سد ودانك تعيش أحسن

من طرف tiota الجمعة 21 نوفمبر 2008, 10:36 pm

كلامنا كتير عن الحياة وأفضل طريقة للتعامل معها والخطط اللى لازم تخدها فى مشوار حياتك ….. دلوقتى فى درس مهم أوى أسمعوا معيا القصة دى وأعرفوا هنطلع منها بأيه بيقولك أن كان فيه مجموعة من الضفادع داخلين مسابقة جامدة أوى.. وكان الهدف منها الوصول الى قمة برج عالى أوى.

مجموعة من الجماعير الكتير أتجمعوا علشان يتفرجوا على السباق ويشجعوا المتنافسين ومن ثم أنطلقت لحظة البداية وبصراحة مفيش ولا واحد من المتفرجين كان مصدق ان الضفادع المسكينة دى ممكن تحقق الانجاز وتصل لقمة البرج وكان كل واحد من الجمهور بيقول كلمة من عنده تحبط عزيمة الضفادع((كلام صعب)) كان الكلام زى (صعبة أوى الحكاية دى) ..(مش هيقدروا طبعا البرج عالى أوى)..(ده فيلم خيال علمى أستحالة واحدة فيهم توصل) .

المشكلة أن عدد كبير من الضفادع بدأت تتعب متستسلم وبعد كدة تسقط عن البرج لكن واحدة بس منهم كانت مصممه وأستمرت فى الصعود لان اليأس لم يكن فى قاموسها.

وفى النهاية كل الضفادع أستسلمت ماعدا الضفدعة اللى أستمرت وصممت على أنها تواصل المشوار لحد ما وصلت لقمة البرج العالى كل الجمهور أندهشوا جداا قعدوا يسألوا عن السر اللى خلى الضفدعة دى توصل لنهاية السباق من غيير متقع على ظهرها.... وأكتشفوا الحقيقة وهى كانت أن الضفدعة دى كانت ((صمااااااااااء مش بتسمع ولا خدت بالها من أى كلمة أتقالت من الجمهور!!!!!!)) والدرس اللى هنطلع بيه من الحكاية دى هو أنك لازم ودانك وأوعى تسمع كلام اليأس من الاشخاص السلبيين واليائسين لان أكيد لو سمعتهم هايبعدوك عن حلمك…. دايما خليك حذر من قوة الكلام لان أى حاجة بتقراها وبتسمعها هتأثر على قرارك وأفعالك…. كون دائما أيجابى وضع أصبعك فى أذنك كى لا تسمع شخصا يخبرك أنك واهم ولا تستطيع تحقيق حلمك.