حضره المتهم ابي

طبعا يا جماعه احنا كل يوم بنشوف مشاكل للمجتمع و بنتناقش فيها

و بنطرح قضايا كتير و مشاكل كتير حتي لو مقدرناش نلاقي حلول للمشاكل ديه

بنحاول علي الاقل اننا نتوصل لاحسن طريقه للتعامل مع المشكله

و المشكله اللي عاوزه اتكلم فيها النهرده انا بعتبرها من اهم المشاكل اللي بتقبلنا

و هي اهدار حقوق الابناء بنتكلم كتير عن عقوق الوالدين و بنفتكر كتير اننا هنتحاسب علي معاملتنا

لابائنا لكن يا تري الاباء دول بيفتكروا برده انهم هيتحاسبوا يوم القيامه علي تربيتنا

بيفتكروا اننا احنا اللي نثبت اذا كانوا هما نجحوا في حياتهم او لاء

بيفتكروا انهم هيتحاسبوا علي صلاتنا علي حجابنا اخلاقنا و حتي دراستنا كمان

معتقدش الصراحه و الدليل الصوره السيئه اللي انا شايفاها فينا احنا و كل جيل اسوأ من اللي قبله

قال رسول الله صلي الله عليه و سلم (إن الله َسائلٌ كلَّ راعٍ عما استرعاه أَحَفِظَ أم ضيَع؟ حتى يُسألَ الرجلُ عن أهلِ بيته). (النسائي وابن حبان).

اسمحولي معلشي اقول جزء من حقوقنا المهدوره ديه

اولا: التربيه الدينيه الاسلاميه السليمه

قال الله عز وجل في كتابه الكريم (و ما خلقت الجن و الانس الا ليعبدون )

يعني المفروض اول حاجه يفكر فيه اي اب و اي ام التربيه الدينيه و تنشئه جيل بيخاف من ربنا بجد

انما طبعا فين الكلام ده مفيش طبعا و الدليل علي كده المساجد شوفوا عدد الناس اللي بتصلي كام و عدد المسلمين كام

شوفوا عدد البنات اللي لابسين الحجاب كام و بنات المسلمين عددهم كام

طيب ثانيا التعليم : طبعا كلنا عارفين ان طلب العلم فريضه

لكن التعليم عند الابهات هو مصدر للتعالي بس بمعني ان الاب عاوز ابنه ينجح علشان بس يقول قدام الناس

انا ابني ناجح انا ابني جايب تقدير انما ابنه اتعلم فعلا و لا لاء ديه مش قضيته طبعا

ده غير الكارثه الكبيره اللي بنعاني منها جيل بعد جيل و هو اباده طموحتنا

يعني تدخل علمي و تبقي دكتور علشان ابوك عاوزك تبقي دكتور مش علشان انت بتحب الطب

انما لو السيد باباك عاوزك تبقي دكتور و انت نفسك تبقي صحفي ديه مشكله تانيه

الاخلاق : بيتهيألي مفيش حاجه اقولها في الجزء ده لاني حاسه ان الابهات توقفوا عن تربيه ابنائهم

منذ زمن بعيد و الدليل برده علي كده الاضمحلال الواضح في اخلاق الشباب

التفكك الاسري: الحب بقي و المشاعر اللي بيحتاجها اي انسان ضعيف كان او قوي

فين الكلام ده ليه الواحد مبقاش يحس ان الاب ده هو مصدر الحمايه و الامان

ليه الواحد مش بيشوف ابوه اصلا اليومين دول ليه دور الاب اقتصر علي مصدر للفلوس و بس

و نسي ان هو ليه دور اكبر من كده بكتير

ليه بقي فيه حاجز جامد كده و بقي كل واحد بقي بيعتبر اصحابه هما اهله

انا اسفه يا جماعه لو الموضوع معجبكوش انا عارفه انه موضوع غريب

بس بجد احنا في ازمه كبيره احنا متهمين طول النهار من الابهات بالذات اننا فاكرين اللي لينا و ناسيين اللي علينا

متهمين ان احنا اللي قصرنا علاقتنا بأبائنا علي الفلوس و بس و تسمع من ابهات كتير كلمه واحده

(انا مبشفش ابني غير و هو جاي يطلب فلوس)

لاء يا جماعه مش احنا اللي عملنا كده انتوا اللي اخترعتوا الاكذوبه ديه و صدقتوها بعد كده

احنا عمرنا ما كنا محتاجنكوا مصدر للفلوس احنا محتاجين حب و امان اكتر من كده

محتاجين نحس يعني ايه اب مش فلوس

انا اسفه يا جماعه طولت عليكوا اوي بس انا كنت عاوزه اكتب الموضوع ده كرساله مش موضوع عادي كده و خلاص

الموضوع حلو اوى يا لولا


وانا بجد اول مرة اشوفه


ولاقيت انه موضوع قديم وماحدش رد عليه


بس بجد الموضوع حلو اوى


وانت طبعا عندك حق فى كل اللى انت قلتيه


وخصوصا التربية الدينية


بجد حاجة تبكى بجد


ان التربية الدينية قليلة اوى اليومين دول


حتى فى المدارس مخليين المادة دى مش فى المجموع


يعنى بيقولوا للطلبة ماتذاكروهاش


مع انها المفروض تكون المادة الاساسية


كان نفسى اوى تربية الناس كلها تكون تربية دينية سليمة


لكن للاسف احنا معميين عن الصواب


وربنا يهدينا ويهدى المسلمين


وشكرا ليكى يا علا






دينا جمال

بجد انا اسف لاني اول مره اشوف الموضوع دا وفعلا كلامك

كله سليم التربيه بقت في الحضيض ودا ادام عيني يعني مثلا بروح اكثر من مسجد اسلي فيه ويمكن عدد المصليين مبيملاش الجامع اوي ممكن لما نخلص نلاقي
الناس بتيجي متاخر

والحل الوحيد لدا مفيهوش فصال او جدال اننا نستقيم بقي كفيانا لف ودوران كفايانا نحرم الي علي مزجنا ونحلل الي علي مزجنا زي امبارح مفتي الجمهوريه بيحلل جواز المسيار
ومش هتكلم عنه كلنا عرفين ايه هو وسببه ايه
واتعمل لمين
مش دا موضوعنا واذا كان يا علا ابائنا عليه الحق في تربيتنا يبقي ايضا احنا نسعدهم في تربيتنا حتي لو اخطؤا فهم علي حق واحنا نحاول ندلهم مش لازم بابا وماما يكونوا عارفين كل حاجه انا عارف انك مقولتين انهم يعرفوا كل حاجه
بسبرضه هاجي واقول لازم نسعدهم في كل حاجه ودا لحاجه وحده بس ان ربنا يرضي عني ويدخل الاسره كلها
الجنه ويظلهم
والله يا جماعه ربنا بيحبنا اوي بس احني الي مش عارفين

انا اسف لاني طولت عليك

شكرا يا لولا على موضوعك الاكثر من رائع دة



وكلامك جميل جدا وانا متفق معاك




وفعلا المشكلة كلها ان الاب او الام عايزين يمشوا ابنهم



زى ما هما عايزين وناسيين



انه له عقل يفكر وعندة قلب يحس



لازم الولد يسمع ل كلام ابوة



طب ولية الاب مش بيسمع لرائ ابنة



لية لازم يكون الاب والام هما دايما اللى صح




وانا اراهن انك ان سالتى اى شاب او فتاة




مالك فيك/ى اية هيقول اول سبب او من الاسباب الرئيسية البيت



او ابويا او امى




شكرا لك جزيلا يا لولا



بجد موضوزع جميل جدا







ظلاوووى