حركات هبله لااراديه!

دي فعلا حركات ومواقف بتحصل فعلا مننا او من اصحبنا
واتعودنا عليها خلاص
مع انها هبله شويه ومستفزه بس برد بنعملها
فمثلا..




#لو انت عندك عربيه وفيها سنتر لوك#


بعد ما تنزل من العربيه وتقفلها
باالسنتر لوك..وانت عارف ان هي اتقفلت...وبرده تلاقي نفسك بتعمل حركه
هبله] لا اراديه وتلف علي الاربع ابواب علشان تتاكد ان مفيش ولا باب مفتووح
يا عم الحج.. هما اخترعو السنتر لوك ليه


# لو انت ماشي في الشارع وواحد صفر#


والمصيبه ان انت مش من الشارع ده ولا حد يعرفك فيه ولا تعرف حد فيه ومش من المنطقه اللي انت ماشي فيها
تلاقي نفسك بحركه هبله لا اراديه بتتلفت علشان تبص علي اللي بيصفر
وتفتكر ان هو بيصفرلك... قال يعني الواد مشهوور اوي خلاص وعارف الناس كلها والناس عارفينه


#لو انت حاطط كوول تون#
تمسك يا معلم موبايل واحد صحبك ولما يسالك انت عاوزه ليه
تقوله عاوز اسمع الكوول تون بتاعي
يا عم ارحمنا ... هو انت حاطط الكوول تون علشان انت تسمعه ولا علشان اللي يتصل بيك هو اللي يسمعه


#واحد صاحبك يتصل بيك في البيت#


وترد عليه وتلاقي بيقولك
الوو.. ايوة يا فلان...هو انت في البيت!!؟


حركه هبله برده لا اراديه]
والمصيبه انك ترد عليه وتقوله
ايوه ...انا في البيت..(رد اهبل لا ارادي)
امال هو بيكلمك ازاي من عند الجيران


#لوانت مااشي بالعربيه#
والشارع فااضي ومفيش حد قدامك
تلاقي نفسك برده بتعمل حركه هبله لا اراديه


وتدوس علي الكلاكس
ده برده من الحاجات اللي تخنق
طيب مالشارع فااضي ومفيش حد مااشي ايه لازمتها بقي تزمر وتعمل باللو ولا هو ازعاج
وخلاص...ولاانت اتعديت من سواقين الميكروباص


#لو انت قاعد علي كافيه#


تنده اللي شغاال في الكافيه وتقوله
فيه شيشه تفاح..؟؟؟؟!!!!






ده انت شايف الشيشه وانت داخل الكافيه وريحتها جايبه لاخر الشارع...بتسال ليه بقي!!؟؟


دي برده حركه هبله لا اراديه






#بعد ما تشرب الكانز وتخلصه .. تهز الكانز#


]...بتهزها ليه... علي اساس ان العلبه لما تهزها هتزيد شويه ..ما انت عارف انها خلصت !!؟؟






هو ده اللي انا فاكره
بس اللي عنده حاجه يضيفها برده

منتظر ردودكم

صاحب الظل

الموضوع حلو

بس أنا ليا تعليق

بالنسبة لو واحد بيصفر لواحد أصلا أصلا الشارع كله بيبص علية مش علشان حركة لا إرادية طلعت منهم و بس بردو علشان اللى بيصفر ده بيبقى لفت النظر ليه وكل واحد بيبقى عارف أن اللى بيصفر مش بيصفرله بس أصل الصفارة تعتبر حركة غير تقليدية بالنسبة للناس اللى فى الشارع زى بالضبط لو حد ضحك ضحكة عالية كل الناس تبصلة لأنة بضحكتة لفت النظر إلية و تعتبر حركة غير تقليدية فى وسط الشارع علشان كدة الناس تبصلة لكن مثلا المسرح كل الناس بتصفر وبتضحك وعادى محدش بيبصلهم لأنها تعتبر حركة تقليدية فى المسرح

أنا أسفة لو طولت فى الكلام

وشكرا على الموضوع والمجهود