اعظم زوج فى العالم

من طرف برعم الإثنين 06 يوليو 2009, 9:43 am

اكيد كلنا الاسبوع اللى فات تقريبا او اللى قبليه قرينا الخبر ده

[size=16]شهدت منطقة حلمية الزيتون بمحافظة القاهرة واقعة غريبة للغاية، عندما رفع رجل لافتة اعتذار لزوجته في الشارع يبلغ طولها 12 متراً وعرضها سبعة أمتار، تختلط فيها عبارات الحب بوعود الحياة "مع أفضل إنسان في الحياة"

وأفادت صحيفة محلية بأن الزوج استعان بمجموعة من العمال لرفع اللافتة المكتوبة باللغة الانجليزية، كما استعان بفرقة موسيقية لتعزف أشجى الاغاني الرومانسية بمجرد إطلال الزوجة من شرفة المنزل.

وشهدت الواقعة تجمع عدد من الصحافيين وكاميرات الفضائيات بدعوة من الزوج إيهاب معوض الذي يعمل مهندس ديكور، وذلك ليكون الاعلام شاهداً على أغرب صلح زوجي في التاريخ، كما وصفه الزوج في رسالته القصيرة لـ"الشروق".

ونقل عن الزوج قوله: "زي ما أنا زعلتها أمام عائلتها، قلت لازم أعتذر لها بس أمام الملايين".

وكانت مشادة كلامية بين إيهاب وزوجته ريهام تصاعدت إلى خصام ثم طلب للانفصال، وكان تفسيره لتمسكها بطلبها هو أنه جرح مشاعرها أمام أفراد أسرتها وأمام ابنيهما، ففكر في الطريقة التي يصالحها بها ثم هداه تفكيره إلى عمل لافتة الاعتذار أمام البيت حتى يفاجئها حين تدخل الشرفة.

وبعد "حفل الاعتذار العلني" استقبلت ريهام زوجها بعبارة واحدة: "أنا مش محتاجة كل ده، بس أوعدني ما تعملش كده تاني

بجد ياجماعة والله الخبر ده من اجمل الاخبار اللى سمعتها فى حياتى

اعتقد انتو شوفتوا التعليقات اللى عليه ع الفيس بوك وعلى مواقع ومنتدىيات تانية

وكان رد الذكور وتعليقهم عليه بجد حرق دمى جدا

ليه هم مدايقين من حاجة زى كدة؟؟؟!!

هو الراجل من حقه انه يشخط وينطر والغلبانة دى ملهاش اى حق انها تسمع كلمة حلوة؟

هو واخدها من بيت ابوها عشان يعمل كدة فيها يعنى؟

لو هو ده الجواز دلوقتى فبناقص

ودى دعوة منى للعنوسة

من غير ما ارغى كتير واخرج من الموضوع يعنى

من التعليقات الى قريتها

شاب محترم مش عاجبه اللى عمله الاستاذ ايهاب

بيقولك ده اعظم خلاف يكفيه نظرة عين تنهيه

يارااااااااااااااااااجل

انت شايف كدة؟!!

طيب ربنا يوفقك ياسيدى والله يكون فى عون بنت الناس اللى هتاخدها تبهدلها دى

طيب عايزة ياجماعة اعرف رأيكوا فى اللىحصل ده وخصوصا الشباب لان البنات اكيد عاجبهم ده
اوك

بس يا جماعة والنبى رأيكوا بجد من غير مجاملات

ثانكس يا بشر