الــحــيـــــــــــــاة جــــــــــــوالــة

يوميات بنت مسروعة على الجواز

اذهب الى الأسفل

يوميات بنت مسروعة على الجواز

مُساهمة من طرف برعم في السبت 06 فبراير 2010, 4:36 pm

يوميات بنت مسروعة على الجواز

فى اول اليوم البنت قامت من النوم زى الحلوة كدة بصت فى الموبايل
( يارب الاقى رقم غريب عشان استهبل)
ملقتش ولا رنة حتى سابت الموبايل وعملت نفسها مااخدتش بالها

غسلت وشها وعملت الطقوس اليومية بتاعتها قبل ماتنزل وهى تكوى اللبس وتلمع الشوز وبعدين
تروح تلطع كام كيلو ميكياج على وشها

نزلت الشارع وهى بقا اخر تظبيط وماشية بكل الاطة وركبت ميكروباص ابو نص جنيه
مش لايق على الاطة خالص
لقت كذا كرسى فاضى بس الكرسى اللى عجبها هو اكيد اللى قاعد جنبه واد مزة كدة
قعدت وعملت نفسها مااخدتش بالها برضوا ان كل الميكروباص فاضى اصلا
( استاذة فى الاستهبال الانسة الحلوة دى )
قعدت دقيقة كدة وبعدين موبايلها رن بنغمة من خمسة لخمسة ونص والاسم مكتوب
حسنية من المطرية
ردت وقالت/ هالو سونة انا فى الطريق رايحة جامعة القاهرة كلية حقوق الفرقة التالتة
مجموعة أ
وعندى محاضرات هحضرها اصل انا مثقفة وملتزمة بدراستى وبعد مااخلص
هقعد جنب القبة ومعايا
بنات اصحابى اصل انتى عارفة انى مؤدبة ومش بتاعت ولاد بقا ماشى يا حبيبتى جود باى
وبعدين قعدت تعمل نفسها بتبص على الشباك عشان تبص وتتفحص فى الكابتن اللى قاعد جنبها
وبعدين الميكرباص بقا اتملى وهى عملت نفسها مخنوقة ورن الموبايل تانى بالنغمة الجميلة اللى هى
حطاها والاسم مكتوب ابويا عباس راحت ردت وقالت / هالو بابى اوه يا بابى انا مخنوقة اوى من
الباص دا اول مرة فى حياتى اركبه بابى بليز ابعتلى الشوفير بالعربية الهامر بتاعتنا عشان انا خلاص
هيغم عليا.. وقفلت خلاص وطبعا دا من غير ماابوها يرد عليها شكله كدة مش فاهم يعنى ايه
هالو وبابى وباص وشوفير وهامر
طبعا جه بقا الصبى عشان ياخد الاجرة راحت طلعت مية جنيه مقطقطة كدة هى محوشاها بقالها سنة
عشان تعيش الدور اودام الواد

اتاخر الصبى عشان يرجعلها الباقى وهى من جوا
(فين الواد المحروق دا فيييييييين الباااااااقى )
زااد التاخير
اتاخر
اتاخر
اتاخر
اتاخر
راحت بعلو صوتها ورجعت لطبيعتها بقا
الموضوع موضوع فلوس وشقا سنة بحالها

وقالت ( انت ياض انت فين الباقى بدل مااجى اطلع مصارينك من مكانها)

طبعا الواد اتــــــــــــــــــــــــــــزهـــــــــــــــــــــــــــل
وبصلها بصة كدة

وهى طبعا فاقت لنفسها ورجعت رقيقة تانى وقالت
(اوه الزحمة بتخلينى افقد اعصابى اوه ماى جاد بليز يا كابتن قوله يرجعلى الباقى هو مش مهم
عندى الباقى بس انا بجد فعلا يعنى مش بحب حد يضحك عليا اصل انا متربية على ....)
راح قاطعها فى الكلام وقالها
(ماشى ماشى ومن جواه بيقول/ ايه البت دى )


شوية كدة وركبوا شلة ولاد ايه من اللى قلبها يحبهم بيئة اخر حاجة
لابسين الوان الطيف وشعورهم ملولوة
فا هى بقا غيرت رايها فى انها تعلق الواد اللى جنبها
وقعدت تدى نظرات لواحد من الشلة الجميلة اللى طلعت
ونزل الواد القاعد جنبها من الميكروباص وهى علقت الواد الشاب الوسيم
اللى طلع فى جامعة عمالية وساكن فى حارة ابو زعلولة ومن عائلة مرموقة
ابوه صاحب اكبر ورشة ميكانيكى فيكى يا مصر ودقى يا مزيكا
منقول
avatar
برعم
اشراف جامد
اشراف جامد

العذراء عدد المساهمات : 1254
المزاج : جوينت متييييييييييييييين

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: يوميات بنت مسروعة على الجواز

مُساهمة من طرف nemooo في السبت 06 فبراير 2010, 7:16 pm

اللى طلع فى جامعة عمالية وساكن فى حارة ابو زعلولة ومن عائلة مرموقة
ابوه صاحب اكبر ورشة ميكانيكى فيكى يا مصر ودقى يا مزيكا



ههههههههههههههههههههههههههههه




حلو اوى بجد

تسلم ايديكى




نيمووو

_________________
NEMOOO
نوارة المنتدى
الحياه حلوة عيشها من القلب
avatar
nemooo
اشراف جامد
اشراف جامد

الجدي الماعز
عدد المساهمات : 3518
العمر : 26
الموقع : جزيرة الخيال
المزاج : الغناء

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: يوميات بنت مسروعة على الجواز

مُساهمة من طرف halim في السبت 06 فبراير 2010, 11:37 pm

وهى طبعا فاقت لنفسها ورجعت رقيقة تانى وقالت
(اوه الزحمة بتخلينى افقد اعصابى اوه ماى جاد بليز يا كابتن قوله يرجعلى الباقى هو مش مهم
عندى الباقى بس انا بجد فعلا يعنى مش بحب حد يضحك عليا اصل انا متربية على ....)
راح قاطعها فى الكلام وقالها
(ماشى ماشى ومن جواه بيقول/ ايه البت دى )

حلوة الحتة دي

_________________
لما تحس ان انت لوحدك
وسط الناس
لما تلاقي حبيبك باعك
يبقي خلاص
لازم تنسي ان انت عرفتو
وتكون واثق
انك تقدر تبعد تنسي
وتبدأ تاني
واوعي تمكن يأسك منك
تبقي جبان
avatar
halim
Admin
Admin

الميزان التِنِّين
عدد المساهمات : 1521
العمر : 29
الموقع : مجروح وجرحي صعب اداويه لكن بضحك يمكن ضحكي يدريه
المزاج : طائر حزين

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى