المهرجان الكشفى الاول لفرق جمعية الكشافة الجوية

من طرف كارلوس الأربعاء 17 فبراير 2010, 10:01 pm

المهرجان الكشفى الاول لفرق جمعية الكشافة الجوية المقامة فى نادى النصر بمصر الجديدة يوم 18/2/2010
كل الفرق فى الجمعية بأشبالها و كشافينها و جوالينها مستنيين سمر اداب عين شمس المعروف بقوتة على مستوى مصر
اسمار اداب عين شمس اللى خرج منها اغانى روح معروفة على مستوى جميع العشاير المصرية مثل اغنية الحياة جوالة واغنية جايين نعلى الروح وربطات المسحراتى
مش هاطول عليكم بس احنا دلوقتى معانا السمر اللى هاننزل بية فى المهرجان
وهو تلات اغانى فى سمر كشفى مدتة ربع ساعة
اول اغنية هى اغنية ( لحظة من فضلك )
اية دة هم مين دول
لحظة من فضلك احنا الايين والرتبة جوالين
طب ودول بيشتغلوا ازاى
(لحظة من فضلك لازم تعيد شحن الاسلاك)
لحــــــــــــــــــــــــــــــــن
لو لفيت الدنيا بحالها عمرى مكنت هاعيش
زى حياتنا فى جوالتنا ودى زيها مفيش
لو بصينا فى حياتنا دية نلاقى مفيش زيها
اصل الجوالة ممتعانا ودى متعة يا محلاهااااااااااااااااا
اية دة هم سكتوا تانى
(لحظة من فضلك لازم تعيد شحن الاسلاك)
لحــــــــــــــــــــــــــــــــــــــــــــــن
فى مجالنا الكشفى نبنى الاراضى ونبنى الخيمة جواها
والخلوية نمشى فى اماكن سبحان من سواها
اما الطهى دة بقى لعبتنا والطبخة طبخناها
بس المشكلة نسينا الحلة وفى التخييم سبناهااااااااااااااااااااا
اية دة هم سكتوا تانى
(لحظة من فضلك لازم تعيد شحن الاسلاك)
لحــــــــــــــــــــــــــــــــــــــــــــن
لما تشوفوا سمرنا تقولوا علية مليان افكار
ووفودنا التانية لما تشوفنا عينيها تطق شرار
ثقافى فنى وخدمة عامة لينا فيهم اسرار
يعنى دروع الدورة دى لينا ودة جد مش هزاااااااااار
اية دة هى الاغنية خلصت
(لحظة من فضلك الاغنية لسة مخلصتش)
لحـــــــــــــــــــــــــــــــــــــــن

تانى اغنية معانا هى اغنية التعارف او التعريف وهى اغنية ( اولا بومبا )
لحـــــــــــــــــــــــــــــــــــــن
اسمع احلى تعارف جاى
من وفدنا اللى ملوش زى
لحـــــــــــــــــــــــــــــــــــــــن
قائد ضحكة اخر جنان .. واية اللى جابك المهرجان
قائد ضحكة اخر جنان .. واية اللى جابك المهرجان
انا طالع قائد الوفد .. يا شيخنا اتنيل واتهد
دة انا طالع قائد الوفد .. يا شيخنا اتنيل واتهد
دة فى السيرك بلياتشو كبير.. دة انت يادوب طالع من الزير
لحــــــــــــــــــــــــــــــــــــــــــن
حذر فذر انا ابقى مين ..بلياتشو القرن العشرين
حذر فذر انا ابقى مين .. بلياتشو القرن العشرين
دة انا الوكيل حسينى يا جماعه .. روح وانت شبة الشماعه
دة انا الوكيل حسينى يا جماعه .. روح وانت شبة الشماعه
افتح بقى اطلع نار .. من اكل الشطة يا حمار
لحـــــــــــــــــــــــــــــــن
وسع وسع مصطفى وصل .. ابعد عنا دة ريحتك بصل
وسع وسع مصطفى وصل .. ابعد عنا دة ريحتك بصل
دة والله البرفان بتاعى .. شكلة كدة ببى وصناعى
دة والله البرفان بتاعى .. شكلة كدة ببى وصناعى
دة انا بلياتشو الافيهات .. روح استحمى كدة فى سكات
لحــــــــــــــــــن

انا عارف انى طولت عليكم علشان كدة هادخل على اغنية الوداع او الخارجة ( يالليل طول علينا )

يالليل طول علينا وصل لروح قلبى رسالة .. فراقنا دة لا كان بأيدينا وحكايتى لسة فيها قواله
يالليل طول علينا وصل لروح قلبى رسالة .. فراقنا دة لا كان بأيدينا وحكانى لسة فيها قوالة
لحـــــــــــــــــــــــــــــــــــــــن
بحلم معاكى .. طول الحياة .. نفرح ليلاتى .. وننسى الاه
بحلم معاكى .. طول الحياة .. نفرح ليلاتى .. وننسى الاه
ونعيش حياتنا لا ويل ولا اه .. ننسى عذاب الدنيل يومين
ونعيش حياتنا لا ويل ولا اه .. ننسى عذاب الدنيا يومين
وان غنى قلبى اكيد سامعاه .. سامعه بقى هايقولك اية
لحــــــــــــــــــــــــــــــــــن
يا فراقنا لا لا .. لا والف لا .. لو اسيب حبيبى .. قلبى معاه
يافراقنا لا لا .. لا والف لا .. لو اسيب حبيبى .. قلبى معاه
لو اسيب حبيبى انا قلبى معاه .. ولو بعيد انا عينى شيفاه
لو اسيب حبيبى انا قلبى معاه .. ولو بعيد انا عينى شايفاة
وانا غنى قلبى اكيد سامعاه .. سامعه بقى هايقولك اية
لحــــــــــــــــــــــــــــــن