وحشتونا هو احنا مش وحشينكوا و لا ايه

اولا السلام عليكم و رحمة الله و بركاته


ثانيا

وحشتوني جدا جدا جدا
كل المنتدي بلا استثناء بجد وحشتوني

ثالثا

الموضوع دا ليه هدف كبير

و اتمني بجد كل العشيرة تشوفه

الموضوع دا بخصوص مناسبتين

اول مناسبة

الادابية

عايزة اقول لكل صحابنا الي في الوفد انهم وحشوني و وحشوا كل الناس بجد

و ربنا معاهم و ان شاء الله يرجعوا بالاول

و حتي لو مش رجعتوا بالاول

بجد اكيد كل واحد فيكوا اكتشف في التاني حاجة تانية و اكيد كسبتوا ناس هناك

و طول ما كلنا مع بعض هنفضل اول

ثاني مناسبة بقي

بردو عن ناس وحشونا كتير كتير

و هم الناس الي مش بيدخلوا المنتدي

المنتدي بجد مش ليه روح دلوقتي عدد قليل جدا الي بيدخل و بيشارك بانتظام

و الله مقدرين انكوا مشغولين بس ادي للمنتدي جزء و لو بسيط من وقتك مش هقولكوا كل يوم

خلينا في الاسبوع مرة ادخلوا

و الكلام دا بجد لكل الناس بليز لو يقدروا

شوفوا المنتدي بقي عامل ازاي

لازم يكون في ناس تشارك من اكبر واحد في العشيرة لغاية الي لسة هييجوا كمان

يعني مثلا فين القائد ضحكة؟.
فين القائد زوكا؟
فين القائدة سمر؟
فين القائدة مها؟
فين القائدة رغدة؟
فين القائد زيزو؟
فين القائد ايمن؟
فين القائد سيف؟


فين كل الناس دي يا جماعة

كل الناس قادة و جوالين و مرشحين جوالين

فين ندي و علا؟؟؟؟؟؟؟؟؟؟؟
فين كباتشو و مانستر و شيكو و مصطفي؟؟؟؟

في كتير من الناس الي قلتهم و الي مش قلتهم في الوفد

بس بعد الوفد مش ليهم حجة بقي مش يدخلوا

صح و لا كلامي غلط؟؟؟

بجد المنتدي وحش جدا من غيركوا عايزينكوا معانا و لو لمدة صغيرة خالص

حسسونا انكوا لسة معانا في كل مكان

كلامي موجه لكل الناس من مرشحين جوالين لغاية الخريجين

ياريت الي يقرا التوبيك دا يبلغ كل الي مش قراه
كلكوا كلكوا كلكوا


انتوا فين

وحشتونا كتييييييييييييييير


مش وحشناكوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يمكن يا شيماء مش الكل بيدخل عشان مفيش حاجة جديدة بنعملها فى المنتدى يعنى انا لما بدخل مش بلاقى حاجة اعملها فيه اصلا غير ركن الالعاب ده غير كده فى موضوعات جميلة ورائعة بس قرينها وعلقنا وقلنا رئينا وخلاص مفيش حاجة اعملها تانى فبنحس بالملل بس

اولا شكرا على التوبيك يا شيماء


ثانيا طيب ما تيجى نفكر نجذب الناس لينا ازاى


او اية اللى يخلى الناس اللى مش موجود ة دى تبقى موجودة




فكرت كتير ومش لقيت حل ومش عارف فية اية بالضبط


طيب ما نقول لبعض ف الجوالة ان احنا هانتقابل على المنتدى مثلا الساعة كذا او


نحدد يوم نتقابل فية من كل اسبوع ان شالله حتى على الشات


اهو نعرف اخبار بعض ونطمن على بعض وكدا يعنى


وبالنسبة للموضوعات انا عندى الموضوعات بس ما بحبش انزل موضوعات ويكون العدد قليل اوى كدة لان كدة حتى لو عايزين ناخد رائ اكبر عدد من الناس ف حاجة معينة مش هتلاقى ف بالتالى بتفضل انك تقعد مع اصحابك برة او تاخد رائ الناس بصورة تانية

