الجواله مش دوف

السلام عليكم ورحمه الله و بركاته

يا جماعه الاول احب اني اعتذر للاعضاء علي الفتره الكبيره اللي مكوناش موجودين فيها

علشان بس الامتحانات و الحمد لله معظم الناس اخدوا الاجازه خلاص و هنرجع تاني نخش المنتدي

و لازم منتدي عشيره اداب عين شمس يرجع تاني و عشيره اداب عين شمس نفسها لازم ترجع تاني فوق

انا بقي كنت عاوزه اتكلم في مشكله غايظاني و مديقاني و المشكله ديه مهمه اوي لمستقبل العشيره

الناس كلها اللي في الجامعه متخيلين ان الجواله ماهي الا دوف و تهييس و بس

مفيش اي حد في الجامعه عنده فكره عن جمال الحياه الكشفيه و روعتها مفيش حد عنده فكره اننا من خلال المقر الخشبي الصغير

او الاوضه بتاعه الجواله اللي في الرعايه اننا بنمارس اجمل نشاط انساني و هو نشاط الكشافه و حياه الخلاء

مفيش اي ح عنده فكره انه لو بيحب حاجه اي كانت الحاجه ديه انه هينفذها في الجواله و لا حد فاهم ان نشاط الجواله ده اعم نشاط

في الجامعه لانه من خلال دروع الجوال بتكون حققت جميع الانشطه التانيه

يا جماعه انا نفسي ان الناس تفهم يعني ايه جواله و ان الدوف ده اخر حاجه بنعملها و ممكن نستغني عنها لان اصل السمر

انه يكون من غير دوف اصلا

انا نزلت الموضوع ده علشان انا اصلا متغاظه من كل الناس اللي بيقولوا علي الجواله انها دوف وبس الجواله مش دوف و بس

و ان شاء الله جميع طلاب جامعه عين شمس السنه اللي جايه هيعرفوا يعني ايه جواله

انتظرونا في استقبال جديد لسنه كشفيه جديده و ممتعه ان شاء الله 2009 \ 2010

مع تحياتي loola