روحـــــــــي

من طرف Ayoya الخميس 05 مارس 2009, 10:23 pm

روحي كمنجة من الورق..
صوتها .. بُكَّـــا
صوتها اتسرق
مركب ورق
في النوَّه معروف المصير
هايشيل شراعه الف ميل
يرتاح في جوف البحر .. ويَّا الغرقانين
روحي .. أنا
عصفور ضرير
شَّــــــاب النسيم
لمَّا التقى مع غنوته
و فْي سن ريشته و الدوايه و القلم
مليون ألم
يحدف شِبَاكُه ع العيون السهرانين
و يعلق الرمش الحزين ... ع المشنقه
عنقود كلامه .. و انفرط قبل الاوان
مفْضِلْش منهم غير كلام
مجهول .. و تايهه الترجمة
مفْضِلش منهم غير حروفه الدبلانين
ينده بعلو الصوت .. و مين
مين اللي قادر... يسمعه
مين اللي راضي .. يسمعه
لكنه قبل ما يتشنق
فكر و قال
هاهرب قوام .. بكرة الصباح
هاهرب باخر ريشه باقيه م الجناح
لكنه قبل الصبح .. مات
و لسه ريشته معلَّقه فطرف الجناح

من طرف صاحب الظل الجمعة 06 مارس 2009, 10:36 am

والله العظيم ما تثبيت

الكلام كله علي بعضه كلمات جميله جدا جدا جدا

شكرا ليكي يا ايه

صاحب الظل

من طرف ظلاوووى الجمعة 06 مارس 2009, 8:27 pm

مفْضِلش منهم غير حروفه الدبلانين ..
ينده بعلو الصوت .. و مين
مين اللي قادر... يسمعه
مين اللي راضي .. يسمعه

شكرا ليك يا ادمين على الموضوع الجميل دة

ظلاوووى