مجرد قصيدة

من طرف ظلاوووى الأحد 14 سبتمبر 2008, 4:40 pm

بسم الله الرحمن الرحيم

السلام عليكم اينما كنتم

انا جايب لكم قصيدة قرأتها فى الجريدة

بس يا رب تعجبكم

القصيدة اسمها زمن الضياع

ل الشاعر

صبرى عبد الظاهر

والقصيدة بتقول

آهين يا زمن الضياع
فيك الجبان علي.. والأصيل أهو ضاع
ضاعت معاني الحق.. واختلت الأوضاع
عازف علي نايي وأرغولي
وف النهاية يادوب كفن
دراع ف دراع
آهين يا زمن الضياع
يا كلمة الحق إصحي أو موتي
ما عدش يهم
لا ف صحوتك كنتي
ولا بموتك رفعتي الهم
سايبة الخلايق ليه
في هم ما يتلم
محبوسة ليه يا كلمة ما تقولي
الندل مشلول
ولو جبتو له ألف دراع
آهين يا زمن الضياع
هوه صحيح اللسان
لو خنتو هيصونك
لكن في عرف الخسيس لو صنتو هيخونك
والصدق في كلمتك
بيبانلي في عيونك
ويوم ما تكدب علي
أشوفه في جفونك
ساعتها أعرف عدوي وعزولي
أشيل تراب الدهب
ألقي الدهب طاع
أهين يا زمن الضياع
يارب إيه العمل
وإرادتك ملاحقة الكل
من غير إرادتك وأمرك
هيجي منين الحل
حال العباد مال
والضمير اختل
والكل في صراع
آهين يا زمن الضياع

اتمنى ان تكون عجبتكم

ومع تحياتى دائما

ظلاووووووووووووى