نهر الحب

من طرف المنسي الجمعة 27 فبراير 2009, 11:48 pm

فهمت عنيكي وكلامهم
وخوف فيهم معذِبهم
وإخلاصك وحرمانك
ونهر
حنان
نشوفه مابينا يبني جسور
لكن قدامنا يطلع سور
واطل بعيني ألاقيكي مع
التاني
أقف حيران
عنيكي تقوللي متسبنيش
ونظرة تقوللي سيبني أعيش
ونظرة
تقوللي بحتاجلك
وبندهلك في كل أدان
وهمسة حب توعدني
وشيء جواكي
يبعدني
و فيكي البسمه مكسوره
وفرح بتسجنه الأحزان
أعديلك بقلب
جريح
واسلم مركبي للريح
تقولي انجدني.. لأ خليك
ده مش سجان
أعود تاني
لشطي وحيد
واسيب قلبي مابينكو شريد
ونهر الحب قدامي
لكني اخترت اعيش
عطشان
وباسم الحب وشرَفنا
وعشق بتقتله ظروفنا
هسيبلك دنيتك وارحل
بدون
عنوان
ومهما تغرَّبي واشرَّّّّّّّّّّّّّّّّّّّّّّّق
ومهما قـَدَرْنا
هيفرَّق
قلوبنا لابد تتلاقي
في كل مكان
فراق يمكن يموتنا
يتَوٌّهنا في
سكتنا
تغيب الشمس في نهارنا
ويرمينا في ليل سهران
ورغم ده كله انا
قابل
ورافض تاني نتقابل
أخاف أشواقنا تغلبنا
واضمك ينفجر بركان
بعيني
وقلبي اغنيلك
قصور عالرمله أبنيلك
و بحر عنيكي ساحرني
و فيه غرقان
تغني
الدنيا حوالينا
ونحلم حلم مش لينا
وهمسة حب مع نظره
نلاقي مابينا ألف
شيطان
وننسي في لحظه إن احنا
هوانا أصفي من روحنا
بحبك. بس مش
هقدر
أخون إنسان
علي بطاقته انكتب إسمك
مَلَك روحك مَلك جسمك
تنامي
حبيبتي بين حضنه
وانا في حضني ينام حرمان
ولو عمري هعيشه وحيد
مايدخل قلبي
حب جديد
ولا هـحلم بغير طيفك
لكن مقدرش اكون خوان
أكون ماضي واكون
ذكري
أكون حلم في إيدين بكره
أعيش ليكي اللي راح والجاي
لكن يومك مليش فيه
مكان
خِسرتك أيوه في الدنيا
لكن بينَّا حياه تانيه
هنبقي لبعض في
الجنه
مايبعد بينَّا أي زمان
ياغاليه وروحي تفديكي
عليم ربي بموووت
فيكي
ولولا عشقي لهواكي
ماكون إنسان
وداع ياأغلي من ذاتي
يا عشقي وفرحي
وأهاتي
ولو ليا نصيب فيكي
حـ يجمعنا رضا الرحمن

بحبك..بس مش قادر أكون
خوان

من طرف Hoba السبت 28 فبراير 2009, 1:06 am

عليم ربي بموووت
فيكي
ولولا عشقي لهواكي
ماكون إنسان
وداع ياأغلي من ذاتي
يا عشقي وفرحي
وأهاتي
ولو ليا نصيب فيكي
حـ يجمعنا رضا الرحمن

بحبك..بس مش قادر أكون
خوان

تجنن

تحفه يا منسى موووووووووت

بجد جميييييله

تسلم ايدك

BABTY

من طرف صاحب الظل السبت 28 فبراير 2009, 3:48 am

كلك علي بعضك حلو والاحلا الخجل الي بعيونك
تزعل او تغضب شوكه بعين الي يحسدونك

بجد كلمات جميله يا بوب

صاحب الظل
اهديلك الاغنيه دي لكاظم

من طرف ظلاوووى السبت 28 فبراير 2009, 8:39 pm

بعيني
وقلبي اغنيلك
قصور عالرمله أبنيلك
و بحر عنيكي ساحرني
و فيه غرقان
تغني

شكرا ليك يا منسى

ظلاوووى

من طرف AHMED M. ISMAIL الأحد 01 مارس 2009, 11:36 am

يسلاااااااااااااااااااااااام
يا مما نفسى اسمع الكلام ده على نغمه شعبولا
وهوا بيقول بس مش خواااااااااااان
واييييييييييييييييييه
المهم رجوعك يا باشا
الموضوع ولا يسوه
اهم حاجه رجوعك لينا
وتشريفك لينا
يا حبى يا منسى
بعد ما نسيتك
رجعت لنا بجمالك
حبى
حبى
حبى