فهو دة اللى مخلى الناس مش بتدخل على المنتدى


انا هو دة رائي ولو على التنفيذ يبقى دى مهمة الادمين


وشكرا يا شيماء انتى وديدى



ظلاوووى

دعاء كتب:يمكن يا شيماء مش الكل بيدخل عشان مفيش حاجة جديدة بنعملها فى المنتدى يعنى انا لما بدخل مش بلاقى حاجة اعملها فيه اصلا غير ركن الالعاب ده غير كده فى موضوعات جميلة ورائعة بس قرينها وعلقنا وقلنا رئينا وخلاص مفيش حاجة اعملها تانى فبنحس بالملل بس

بصي يا ديدي
انا و انتي و ظلاوي بالظبط الي موجودين دلوقتي
حتي سنيبر و صاحب الظل مش بيدخلوا دلوقتي
طيب سنيبر عنده امتحانات ليه عزره

صاحب الظل فين؟؟؟؟؟؟؟

ممكن يكون عنده بردو عزر

بس الي عايزة اقوله ان المنتديبالحال دا بسببنا احنا
يعني لو كل واحد انا و انتي دخلنا و قلنا مش لاقيين حاجة و خرجنا المنتدي هيفضل طول عمره كدا

يعني انا زهقت فتحت التوبيك دا
انتي زهقانة افتحي باب تاني للنقاش
ظلاوي اعمل توبيكات جديدة
و ليكوا عليا بجد لو في عدد من الناس استجاب للتوبيك
هعملكوا توبيكات جديدة
و هعمل كمان قبل ما ييجوا بس مش بعد ما هعمل كدا هيفضل حالنا زي ما هو
بجد المنتدي دا المفروض يكون احسن منتدي
لان دا خاص بينا احنا
لو مش احنا الي اهتمينا بيه مين هيهتم بيه
و ياريت بجد لو ضحكة يزود اقسام
يعني اقسام كمان للتسلية عشان نشد الاعضاء هنا
شوف كل واحد ممكن يكون ميوله ايه
يعني انتي مثلا بتحبي مثلا مثلا الفنون
بتحبي السنما و المسرح و الاغاني و كل دا
نعمل قسم او ننزلك حاجات تخليكي تعرفي مين هنا مهتم بنفس اهتماماتك دي و نعرف بعض اكتر
بجد هتكون فكرة كويسة

ظلاوووى كتب:اولا شكرا على التوبيك يا شيماء


ثانيا طيب ما تيجى نفكر نجذب الناس لينا ازاى


او اية اللى يخلى الناس اللى مش موجود ة دى تبقى موجودة




فكرت كتير ومش لقيت حل ومش عارف فية اية بالضبط


طيب ما نقول لبعض ف الجوالة ان احنا هانتقابل على المنتدى مثلا الساعة كذا او


نحدد يوم نتقابل فية من كل اسبوع ان شالله حتى على الشات


اهو نعرف اخبار بعض ونطمن على بعض وكدا يعنى


وبالنسبة للموضوعات انا عندى الموضوعات بس ما بحبش انزل موضوعات ويكون العدد قليل اوى كدة لان كدة حتى لو عايزين ناخد رائ اكبر عدد من الناس ف حاجة معينة مش هتلاقى ف بالتالى بتفضل انك تقعد مع اصحابك برة او تاخد رائ الناس بصورة تانية

فهو دة اللى مخلى الناس مش بتدخل على المنتدى


انا هو دة رائي ولو على التنفيذ يبقى دى مهمة الادمين


وشكرا يا شيماء انتى وديدى



ظلاوووى

لا يا ظلاوي الحل مش في ايد الادمين ابدا
و بعدين انت قلت نقطة حلوة جدا
يعني مثلا بكرة الاثنين

