الولاد دول حاجة صعبة

من طرف كارلوس الإثنين 15 يونيو 2009, 10:25 pm

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي
*******
لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة*******

لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي
لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك *******

لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه
لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي *******

لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر
لو انتي حليتي حلو فى الامتحانات يقولك ده حظ
اما هو لو حل حلو يقولك عبقرية وذكـاء
لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟

*******
لو قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش هيقول انك انانية
الأحسن انك تقريه وتبعتيه لولاد وبنات برضه عشان يقولوا رأيهم معانا
عشان احنا طبعا ديمقراطيين واللى مش هيعجبوا هيقول بنات آخر زمن مش عاجبهم حد*******

من طرف ظلاوووى الإثنين 22 يونيو 2009, 5:37 pm

يا عم ارحمنى انا لسة خارج من امتحانات مش ناقص

مش ها تبقى انت والدنيا والحر

اية سلسلة المواضيع التحفة اللى انت نازل بيها دى

وسلملى على عمك سام

ظلاوووى

من طرف برعم الجمعة 26 يونيو 2009, 10:43 pm

الحمد لله ظهر الحق
اخيرا عرفتوا قيمة نفسكم يا اشرار انتم
عموما دى اول خطوة فى طريق استقلالنا وانتصارنا عليكم
والضرب هيبقى تحت الحزام بقى عشان احنا دلعناكم اوى واستحملناكم كتييير
يلا بقى كفاية عليكم كدة

lol!

من طرف عابر سبيل الجمعة 26 يونيو 2009, 11:50 pm

يا عم الكلام ده بينطبق على الولد او البنت

وكل الناس

على راى المثل

لا عاجبه العجب ولا الصيام ف رجب

وصدقنى الناس كلها كده

مش الولاد بس

ومش جى تدافع غير عن البنات

الله يرحم ايامك يا باول

قبل مايغتالوه

شكلى كده هقود المسيرة من بعده واعلن الحرب على البنات

ارجوكم متحضروش العفريت

علشان اللى يحضر العفريت يصرفه

ولو معرفش يصرفه يستحمل ازاه

امضاء
عابر سبيل
تلميذ باول النجيب

من طرف برعم الجمعة 26 يونيو 2009, 11:57 pm

اوك انا بتقدم وبمنتهى الجسارة وبقول

اطلعلى هنا بقى ورينى شطارتك

قال باول قال... باول ده خلاص راحت عليه وسلم الراية البيضة بعد محاولات بائت بالفشل الزريع وده مصير كل واحد ينتهج نهجه
وقد اعذر من انذر.....................

من طرف كارلوس السبت 27 يونيو 2009, 5:21 pm

لا باول ماراحتش علية واحنا موجودين بداله انا بس حبيت اسخن البنات بكلام حلو
بس بعد كدة مش هارحمهم

الولاد دول حاجة صعبة

الولاد دول حاجة صعبة

رد: الولاد دول حاجة صعبة

رد: الولاد دول حاجة صعبة

رد: الولاد دول حاجة صعبة

رد: الولاد دول حاجة صعبة

رد: الولاد دول حاجة صعبة