جمع مرشدات

السلام عليكم ورحمه الله و بركاته

ازيكوا يا بنوتاتي الحلوين عاملين ايه كويسين طبعا طول مانا معاكوا

هههههههههههه كنت عاوزه اقولكم اني عندي عرض ليكوا هيستمر ان شاء الله

لو لقيت تفاعل منكم معايا لو طنشتوني بقي موضوعي هيفشل

عاوزه نعمل موضوع كل يوم نكتب فيه نصيحه للبنات علشان جمالهم بس تكون نصيحه طبيعيه

يعني مثلا انا جايه النهرده اقولكوا ان القشره مش علاجها في الشامبو اللي ضد القشره خالص

بالعكس ده بيزودها زياده انما الخل هو الحل الوحيد لعلاج القشره عن تجربه

و كمان بيعالج الساق من العروق الزرقا اللي بتيجي من كتر المشي ( الرحلات الخلويه بقي و الحاجات ديه )

و كمان لو عاوزه تخسي تخدي معلقتين خل صغيرين علي كوبايه ميه مع كل وجبه

ديه معلومه النهرده و كل يوم ندخل نكتب معلومه بس تكون طريقه العلاج حاجه طبيعيه اوكي

يا ولاد اللذين ............ بتظلموني

ههههههههههههههههههههه

متزعليش يا لولا

انا هقولك معلومة طبيعية

للسواد تحت العين
من كتر سهر المذاكرة و ترتيبات المعسكرات


كل اللي عليكوا
تحطوا معلقة لبن بودرة و ملعقة لبن سايل
و معاهم نص ملعقة ماء ورد _ عشان ينعم البشرة و يديها رائحه حلوه


و تحطوا كل ده علي قطنه
و تحطوهم تحت العين لمدة بين 10 : 15 دقيقة

و هتلاحظةا فرق كبير بعد اسبوع











مظلمتكيش اهو يا قمر

ههههههههههههههههههههههههههه

ايه ده لاء مش ممكن

حد نصفني في المنتدي

هههههههههههههههههههه

شكرا يا ايويا

و انا هعمل بالنصيحه ديه طبعا

بس مش علشان المزاكره علشان المعسكرات هههههههههههههه

امضاء : يا فاشل يا فاشل

اسفة جدا يا لولا يا قمر


ما اخدتش بالى من الموضوع

بس عندى ماسك لازالة الحبوب من البشرة



دى مشكلة كل البنات والشبان فى مرحلة الشباب لكن ما فيش احسن من الطبيعة ومن نعمة ربنا
ماسك سريع ومش مكلف وكله منافع بأذن الرحمن
بيضة مخفوقة+معلقة دقيق +معلقة زيت زيتون
تخلط المكونات ويوضع على بشرة نظيفة خالية من الاتربة والمكياج تماما وتوضع لمدة ربع ساعة ويشطف بماء دافئ ثم ماء بارد - ويكرر مرة اسبوعيا الى ان تتحسن البشرة ولا تنسونى فى الدعوات الحلوة







نيمووو

انا مقدرش اظلمك ابدا يا لولا


و هقولك كمان حاجه جامدة جدا


بصي يا ستي


الليمون

ايوه الليمون

الليمون مبيض طبيعي للاسنان و ملمع للاظافر

يعني عشان نبيض اسناننا
بعد ما نعصر الليمون ناخد الييمونه و نفركها علي الاسنان كلها

" هي طعمها صعب حقيقي "
بس بتبيض الاسنان فعلا

و كمان مع الاظافر كده
هتخلي الاظافر بتلمع زي المونيكير الشفاف





امضاء
مش مزعلاكي اهوه

ايه الموضوع الجاد ده متزعليش يا لولا بناتك هايكملوه ان شاء الله
معايا حتة طريقة سهلة وسريعة للتخلص من حب الشباب برضه بس خصوصا حبوب الضهر
عارفين اكيد زيت الزيتون
تدهنى بيه البشرة وتسيبيها تمتصه بس مش بكمية كبيرة اوى
يلا عايزة البنات يجوا يكملوا الموضوع الجامد ده

انا لقيت كنز بدل ما كل واحدة تدخل تقول نصيحة للبشرة ده رابط عليه كل شئ يخص البشرةhttp://fashion.azyya.com/128072.html

واكيد هاتلاقوا فيه كل اللى تحتاجوه من ماسكات يلا عاشان متزعليش يا علا بدل ما اجبلك نصيحة جبتلك كل الماسكات الطبيعية

ميرسى يا ديدى على اللنك ده حلو اوى

ايه يا بنات انتوا فين يعنى احنا لينا ركن لوحدينا خاص بينا ازاى منستغلوش بقى
عايزين نبقى ندخل الركن ده واى حد عنده اى سؤال يسئله ونتكلم مع بعض شوية بدل ما احنا هجرينه كده