الزي الكشفي و الارشادي

من طرف loola الأحد 10 يناير 2010, 3:56 pm

السلام عليكم ورحمه الله و بركاته

ده موضوع بسيط كده عن الزي الكشفي لاني بصراحه اكتشفت قريب بسبب القائد زوكا

اننا منعرفشي حاجه عن الزي الكشفي (اننا ديه بتشمل الناس الجديده يعني انما القدام مقدرشي اقول حاجه )

بس الحمد لله عرفت و اتعلمت ... رغي كتير اوي نخش في الموضوع احسن

اولا اهميه الزي الكشفي : * نشر الحركه الكشفيه - الاحساس بالمسؤليه تجاه الزي -الاحساس بالانتماء - تعلم الاناقه -

تحديد نشاط او فرقه الكشاف

يتكون الزي الكشفي من : قميص كشفي - بنطلون - جزمه - غطاء راس

الوان الجمعيات :

الفتيان : قميص بيج - بنطلون بني - حذاء بني او اسود - حزام بني - غطاء الراس اخضر

البحريه : قميص ابيض في الصيف وكحلي في الشتاء - بنطلون كحلي او ابيض في الحفلات - حذاء اسود

- حزام ابيض - غطاء الراس ابيض

الجويه : قميص لبني - بنطلون رمادي - حذاء اسود - حزام اسود - غطاء الراس كحلي

الاتحاد : قميص رمادي - بنطلون رمادي - حذاء اسود

المرشدات : قميص ابيض ( الزهرات بيج ) - بنطلون رمادي - حذاء اسود - حزام اسود - غطاء الراس احمر

الشارات : هحاول علي قد ما اقدر اشرح الشارات و البابيس بتتحط ازاي

الاول كلنا عارفين شكل القميص الكشفي طبعا ركزوا معايا بقي

الاول ناحيه اليمين : عندنا فوق الجيب اليمين ب 2 سم علم مصر و تحتيه ال id و علي الكتف اليمين

شاره اسم الفرقه ( الاتحاد او الجامعه كده يعني ) و شارات الهوايه علي الكم اليمين

و لما يزيدوا عن 8 شارات يعلقوا علي وشاح بلون المرحله

(الاشبال اصفر - كشافه اخضر - متقدم قرمزي - جواله احمر )

شاره المسعف ديه بتتحط علي اليمين و الشمال لسرعه معرفه انه مسعف

و علي الجيب اليمين نفسه شاره اخر معسكر

الناحيه الشمال : فوق الجيب الشمال شاره المنظمه العالميه و علي الجيب نفسه شاره الحديث

و شاره الكفايه علي الكم الشمال و طبعا شاره المسعف علي يمين و شمال

و الدبابيس علي الجيب الشمال ( اتحاد - عربيه - عالميه )

شاره الخدمه العامه : المفروض جواها رقم بعدد سنين المرحله

و علي الحزام شعار المنظمه التي ننتمي لها

يبقي الشارات : شاره اسم الفرقه - شاره الحديث - شاره الهوايه - شاره المسعف - شارات الكفايه شاره المنظمه شاره اخر معسكر

يا رب الموضوع يكون مفيهوش حاجه غلط و من الاخر لو فيه حاجه غلط محدش هيفضحني او هيشكفني غير 3

قائد زوزا - ق زوكا -ق ضحكه يا رب استر حاسه ان كلوا غلط اصلا pale

من طرف دعاء الأحد 10 يناير 2010, 11:43 pm

بصراحة الموضوع مفيد جدا ومبسط اوى تسلم ايدك يا لولا
بس انا عندى استفسار :انتى كتبتى ان زى المرشدات قميص ابيض وبنطلون رمادى وغطاء رئس احمر وجزمة سودا وحزام اسود امال ليه احنا لبسنا فى المعسكر التدريبى 21 بنطلون اسمر مش رمادىولا عشان دى مش ارشادية ولو ده صح يبقى الزى الحنا كنا لبسينة ده خاص بئيه

من طرف loola الإثنين 11 يناير 2010, 10:52 am

بصي يا حبيبتي اولا شكرا لاهتمامك انك مش بس قريتي الموضوع لا كمان بتناقشي

فيه ديه حاجه اشكرك عليها بجد

تاني حاجه انا و انا بكتب الموضوع فعلا جه في بالي السؤال بتاعك ده لاء و مش بس

و انا بكتب الموضوع ده و احنا بناخد المحاضره بتاعه الزي الكشفي

سالت القائد اللي بيشرحلنا نفس سؤالك و قولتلوا ازاي يا قائد بنطلون رمادي

و في الدوره الارشاديه لبسنا بنطلون اسود بس هو الصراحه مكنش عارف

و قالي انا اللي متاكد منه انه رمادي اوكي يا حبيبتي فانا اوعدك اني هسال القائد زوكا

او قائد ازهري في الموضوع ده و هرد عليكي النهرده باذن الله

و شكرا يا جميل لمرورك الكريم و ياريت لو قائد ازهري شاف الموضوع

يرد علينا علشان الموضوع ه فعلا محيرني بس هو احتمال يكون اللونين ارشادي

يعني الاسود و الرمادي ارشادي مش عارفه

من طرف دعاء الإثنين 11 يناير 2010, 5:45 pm

شكرا ليكى يا لولا وانا هتابع الردود ان شاء الله

من طرف كارلوس الإثنين 11 يناير 2010, 9:04 pm

طب ماحنا كذلك الزى الجوى قميص لبنى وبنطلون رمادى بس احنا بنلبسة ازرق ومعرفش لية ولما سألنا برضة فى نفس المحاضرة القائد اللى كان بيشرح قال ان دة مش قرأن وساعات بنتغاضى عن حاجات لو الناس كلها اجمعت عليها ونفس الكلام للزى الارشادى للمرشدات
وشكرا