أسئله جنان

من طرف Ayoya الثلاثاء 02 ديسمبر 2008, 2:30 pm

أسئله جنان جنان جنان

ايه الشبه بين الجرنان والشمس ؟؟
الاتنين بيطلعوا الصبح

ايه الشبه بين الرقاصة وازازة الحاجة الساقعة ؟؟
الاتنين غازية

ايه الشبه بين التفاح والكمثرى ؟؟
الاتنين مش جوافة

ايه الشبه بين الصعيدي الذكي وسوبر مان ؟؟
الاتنين خيال علمي

ايه الفرق بين الصحراء وايام الاسبوع وموس لورد ؟؟
الصحراء مفيهاش حد ايام الاسبوع فيها حد موس لورد فيه حدين

واحد وقع من الدور التاسع لقى ايه ؟؟
لقى مصرعه

واحد وقع من الدور العاشر لقى ايه ؟؟
لقى حتفه

ليه الارنب مبيعديش من قدام القهوة ؟؟
بيخاف من السحلب المكار

دكتور اسنان اتجوز دكتورة اسنان خلفوا ولد يسموه ايه ؟؟
يسموه حسين على اسم جده

دكتور اسنان ارتكب جريمة يسجنوه فين ؟؟
في سجنال تو

ليه نابليون كان بيقعد قدام التلاجة ؟؟
عشان يستنى حملة فريزر

ايه هي قمة الادب ؟؟
انك تخبط على التلاجة قبل متفتها

ايه قمه الحيره؟؟
انهم يدخلوك في اوده علي شكل كوره
ويقولولك اقعد في الركن

ايه قمه العذاب؟؟
انك تتزحلق علي طرابزيين كله امواس
وتقع في طشت مليان سبرتو

ايه قمه القرف؟؟؟
انك تلاقي واحد مرجع في جردل ومليه ترجيع ؟
لأ
انك تلاقي واحد تاني يشربه

حاجه سودا طايره في الجو بتنونو؟؟
غراب بيستهبل

من طرف spanekh الثلاثاء 02 ديسمبر 2008, 2:37 pm

لأ اسئلة جامدة صحيح

مش عارف من غيرك كنت هعرف المعلومات القيمة دى ازاى

من طرف spanekh الثلاثاء 02 ديسمبر 2008, 2:39 pm

بس سيبك الموضوع جامد

من طرف Ayoya الثلاثاء 02 ديسمبر 2008, 2:52 pm

ههههههههههههههههه

ما هو الواحد لازم يحط مواضيع تفيد الناس
و تزودهم بالمعلومات

ميرسي لمرورك

هههههههههههههههههه

من طرف loola الثلاثاء 02 ديسمبر 2008, 5:10 pm

ايه قمه الالم الاستيكه

تسلم ايديك يا ايويا

موضوع جامد بجد

من طرف ظلاوووى الأربعاء 03 ديسمبر 2008, 10:25 pm

هههههههههههههههههههههههههههههه

ااااااااااااااااة

كفاااااااااااية

حراااااااااااام

مش قالوا كدا برضة

والنبى حركات ضحكة دى

هههههههههههههههه

ظلاوووووى

واحدة ب واحدة

من طرف Ayoya الخميس 04 ديسمبر 2008, 12:24 am

طب واحده واحده
و بلاش كل ده
يجي مره واحده
لتتجنن كده

يا ظلاوي

هههههههههههههههههههههههه

خاف علي نفسك يا ابني

ما تتعرضش لهوا كتير

و اقعد في الضل

هههههههههههههه