ماتت حبيبت عمرى

ماتت حبيبت عمرى
وعيونها مليانة دموع كأنها بتودعنى
حسيت جواها شىء موجوع وهى مش عايزة تسيبنى
بسألها ليه مليها السكوت وليه عنيها مش مفارقة عينى
مكنتش اعرف ان هيخدها منى الموت
وديه اخر مرة هتشوفها عينى
ماكنتش بس حبيبتى كانت ابويا وامى واخويا واختى
كنت بقولها هفضل معاكى ومش هسيبك لو لفين بعدتى
ذنبك ايه عشان تموتى وانتى لسة معشتيش حياتك
عمرك جوه قلبى ماهتموتى
انتى وعدتينى وقولتيلى ان احنا ليعض
ومش هيفرق بينا مخلوق عالارض
بس النهارده انا لوحدى وانتى مش معايا
الدموع زى المطر على خدى والحزن سكن جوايا
بعدك الفرحة ماتت والحياة مابقاش ليها طعم
ونبض القلب ساكت والدموع بتجرى زى الدم
لو ايه فى الدنيا يفرحنى صدقينى الفرحة من غيرك بتجرحنى
سبتينى بس لمين سايبانى للليل اسود حزين
انا اعرف مين فى الدنيا غيرك انا معرفش ناس تانيين
عشت الفرح والحب معاكى ومش هعيش حياتى بعدك
ليه مخدتنيش وياكى وليه هتموتى لوحدك
ايه من غيرك فى الدنيا ممكن اتحمله ده انتى كنتى الصبر والامل
صعب الطريق من غيرك ممكن اكمله الطريق كله جراح لاتحتمل
نفسى اقولك ارجعى نفسى اقولك محتاجلك اوى
محتاجلك يابر الامان انا وسط الموج غرقان
دوامة الحياة مليانة احزان وانتى الموت اخدك منى
ياترى حاسة بعدك ايه اللى تاعبنى
وحشتينى اوى اوى وزكراكى هيه اللى فاضلة جوه منى
ماتت حبيبت عمرى

الموضوع اكتر من رائع يا صبانخ وكلماته حاوة ومعبرة اوى ونتمنى منك المزيد من الموضوعات الجامدة والمتميزة
التوقيع:NIMOOO

متشكر اوى نيمو

شكرا يا صبانخ يا اخويا على الموضوع خو موضوع جميل جدا



بس انت عارف انى عجزت ومبقتش اشوف



من فضلك كبر الخط



واوعى تكبر دماغك



ظلاووى

كبرتلك الخط يا ظلاوى عشان ماتزعلش


لو مش شايف بقى ركب نضارة

كلامك صعب اوووووى يا صبانخ

واثر فيا اوووووووى

قد ايه فعلا لحظه الفراق صعبه جدا وقد ايه صعب انك تتحرم من اعز انسان عندك



بس نحمد ربنا على نعمه الصبر والنسيان

BABTY

تسمحلى انا هكتب موضوع رد على موضوعك

وهسميه لحظه فراق

ويارب تعجبك

لا كدا كويس شكرا لك


على تكبير الخط وعلى الموضوع


ايه من غيرك فى الدنيا ممكن اتحمله ده انتى كنتى الصبر والامل
صعب الطريق من غيرك ممكن اكمله الطريق كله جراح لاتحتمل



ظلاوووى

اى خدمة يا ظلاوى

و متشكر اوى يا بابتى على المجاملة الرقيقة دى

و مستنى موضوعك

و أكيد هيعجبنى