هيكون في ناس كتير في الجوالة عشان الوفد راجع و اول يوم ننزل فيه و نشوف الوفد
ايه المشكلة لو انا و انت و دعاء قمنا بالمهمة دي
يعني انت تروح لكل اصحابك و تقولهم علي التوبيك يدخلوا و يشوفوه
و نرد عليهم و كل واحد يقول للي يعرفه من الجوالة
و انا و ديدي نقول لاصحابنا و ندخل كلنا
يعني هتكون فرصة كويسة لانك تجمع الناس و لو مش في حد نزل كلمه قوله ادخل علي المنتدي
يعني مثلا انا امبارح كنت في الرعاية و بالصدفة قابلت محمد قطب اكيد عرفينه
و قلتله و ديدي كانت معايا قلتله لازم تدخل المنتدي و تشوفه
قال ان مش في حاجة جديدة
بس يا جماعة مش كل واحد هيقول كدا يبقي مش هنعمل حاجة
دا المنتدي بتاعنا زي ما قلت لديدي يعني بتاع لجوالة
لازم نهتم بيه اكتر من كدا شوية
كمان فكرة حلوة اننا نتفق علي ساعة معينة
بس بردو فيها مشلة ان مثلا انت لو مش عرفت تدخل فيه
يبقي ضاع عليك الاعضاء و الميعاد
يبقي ممكن نحدد ميعاد اوك بس يكون مناسب للكل
بس بردو نبقي عارفين ان كلنا ندخل كل يوم مش هتفرق معاك خمس دقايق من وقتك لو نص ساعة بس
اعتبر نفسك بتعمل اي حاجة بتتفرج علي حاجة
يمكن تلاقي حاجة هنا تبسطك انت عايزها
حاجة تفرجك كدا يعني
تعرف الناس بتفكر فعلا ازاي
كمان انا قلت لديدي نهتم باهتمامات بعض يعني لو انا اعرف مثلا ان انت بتحب حاجة معينة هنزلك توبيك بيها لو اعرف مثلا ايه الي بيشد الناس الباقية هجيبلهم الي هم عايزينه
يعني مثلا حاجة زي صور و فيديوهات المعسكر التنافسي انا عندي دلوقتي الحاجة دي و ناس كتير عيزاها لو دخلوا و فضلوا معانا هرفعلهم الحاجة دي كلها
يبقي بردو استفادوا
سوري طولت عليكوا بس بجد نفسي نعمل حاجة لمنتدي

اولا انا بشكرك على المجهود اللى انتى عاملة واللى عايزة تعملية



بس انا المشكلة ان انا مواعيد شغلى مش منتظمة عشان كدة انا باجى بعد الناس ما بتكون دخلت وردت


وبالنسبة ل اراء الناس وميولها

طيب هانعرف ازاى الناس بتحب اية وهما مش موجودين

ثانيا : انا اضمن منين ان حتى لو نزلنا توبيكات الناس مش هاتفضل زى ما هى

العيب ف الناس مش فينا انا ممكن انفذ اى حاجة على المنتدى

بس المشكلة ان الناس شايفة ان الجو هنا خنيق

معلش يا جماعة انا عندى كلمة وسورى ف كلمتى دى



انا شايف ان المفروض قائد العشيرة يهتم بالمنتدى اكتر من كدة شوية وكمان الادمين

لان دول المسؤلين عن المنتدى العشيرة

انا عارف ان ما حدش فاضى بس اكيد بييجى وقت ويكون الادمين مش لاقى حاجة يعملها

وكذلك قائد العشيرة ف لو فكرو ا شوية ف المنتدى اكيد هيعرفوا مين اللى بيدخل ومين اللى مش بيدخل ويعرفوا يقولوا للناس ادخل المنتدى لان الناس دى المفروض قدوة لاى حد سواء ان كان صغير او كبير واكيد الناس بتحترمهم وتقدرهم


