التخطيط و أهميتة للقائد الناجح

و مستعد لاي سوال او استفسار في اي نقطة سواء علي المنتدي او في الكلية

ارجو توضيح اكتثر لمباديء التخطيط وانواعه


شكرا علي الموضوع احنا فعلا في حاجة لتخطيط سليم للمنتدي في الفترة اللي جاية

سوف نقوم بالاجابة علي الجزء الاول من السؤال الخاص بمبادئ التخطيط
اولا الواقعية وهنا لابد ان يكون التخطيط واقعيا وسوف نقوم بالاجابة بالتطبيق علي عشيرتنا حتي يكون واالمثال واضح في البداية اعرف ما هي امكانيات العشيرة من ادوات و افراد و احدد احتياجات الافراد وفي الخطوة الثانية احدد هدفي و اضع لة الخطة المناسبة مثال (عاوز اطلع معسكر تدريبي وضعت خطة ان المعسكر يكون 10 ايام في جنوب سينا لعدد 100 فردو هنزل في فندق 3نجوم و هعمل مسابقات مائية و ليكن دورة غطس و سباحة لافراد العشيرة و جولة حرة في اخر يوم في قرية سياحية و هجيب جوائر قيمة لكل افراد المعسكر و كل هذا يتطلب و جود مدربين كشفيين لتعلم المهارات الكشفية و مدربين للغطس و مدربين للسباحة وا شراف عام و عمال)
تخطيط في منتها الجمال و في الشكل العام تخطيط محكم و لكن ننظر هنا هل امكانيات عشيرتنا هل نستطيع ان نقوم بهذا المعسكر و من هنا نري انة يجب ان يكو ن التخطيط واقعيا و لا يكون درب من الخيال و الواقعية تكون بناء علي الامكانيات المتاحة لك و نطبق هذا المثال علي كل شئ في عشيرتنا من افرادو رواد رهوط و رائد اكبر و م قائد عشيرة و قائد عشيرة ومن هنا نستطيع ان نتقدم بالعشيرة الي الامام و ذلك في اطار الهيكل التنظيمي للعشيرة و فهم دور كل فرد في العشيرة
وهذة اول نقطة ارجو ان تكون واضحة و اذا كانت مفهومة ننتقل الي النقطة الثانية وهي المرونة
وارجو منكم التواصل

اخوكم / احمدعبدالعزيز

توضيح رأئع يا قائد زيزو
تقدم

منتظرين منك كل جديد وفعلا موضوع روعه وياريت تكمله يااستاذي العزيز قائد احمد عبدالعزيز

منتظرين منك كل جديد وفعلا موضوع روعه وياريت تكمله يااستاذي العزيز قائد احمد عبدالعزيز

لما احس ان الكل عاوز يستفيد هكمل لموضوع

بجد انت شوقتنا يااستاذي وياريت تكمله

ياريت تكمل يا قائد زيزو

بسم الله الرحمن الرحيم
هنتكام عن المرونة في التخطيط و زي ما قولنا هنطبق الموطوع علي العشيرة المرونة هنا تظهر في الخطط بعيدة المدي زي الخطة الثانوية و ممكن في خطة قصيرة زي ممكن يكون عندا مشروع في الخطة و احنا قررنا نعملو الشهر الجاري و لكن زيارة لدار ايتام و لما روحنا علشان نتفق معها لقينا الدار مش مستعدة تستقبل ضيوف الفترة دي و لكن بسسب الصيانة في هذة لحالة نغير الدار و لو الموضوع صعب ممكن نشوف مشروع اخر في الخطة نعملو و في مثال تاني خاص ببرنامج المعسكر و دي يعتبر خطة مصغرة خلال فترة المعسكر و لكن معسكر تدريبي انا بعلن البرنامج الثابت و هو عبارة عن مواعيد الاستيقاظ الصلاة تحية العلم الوجبات فترات النشاط غير مفصلة غلشان ققدر اغير المحاضرات لو في اي ظروف جدد مثل المحاضر اللي هيشرح تعبان او مش مستعد او الوسيلة اللي معاة لسة بيجهزها ...شئ من هذا القبيل و دي امثلة بسيط للاضاح لكن وانت بتعمل الخطة هتلاقي امور تانية اصعب و ممكن علشان تعمل خطة طويلة المدي يتخللها خطط قصيرة المدي و دي هنعرفو في الاجزاء القادمة باذن الله و ذلك مع التواصل
أخوكم /أحمد عبدالعزيز

ربنا يباركلك يا قائد احمد لازم تكمل لان الموضوع ده مهم جدا وخصوصا لرواد الرهوط ووكلائهم وفي الحياة عامة لاي شخص عادي بعيدا عن الكشفية بس بعيدا عن الاكاديمية الامثلة اللي بتفرضها عالية اوي واي حد عادي ممكن يفهما بسهولة احنا مستنين الجديد

بجد بجد انا مبسوطة جدا بالموضوع ده انا حاسة اني بفهم الحاجة دي
وبستفيد بيها مش بحفظها لمجرد الحفظ
ياريت تكمل ياقائد زيزو

الله ينور بجد يا قائدى

الظاهر ان القائد زيزو نسي المعلومات اللي كانت عندوا عن الموضوع
ولا هو راح فين تاه وهو جي في السكة ولا ايه
فين يا قائد باقي الموضوع ولا انت بتثبتنا
في انتظار انك تكمل

عايز اقول على حاجة ان جلسة التخطيط ديه احدى طموحى انى اديها سواء فى العشيرة او بره العشيرة

ربنا ينولك طموحك
طاب ما تكمل هنا

هههههههههههههههههه
حلودي ياضحكة
صحيح ماتكمل كلام القائد زيزو ده
ولا اقولك ياضحكة بلاش
لحسن يكون بيغش من البيت لما ننزل الكليه نبقى نعملهالو مفاجاه
ويدي المحاضرة كده على سهوة
هههههههههههههههههههههه

الله الله الله الله
هو ده الكلام المفيد
الراجل ده صح الصح وبيقول كلام صح الصح
ربنا يخليك للغلابه اللي زينا ياقائد زيزو
ويخليك ل.........ولا بلاش لحسن يزعل
واخد بالك انت ياضحكه

والله الواحد عمال يشوف حاجة مش فاهمها مش لاقي

ومعلش يا قائد زيزو احنا مقصرين شوية

بس علشان الامتحانات
لكن بعد الامتحانات ان شاء الله

هتلاقينا معاك بالمواضيع
اللي هتثري المنتدي بالمعلومات ان شاء الله


حليم

الله ينور عليك يا ريس طول عمرك تمام وطبعا الواحد مينفعش تبقى كل كلامه تهريج علشان بيبقى ..............وانا فعلا بجد نفسى ادى المحاضرة ديه يا ريس وربنا يسهل فى الصقل اللى جاية

ربنا يخلى

هههههههههههههه
ان شاء الله يخلي
في حياتك ان شاء الله

طيب ماشى خلونا فى الموضوع احسن يقى