صغيرة بس جبارة

مرحبا ازيكم يا جماعة
انا كنت بتفرج على المنتدى بتاعكم بقالى كتير اوى بس كنت مستنية اخد الاجازة واشترك فيه لانه بجد عاجبنى وجامد
العابكم حلوة جدا واكثر ما شدنى ليكم طبعا الشلل لانه عامل مشترك ما بينا وتحزير هام جدا جدا اللى هايشلنى قراط هشله ستة وعشرين قراط
اتكلم بقى عن نفسى شوية كفاية كده على المنتدى انا استحق كلام اكتر ده منتدى فاضى اصلا وانا جاية اكملكم عدد زى ما كنت جيتلكم قبل كده كمالة عدد واضح انكم علطول بتنشوا هاه افتكرتونى
تلاتة بس منكم اللى شافونى هما :حليم وكارلوس وسيف
والله اعلم فاكرنى ولا لا
على العموم مش فارقة معايا فاكرنى ولا لا
انا جاية اغتت عليكم واتطفل عليكم زى ما بتطفل عليها
نبدء بقى فى اهم جزء فى الموضوع انى اتكلم عن نفسى شوية
الاسم : سارة كفاية عليكم كده
السن : 15
المهنه : طالبة داخلة الصف الثاني الثانوي
اللقب : عاشقة الغتاتة

ناوية على علمى رياضة ان شاء الله
ومش ناوية اجى اداب كطالبة خالص بس هاجى كمتطفلة فقط
وانا دلوقتى مش جاية المنتدى عشان اتعرف عليكم
انا جاية عشان اعرفكم عليا
لكن انا اصلا عارفاكم كويس بس سماعى فقط
فقلت مينفعش ابقى اعرفكم وانتم لا
فا قلت لازم اجى ادخل المنتدى كعضوة بقى كفاية تطفل لحد كده
يلا عايزة ترحيب فظيع او مترحبوش على قلبكم برده
امضاء برميل الغتاتة
اه اه أنا نسيت حاحة بس مش مهمة أوي يعني
عارفين البت ديدي ايوه ديدي البت الطويلة اللي بتدخل علي المنتدي كتير دي
اللي هيه في أولي عربي
دي بقي تبقي اختي

نورتى المنتدى يا سارة واكيد فاكرينك دة عشرة مهرجان
هههههههههههه
نورتى تانى وياريت نشوف مشاركات الفعالة اقصد شللك الفعال

نورتي المنتدي
بس احنا كان عاجبنا المنتدي وهو مضلم
شرفتي
الزيارة انتهت

يا سلام عليك يا ضحكة هو ده الكلام ويا بخت من ظار وخفف برده
ياجماعة ادونى مساحة ارحب فيها باختى المتطفلة اللى اخيرا خلصت من لزقتها ليا وانا قاعدة على المنتدى تبقى تقعد مع نفسها بقى وارخم انا عليها ياه اخيرا ويا جماعة انا عايزة ئائلكم خدوا راحتكم خالص شلل طرد سجن عادى اللى يجى فى بالكم مش هازعل بس براحة عليها احسن دى لسة فى بداية الطريق بقى وثانوية عامة وبتاع يعنى مش عايزنها تخرج بعاهة او تشل اكتر ما هى بتشل اصلا
وفى النهاية اختى حبيبة قلبى اللى مليش غيرك فى الدنيا غير اخت واحدة كمان
مش هاقلك نورتى المنتدى والكلام العادى ده هاقولك كلمة واحدة بس انتى جيتى فى مكانك الصح فى وسط ناسك الطبيعين ربنا يعينى انا فى وسطيكم بقى

