مطلوب دخول الجوالة والجوالات من 2000 وما قبلها

اولا اهلا بحضرتك يا قائد محمد نورت المنتدي
و اكيد يشرفنا ان حضرتك تكون معانا و خريج لعشيرة جوالتنا
بس حظك جه في اول رد من طالبة لسة يعني حتي مش خريجة
بس معلش هنحاول ندور بقي و نجيبهملك يا قائد
تاني اهلا بحضرتك و نورت المنتدي

ميرسي شيماء
بس لعلمك انا مش القائد محمد
انا القائدة منال
والله بجد مش عارفة اقولك ايه ؟؟؟؟؟؟ ياريت تقدري فعلا تلاقي حد من الناس القدامي دول
وانا تحت امركم في اي حاجة
وشكرا مرة تانية
وسلامي لكل فرد في العشيرة
وياريت سلام خاص للأستاذة فاطمة محرم . يا تري لسه معاكم ولا إيه؟؟؟؟؟؟؟؟؟؟؟؟؟؟؟

طيب يا قائدة منال معلش اصل الاسم مختلف خالص يعني اقريه كدا
و مش مشكلة منورة طبعا يا قائدة منال
بس بالنسبة للاستاذة فاطمة مش عارفة و الله هسأل و اقول لحضرتك
و احنا الي تحت امرك في اي حاجة اكيد و ياريت تتابعي معانا في المنتدي يمكن الباقي يسمع النداء و ييجي
و ان شاء الله سلامك يوصل للعشيرة كلها
و مرة تانية نورتي المنتدي

بجد شكرا لاهتمامك
بصي يا شوشو
استاذة فاطمة الله يكرمها يارب كانت مشرفتنا الغالية علي ايامنا
كانت احلي معسكراتنا معاها
اخر مرة قابلتها كانت (مديرة رعاية الشباب في الكلية) يارب تكوني كده عرفتيها

اهلا بيك يا ابو حميد منرنا ديما

بالنسبة للاسم يا قمراية
ده M Ahmed
يعني منال احمد يا قمر

اهلا بالقائدة منال
نورتي المنتدي
ويا رب نشوفك معانا في لعشيرة
اما بالنسبة للاستاذة فاطمة فهي اتنقلت اول السنة دي بس للمكتبة ومسك مكانها الاستاذ صلاح

شوفتي حتي صاحب الظل فهم غلط اهه
ههههههههه
ماشي يا قائدة منال
هي ممكن تكون لسة موجودة بس انا مش عرفاها لاني بردوالي حد ما لسة جديدة
و انا الي بشكر حضرتك انك جيتي المنتدي
و ان شاء الله نشوف اي حد من دفعة 2000 و نقوله يدخل
نورتينا يا قائدة منال و الله
ياااااه المنتدي بقاله حس اهه يا ناس عقبال الباقي يارب

علي فكرة انا شفت صوركم جميلة قوي
وشفت كمان حد من دفعتي
او مش دفعتي اوي يعني هو بعدي بسنة تقريبا
القائد محمد عبد المنعم
هو لسه بييجي طبعا العشيرة
لما تشوفيه سلمي عليه وقوليله عايزين نجمع الناس القدام علشان بجد وحشوني اوي

halim كتب:اهلا بالقائدة منال
نورتي المنتدي
ويا رب نشوفك معانا في لعشيرة
اما بالنسبة للاستاذة فاطمة فهي اتنقلت اول السنة دي بس للمكتبة ومسك مكانها الاستاذ صلاح

الف شكر يا قائد حليم علي الترحيب ده
بجد والله وحشتني الجوالة اوي ونفسي اتعرف عليكم

صاحب الظل كتب:اهلا بيك يا ابو حميد منرنا ديما

اهلا بيك يا صاحب الظل
معلش اوت المرة دي
خدعتك انا بالاسم معلش

القائد محمد عبد المنعم حاليا مش بييجي
اخر مرة كان فيها معانا او شفته يعني
كانت في المعسكر التنافسي ال 18 كان في التحكيم طبعا يعني
و كانت معاه القائدة ايمان اكيد حضرتك عرفاها
انا مش عارفة حضرتك تعرفي الي عندنا و لا لا
بس الي اقدر اقوله
ان القادة الكبار الي معانا حاليا
القائدة سمر سيد قائدة مرشدات حاليا
و القائد زيزو القائد احمد عبد العزيز
و القائد احمد عزت او القائد زوكا قائد العشيرة حاليا
هم دول الي معانا
و لو في حد حضرتك تعرفيه ممكن تقولي اسمه و نقول لحضرتك اذا بنشوفه و لا لا
و ان شاء الله لو شفت القائد محمد عبد المنعم هقوله حاضر تأمريني

بصي من الناس القديمة اللي ممكن تعرفيهم واحنا بنشوفهم
القائد محمد عبد المنعم والقائد احمد حسن والقائد الحمد عبد العزيز والقائد خالد خرشوفة والقائد هشام بحر وطبعا القائد عبد الحميد صلاح والقائد احمد علي والقائدة ولاء عمر
دول اللي فاكرهم دلوقتي

