شعر عامي

من طرف halim الخميس 05 يونيو 2008, 6:16 pm

بقولــ ـــك إيه
من الآخر
و شيل إيدك و سيب بُقي
كده اتاخر
آديني باقولها م الآخر
كلام الليل
ما لوش آخر
كلام لا يجيب و لا يودي
كلام ف كلام
لحد الضلمة ما تعدي
كلام مدهون و بالسمنة
و لما الصبح بيصبح و لا توفيش
حروفه تسيح و قدامنا
بالاقي قفايا و أنا راجع يأمر عيش
و الاقي كلامك الجبار كلام عادي
طاحونة يا ناس و شغالة على الفاضي
و طول الليل ماسك ودني
و دو دو دو و توعدني
تعممني
لأ اطمن ما فيش حاجة
ما فيش مصنع
تسجدني
و هي بلدكو محتاجة
مدام ها يضر و لا ينفع
كده كفاية
كفاية حرام بقى كفاية
كفاية حشيش و كباية
كده كفاية
عشان خاطري
عشان بنتك عشان ابني
بلاش مصنع
مدام ها يضر و لا ينفع
باسم الدين و باسم النخوة و الأخلاق
عشان سلمى عشان محمود عشان نجلاء
عشان سارة عشان حلمي و الا هناء
أبوس إيدك
عشان الوردة ما تفتح في جو نضيف
أبوس رجلك
عشان السل ما يعشش في حضن الريف
تعالى زيارة ويايا
و شوف بكره كده معايا
دي سارة فاكرها عملت لك مشبك أيوة و الا فطير
و شوف حلمي اللي كان بالأويما يعملك دولاب و سرير
أديه نايم شوف المنظر
بعد عنك ما جاله السل م الدخان
و سلمى نايمة و الكنسر
مخلي حياتها ذل ف ذل ويا هوان
يلا قوم و خليهم بقه يغوروا
على غيرنا يروحوا يلفوا و يدوروا
يلا و لم يا كندي و شيل من هنا سمومك
و لم اللي وقع منك فلوسك يلا و هدومك
و لم ديولك الألاضيش و خد عليهم المزة
أراهنك لو ف تل أبيب يوافقوا تعمله في غزة
و خليني و خلي لي هوايا الصافي و المية
و خليني كده بعبلي أفطر فول و طعمية
كفاية خلاص كفاية سكوت
خلاص حاسس بإني هـاموت
كفاية سكات سنين فاتت
و رحمة امي ما انا ساكت
ما فيش مصنع
ما فيش مصنع
لا انا ساكت و لا ها ارجع
ما فيش مصنع
و لو ناوين على موتي
مش ها افضل على سكوتي
و آديني باقولها م الآخر
و شيل ايدك و سيب بقي
كده اتاخر
لا انا ساكت و لا ها ارجع
ما فيش مصنع
ما فيش مصنع
ما فيش مصنع
.
.
.
.
.
.
...
منقول

من طرف dodo الخميس 05 يونيو 2008, 8:26 pm

السلام عليكم
جميله اوي يا ضحكه
بس وحياتك اديني بجنيه عيش من الاحمر المفقع
ايوه ده اللي قدامك ده
واديني قرش كبتشينو مركه سبها وخدها يوم الاحد وان منفعش خدها الاتنين
ههههههههههههههههه
ضحكه ورغيف العيش
ياللا عشان محدش يعاير التاني
اديك اهو انت كمان
فرنجي انا اهوجي
ههههههههههههههههههههه
انا هتطور وهقدم المشاريب علي حسابي هقدملكوا نسكافيه وفروت سالاط و.........
اما انت بقي هتبيع ايه
عيش توست هههههههههههههههههههههههههه
ايوة انا عرفت ازمه رغيف العيش مين السبب فيها
؟؟؟؟؟؟؟؟؟؟؟؟؟؟؟؟
ضحكه ورغيف الغيش
دودو 2008
lol!