اهلا وسهلا بيكي

اهلا بيكة


وما تدخلى من سكات انتى لازم تقدمى النشرة اللى انتى داخلة بيها دى


بس اهلا بيكى علشان خاطر دوعا


مش هنستلمك من اولها



و والنبى بلاش اللى يشلنى قراط هشلة اربعة وعشرين قراط



لان اللى هنا واخدين شهادات ف الشلل



وابوس ايدك اوعى تكونى نكدية



بس اهبل وسهبل بيكى



ظلاوووى

هي جت عملت موضوع تعارف ومشيت ولا ايه

لا بعيد عنكم بعد ما اشتركت على طول النت فصل ولسة راجع دلوقتى فقعدت انا عليه طبعا ولما ئائوم بقى تبقى تيجى ترحب بيكم براحتها لكن دلوقتى انا معاكوا عشان المنتدى وحشنى خالص

مبدئيا يا جماعة النت كان فاصل و أنهاردا كنت بجيب نتجتي فمئدرتش أدخل
سيبوكو من الرغي دا
نبدا بكرلوس شكرا علي الترحيب الجامد دا
و ملحوظة قلبوظ هتشفوني كتير ان شاء الله

أيوة فعلا معاك حق و بالمناسبة أصل أنا كنت جية ازور مسجون عشان كده قالي الزياره أنتهت
ههههههههههههههههههههههههههههههههههههه
طبعا انتو عرفين الكلام لمن انا هقولكم بس متقولوش لحد
الكلام (لضحكة) ششششششششششششششششششششش

دعاء
أنتي فاكره أني كنت بئعدلك عشان سواد عيونك ولا حاجة لا طبعا أفهمك أنا كنت بعدلك عشان طبعا البت ثانوية عامة في الرايحة والجاية أومي يا سارة زاكري
حاضر يا ماما عنينا فأخر ما كنت بزها كنت بقولها أصل دعاء عيزاني في كلمة
أنما دلوقتي أبقي أبليني أن شوفتي الجهاز تاني

صاحب الظل
شفتو الناس الرايقة
بترحب في كلمتين و انجز
شكرا يا لذيذ يا رايق

مبدئيا شكرا يا ظلاووي علي الترحيب الجامد و والله معاك حق دأنا أيدي وجعتني من كتر الكتابة
و ملاحيظ كتير 1)مين دوعا دي أنا أعرف دعاء دودو دودي ديدي انما دوعا دي أول مره اسمعها
2)وبالنسبه للشلل انت متعرفنيش لسه و اذا كانوا اللي هنا و خدين شهادات في الشلل
فانا عندي شهادات شلل بالهبل و كمان موثقة بشهادة الشهود
3)انا عمري ما كنت ولا هكون نكديه أنا من يوم يومي و انا فرش و مبتئمص بسهولة خالص و طول عمري عيشا دماغ لوحدي
و اهبل وسهبل بيك أنت كمان بس كتير كتير

شكرا يا هوبة و علي فكري انا بشل الولاد و دعاء بس أنما البنات العساعيل زيك مينفعش يتشلوا

حتى ف ردك عليا بتكتبى نشرة برة



وبعدين انتى مين اللى شاهد على شهاداتك


بابا وماما واخواتك





ودوعا دى اول واحر مرة هاتسمعيها



ما انا قلت ل اختك ان احنا ما بنقلدش احنا عندنا الجديد وبس

ويا ستى اضف الى اسمائك هذا الاسم الجديد



ظلاوووى

علي فكرة مش همه بس
و بعدين الأسم هي نفسها مستغربه
و علي فكره أنا بحب
خير الكلام ما قل و دل

بلا ادبى بلا خد بالك ان المنتدى ده كله اداب هاه هاه
بس يلا اختى حبيبتى يس يا رب فعلا تدخل هندسة هى نفسها فعلا ربنا معاها

شكرا يا سنيبر علي الترحيب الجامد ده
و علي فكره المنتدي منور بصحابة

بصى كام كلمة وتقوليلى ما قل ودل


عدى كدة كام كلمة



انا عايزك تقولى حرف واحد وتخرجى



ظلاوووى

هي قالت 19 كلمة ولو حسبنا الواو يبقي 22 كلمة

انتم هاتعدوا على البت الحروف حرام عليكم

this is invents

1
حرف واحد أه
لا تعليق