انا هو دة رائيي وسورى لو كنت اسأت لحد ف اللهجة اللى بتكلم بيها


وسورى على الاطالة



ظلاوووى

بص يا ظلاوي انا النهاردة كنا متفقين اننا نبدأ نقول للناس
و معلش روحت لاكتر من حد و مش لاقيت اهتمام
قلت لقليل اوي الي قالي حاضر
و متأكدة انهم مش هيدخلوا كمان
يعني قلت لكريم قالي لا مش بدخل عليه مش بتابع في منتديات اصلا
قلت لمصطفي امبارح و هو دخل يعني بدأ يرجع تاني اهه
قلت لقطب و كتبتله اللينك عشان يدخل
قلت لطارق مش مهتم قالي النت و مش النت بس هبقي ادخل
قلت لسيف مش خدت منه رد معين اتكلم في حاجة تانية
قلت للقائد ايمن و قالي حاضر
و انا عارفة ان كل الناس دي لا هتهتم و لا هتدخل بجد شوف انا عاملة ازاي و بقولهم يا جماعة المنتدي مش هيكبر الا بينا لانه لينا احنا
مش هنروح لناس تانية نقولها و النبي تعالوا معانا صعب اوي
يعني فكروا شوية يا جدعان بصراحة بعد كل الحماس الي كنت فيه كل دا ضاع
حتي واحد منهم يدخل
يهتم
يعرفني ان الي بعمله مش حاجة كدا و خلاص
يعني دا بجد الكلام الي قلته لسيف حتي جوا العشيرة ببقي هموت و نفسي اعمل حاجات كتير و مش في حد مساعدني
و برجع اقول لنفسي اقعدي بقي هو الموضوع بدأ بحماس و الي حوليا سكتوني هعمل ايه يعني
هروح اتحايل علي الناس اكتر من كدا انهم يدخلوا يعني
بجد متضايقة جدا

متضايقيش يا شوشو انا جيت اهو واى فكرة عندك بحماس انا معاكى فيها وانا هاملالك المنتدى كله مش احسسك بالوحدة ولا تزعلى بقى

انا عايزك تنتشرى ف المكان



طيب يا شوشو ما هو دة اللى بتكلم فية


طيب بصوا يا بنات تعالو نفكر نخليهم يدخلوا ازاى


بس بصراحة مش عارف اقنعهم بحاجة هى ف الاساس بتاعتهم والمفروض هما اللى يتحركو ليها مش اى حد تانى


طيب قولوا افكاركم وانا هفكر ف فكرة كدة بس هى تكمل



بس يا ريت اعرف اعملها



بس قولوا انتوا دا لو حد فيكم عندة اى فكرة لو ما عندكوش يبقى انا اهشوف الفكرة دى هاتكمل ولا لا




ظلاوووى

يا دعاء انا بجد متضايقة لان مش لاقية اهتمام عارفة تكوني بانية امل علي حاجة
و مش تحصل
بتضايق اوي و كل الي حوليكي ما شاء الله بلا استثناء خذلوكي

ازاي بس يا ظلاوي
هو في اكتر من انك تروح تتحايل علي الناس تدخل و هم يقولوا لا
انا زهقت بجد و فعلا حاجة تعصب

يعني مثلا زي امبارح قعدت شفت الصور الي في ركن الصور الكشفية
اسال دعاء او روح شوف الكومنتات بتاعتي
هزرنا و ضحكنا و عملت كومنت علي الصور صورة صورة

و قلنا ضحك و هزار و قلت لدعاء عايزين بقي نقول للناس دي تدخل و كدا
مش في حد فيهم مهتم و لا حد هيهتم
مش عارفة طب و بعدين يعني
مش بقولكوا الاسهل نسيب احنا المنتدي

انتى من الناس اللى بتفقد طاقتها بسرعة ولا ايه لا انا عايزة صبر وتفكير
اوك

ايوة كدة يا دعاء



وبا شوشو يعنى انتى تقوليلنا ما تسيبوش المنتدى وانتى ما اقرب موقف اتخنقتى منة بقيتى عايزة تسيبى المنتدى لا كدة مش هاينفع وياريت تجمدى اكتر من كدة


وتعرفى ان الناس اللى ف المنتدى دة بيدخلوا بمزاجهم ويسيبوة بردة بمزاجهم





فسيبيهم وهم كدة كدة ها يدخلوا ان شاء الله





ظلاوووى

انا اللى فارق معايا بجد اكتر من ان الناس تدخل ان المنتدى ده يبقى حلو بجد لانى انا نفسى مع انى بدخل مش بستمتع بمعظم اركان المنتدى وبحس ان مواضيعه جامدة مش بتتحرك فاهمين

