صناع النصر

من طرف ظلاوووى الثلاثاء 07 أكتوبر 2008, 7:26 pm

السلام عليكم اينما كنتم

من غير كلام كتير

انا جايب قصيدة بمناسبة حرب اكتوبر

اسمها صناع النصر ل الشاعر

حلمى عوض

كفر الشيخ _ المصرى اليوم

والقصيدة بتقول

قبل أكتوبر عشنا سنين
عايشين لكن مش عايشين
نهب وسلب شمال ويمين
ووقعت سينا في إيد ملاعين
* * *
والنار عاملة حصار حوالينا
والليل طالع يخنق فينا
والعار دايمًا جوه عينينا
والخوف أصبح فرض علينا
* * *
لكن مصر جنودها جنود
وقت الجد ولادها أسود
صبروا وعبروا وكسروا حدود
علشان حق بلدنا يعود
* * *
نصبوا في وسط الميه جُسور
عبر الجندي بعزم جسور
خلي جبال الصخر تمور
فنان مصري ومش مغرور
* * *
طبعه مسالم بس عنيد
صبره يهد جبال ويبيد
دايمًا حبه لمصر شديد
كتب النصر بدم شهيد
* * *
خلّي حياة الأمة نهار
رافعين راسنا لفوق أحرار
بعد ما عشنا في خزي وعار
شفنا الفرح بيملا الدار
* * *
ستة أكتوبر صنعه رجال
بعد ما قالوا النصر محال
داحنا تاريخ مليان أبطال
صنعوا النصر في كل مجال