ما بانفسهم ومش قصدى كل الذنوب حتى لو استغنيت عنذنب او اتنين حتى )4
:اهتمانا بعلمنا عشان ربنا يرفع من قدرنا ونبقى حاجة كبيرة قادرين على نصرة بلادنا
5:نشرنا القضية يعنى(اتكلمنا مع اصحابنا او اهلنا فيها انهارده وذكرناهم بيها)
واللى هايكون حقق الخمس نقط دول فى يومه هايبقى محب القدس لليوم ده وهو اللى هايقدر مين هو محب القدس لليوم اللى بعده وهكذا وتستمر علطول وبكدا ماننساش القدس ابدا ونفضل نعمل واجبتنا اللى علينا لنصرته كل يوم لاننا بنشجع بعض وفى منافسة مين يبقى محب القدس اليوم ويا رب اشوف نشاطكوا معايا فى الموضوع ويا رب فكرتى المتواضعة تعجبكوا وتشاركوا فيها ونقدر نعمل ولو واحد فى الميه من اللى علينا

ممكن افهم المطلوب ايه في دي؟

انت كل ده مفهمتش اوك
بص اننا كل يوم ندخل ونقول عملنا كام حاجة من الحاجات الخمسة دى بس واكتر واحد حقق النقاط الخمسة فى يومه هيبقى هو محب القدس لليوم ده وهيقيم مين هو اللى يستاهل القب تانى يوم بس يعنى هانشجع بعض اننا ننفذ الخمس نقط دول فى يومنا مش اكتر

موافقه

كويس وننتظر النشاط من بكره ان شاء الله