بعض من رباعيات جاهين

السلام عليكم ورحمة الله وبركاته


اقدم لكم نفسى انا الظل

ودا اول موضوع ليا فى منتداكم الكريم


واسمحولى ان اقول مقدمة صغير ة علشان اول موضوع بس


بسم الله الرحمن الرحيم

والصلاة والسلام على اشرف الخلق اجمعين

حبيبى يارسول الله
كل القلوب الى الحبيب تميل

ومعى بهذا شاهد ودليل

اما الدليل اذا ذكرت محمدا

سالت دموع العاشقين تسيل

عذرا رسول الله





لكم التحية

انا حبيت اجيبلكم رباعيات صلاح جاهين علشان اوريكم قد اية الراجل دة كان جا مد

وانا ان شاء الله هاجبلكم بعض رباعياتة

علشان بس اخليكم تعرفوا قيمة صلاح جاهين الله يرحمة



واليكم بعض م رباعياتة

واسف على الاطالة










أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!



يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!




ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!








هات يا زمان و هات كمان يا زمان
غير بسمة الشجعان مامني يــــبان
هو اللي داق الفرحة يوم ثورتـــــه
يقدر يعود و لا ثانية للأحــــــزان ؟
عجبي!!





يومي علي الله تنتهي و تغيــــب
الشمس و تعود تاني يوم لهاليب
زي الحياة مأساه و من كترهــــا
بقي لا انتهاءها و ابتداءها عجيب
عجبي !!