يا جماعة علي فكرة انا صبورة جدا
بس المشكلة ان الرياكشن نفسه كنت مش متوقعاه
و انا داخلة بقي و عايزة اعمل حاجة
و نفسي بجد اشتغل في حاجة زي بالظبط عندي حاجات كتير عايزة اتعلمها في الجوالة و اعملها و نعمل حاجات يعني
و مش بلاقي حد يساعدني خالص فبسكت بقي
فمش عايزة الموضوع دا يحصل يعني مع المنتدي لان دا اول تعارف بيني و بين الجوالة
فانا اهه معاكوا بس فعلا علي راي دعاء
يعني ندخل نعمل حاجة كدا في اي حتة يعني
طيب الي عنده صور للعشيرة يرفعها مثلا
الي عنده اسمار
اي حاجة يا جدعان مش كدا
طب انا هحاول دلوقتي كدا ارفع كام صورة منها ان زوكا طلب صور كشفية و اننا يعني نشوف حاجة جديدة
هرفعلكوزا صور من المعسكر التنافسي دي اخر حاجة كانت قبل الادابية بما اني لسة سيف مش خد الحاجة من حسيني يعني
بس يا رب بفايدة

يانب ياختى يا نب





ارفعى ارفعى رفع الله قدرك وعظم اجرك


يا صنبورة


ظلاوووى

يا عيني انت شارب حاجة يا ظلاوي و لا ايه؟؟؟؟؟؟؟؟

لا بس و الله فكرة حلوة لا بجد كلام مفهوم يعني

اصل معظم صور المعسكر على الجروب على الفيس والكل بيشوفها وبيعلق عليها والباقى مفقودين نفسى الاقيهم بس فاهنزل نفس الصور تانى يعنى بننقلهم مش اكتر طب ليه

لا انا رفعت صور مش شفتيها قبل كدا
روحي شوفيها

بس هي كبيرة شوية

سيبي الصفحة تحمل الاول

شفتها يا شوشو حلوة بس لو شفتها كاملة

بصي يا ديدي و الله انا اتحولت و انا بعمل الصور دي و بعدلها مليون مرة

يعني لو كدا مش حلو هولع في التوبيك كله اصلا
انا ايه لاي كان خلاني اسمع لاكلام و ارفع صور

يا قائد زوكا ابقي ارفع انت اسهل و النبي

تسلم ايدك بقوا حلوين خالص

يلا اي خدمة يا ستي
يا رب بفايدة بس

بجد يا جماعة المشكله دي من زمان
بقالها فترة
بس انا بجد نفسي الناس ترجع تاني
الناس اللي بتدخل حتي بتدخل علي الفيس ومش بتدخل علي المنتدي مع ان ده الاصل فعلا وانا بجد بحبه بس فعلا زي ما بتقوله الناس بتلاقي فيه ملل
وعايز يتطور شويه ويبقي ممتع عن كده وانا ان شاء الله عن نفسي هحاول ادخل كل يوم
وهاروح للناس اللي بتدخل واقولهم يجوا
وبالنسبة لضحكة وزكا وسمر فهما مسافرين واول لما يجوا هكلمهم
وبالذات ضحكة ونشوف طرق جديده لجذب الناس

و الله يا ندي انا عارفة
بس الاول كنا بنقول اعداد معسكر و بعدين معسكر و بعدين اعداد ادابية و بعدين ادابية
و بعدين العريش
و بعديها الامتحانات
و بعد كل الامال دي
هنرجع تاني نقول اصل المنتدي ممل و مش عايزين ندخل فيه
طب يا جماعة ما لو كل واحد قال كدا عمر المنتدي ما هيتظبط ابدا
لان المنتدي عشان يكون فيه روح لازم يكون في اعضاء
لكن للاسف مش في حد بيدخل عشان يديله روح