شيماء/شوشو كتب:القائد محمد عبد المنعم حاليا مش بييجي
اخر مرة كان فيها معانا او شفته يعني
كانت في المعسكر التنافسي ال 18 كان في التحكيم طبعا يعني
و كانت معاه القائدة ايمان اكيد حضرتك عرفاها
انا مش عارفة حضرتك تعرفي الي عندنا و لا لا
بس الي اقدر اقوله
ان القادة الكبار الي معانا حاليا
القائدة سمر سيد قائدة مرشدات حاليا
و القائد زيزو القائد احمد عبد العزيز
و القائد احمد عزت او القائد زوكا قائد العشيرة حاليا
هم دول الي معانا
و لو في حد حضرتك تعرفيه ممكن تقولي اسمه و نقول لحضرتك اذا بنشوفه و لا لا
و ان شاء الله لو شفت القائد محمد عبد المنعم هقوله حاضر تأمريني

الأمر لله يا قمر
طيب بصي في القائدة ولاء عمر
حسب اخر معلوماتي كانت في لجنة الجوالة من كام سنة وعندها ابنها مروان ربنا يحميه ليها
والقائد احمد عبد العزيز زيزو بس برضه ده في لجنة الجوالة
موظفين يعني
وفي الانسه هدي مااعرفش لسه موجودة معاكم ولا لأ
عالعموم اي حد تشوفيه وتحسي انه مخضرم زيي كده بلغيه سلامي بجد ورغبتي اننا نتجمع تاني معاكم قريب بإذن الله
قوليلهم بس القائدة منال رهط التحدي والقائد وائل وبشلاوي

طيب انا هقولك علي فكرة حلوة
انا بكرة هروح و اقول لكل العالم هناك ان حضرتك بتسلمي عليهم و مطلوب القبض عليهم احياء او اموات في المنتدي
و الي هيدخل نتصرف معاه بقي
الي حضرتك تعرفيه سلمي عليه
و اي مش تعرفيه
ممكن نعدمه و خلاص بقي يعني هنعمل ايه هنقطع نفسنا
بس ان شاء الله سلامك يوصل عنيا حاضر

halim كتب:بصي من الناس القديمة اللي ممكن تعرفيهم واحنا بنشوفهم
القائد محمد عبد المنعم والقائد احمد حسن والقائد الحمد عبد العزيز والقائد خالد خرشوفة والقائد هشام بحر وطبعا القائد عبد الحميد صلاح والقائد احمد علي والقائدة ولاء عمر
دول اللي فاكرهم دلوقتي

معلش يا قائد حليم انا اسفة
اتلخبطت في الكتابة بس بصراحة فرحت اوي لما لقيت اسماء الناس دي
وبجد متشكرة جدا لاهتمامك انت شيماء بالموضوع

اهه شوفتي القائد حليم جاابها من الاخر اهه
برافو يا قائد ضحكة الله ينور

و شكرا علي ايه يا قائد منال دا واجبي
و تحت امرك في اي حاجة تطلبيها

شيماء/شوشو كتب:اهه شوفتي القائد حليم جاابها من الاخر اهه
برافو يا قائد ضحكة الله ينور

و شكرا علي ايه يا قائد منال دا واجبي
و تحت امرك في اي حاجة تطلبيها

منحرمش يا قمراية

اهلا وسهلا بيك يا محمد منور المنتدى



ويارب يعجبك



وتاكد ان كل واحد هنا اخوك او اختك


بالنيابة عن كل اعضاء المنتدى ارحب بيك



فاهلا وسهلا بيك يا محمد



لك تحياتى

ظلاوووى
المتحدث الرسمى للمنتدى

ههههههههههههههههههههههههههههههه

يا متحدث يا رسمي اقرا الردود و انت تعرف انك بتكلم القائدة منال
مش محمد
فضحتونا

ههههههههههههه
اهلا بيكى يا قائدة منال اخيرا لقيت حد من الخريجين القدام انا خالتوا كانت خريجة اداب بس كانت اكبر من قائدة ولاء عمر بشوية حوالى سنتين وانا جيت الجوالة هنا على استاذة ولاء عمر فاهلا بيكى بجد انا فرحت جدا بتواجدك معانا

دعاء كتب:ههههههههههههه
اهلا بيكى يا قائدة منال اخيرا لقيت حد من الخريجين القدام انا خالتوا كانت خريجة اداب بس كانت اكبر من قائدة ولاء عمر بشوية حوالى سنتين وانا جيت الجوالة هنا على استاذة ولاء عمر فاهلا بيكى بجد انا فرحت جدا بتواجدك معانا

اهلين دعاء ومراحب بيكي
حبيبتي علي فكرة القائدة ولاء كانت بنوتي
وانا باحبها جداااااااا
يعني خالتو ممكن اوي بل اكيد صاحبتي
هي مين يا تري
القائدة هدي ولا القائدة ايمان ولا مين؟؟؟؟؟؟؟؟؟
قوليلها بس القائدة منال
وهي هتنزل فيكي ضرب
هههههههههههه
والله بجد فرحانة بيكم جداااااااا يا جماعة

ظلاوووى كتب:اهلا وسهلا بيك يا محمد منور المنتدى



ويارب يعجبك



وتاكد ان كل واحد هنا اخوك او اختك


بالنيابة عن كل اعضاء المنتدى ارحب بيك



فاهلا وسهلا بيك يا محمد



لك تحياتى

ظلاوووى
المتحدث الرسمى للمنتدى

ههههههههههههههه
اهلين ظلاااااااااوي
يا مراحب بيك والله
محمد بيسلم عليك ياحاج
بس برضه مشكور عالترحيب