الصحة و راحة البال

من طرف Ayoya الإثنين 14 يوليو 2008, 8:19 pm

فعلا...الناس كلها ميهمهااااش غير الصحه وراحة البال
وطبعا ده غير المكونات الاساسيه زي الاكل والشرب والنومه.....
وبصراحه انا شايف انك يا عبمتجلي مش محتاج لاي حاجه...يعني كل حاجه معاك....
وكل اللي انت محتاجه الدوله بتدعمهولك..العيش الفينو واللحوم المدعمه والخضار بكل انواعه باسعار مخفضه
والفاكهه كتيره كل ايام السنه....

محتاج لايه تاني يا عُبد......؟؟؟؟؟؟؟؟؟؟!!!!!!!!!!!!!!!!!!!!!!!!!!
احنا موفرينلك الهواء النقي والبيئه النضيفه والشقه ال7 إوض و3 حمام و3 بلاكونات
حتي الكماليات مش سايبينك فيها.....المواصلات الرايقه اللي بتتحايل عالناس يركبوا والاماكن العامه والجناين النضيفه والهدوء اللي في كل حته..
محتاج لايه تاني يا عُبد......؟؟؟؟؟؟؟؟؟؟!!!!!!!!!!!!!!!!!!!!!!!!!!
الدنيا لسه مليانه بالخير وانا مش عارف ليه انت قرفان... مالها الدنيا؟؟؟
الدنيا حلوه والسما صافيه والسكون بيغري الواحد يناااااااااااااااااام.............
يعني ترمي الابره تسمع صداها بيرج المكان
تكونشي زعلان من الحكومه؟؟
والله الحكومه دي اغلب من الغلب ....دي لما قررت تقاطع كل الدول الي بتعادينا كانت بس بتعمل
كده عشان ديننا امرنا بكده!!
ولا عشان مسكت صاحب العباره الغرقانه وشردته وقامت معاه بالواجب؟اوعي تكون اشفقت عليه
من اللي عملته الحكومه فيه..ده يستاااهل
آآآآآآه انت زعلان عشان الشد اللي عاملاه الحكومه في اعدام الطيور وشكلك كده نفسك تاكل فراخ؟؟؟
بس ماتخافش....كلها 19 ساعه و33 دقيقه و...5 ثواني والمرض ينتهي من عندنا...
شكلك كده مخنوق من رد الفعل اللي بيحصل لما حد من كبار الدوله بيغلط
طبعا جل من لا يسهو...بس الكلام ده بالنسبه للي يغلط ويكون الغلط عليه وبس...
لكن كبار الدوله!!!!!
ومتنساش ان الحكومه بتعمل فيه اللي ماتعملش عشان يكون عبره للمسئول الجديد...
ومتنساش ان الواسطه والمحسوبيه ماحدش عندنا بيلجا ليها ابدا لاننا شايفين العدل في كل حته
برضو لسه زعلان؟؟؟
اآآآآآآآآآآه يبقي اكيد
زعلان من حال الرياضه عندنا...
بصراحه عندك حق...99%من ميداليات دورات الالعاب بس عندنا....بس احنا بندور اهو عالواحد في الميه راح فين..
اكيييييد المعوقين هم اللي ضيعوا مننا الواحد ده...
طب زعلان من ايه بس
المستوي الثقافي عندنا عال العال والحمد لله...
يعني ولا كل الشعب والحمد لله بقوا مهندسين ودكاتره و سياسيين و محامين و اساتذه...
حتي الحكومه مش لاقيه صنايعيه وباعه متجولين ومش لاقيه...
والتعليم مفيش احسن منه.....جهاز كمبيوتر لكل طالب والدراسه الحديثه اللي بتعتمد علي التامل والابتكار...
!!!!!!!!!!!!!!!!
متقول زعلان من ايه ياعم فلقتني
زعلان من ايه ياعم فلقتني
زعلان من ايه بس
قووووووووووووووول
قووووووول بقي

الدكتور:- لسه زي ما هو يا عم ذكي؟؟!!!

عم ذكي :- والله يادكتور شويه يسكت وشويه يزعق زي مانت شايف كده

الدكتور:- طب حطوه في عنبر 22.....ومتنساش الحقنه بتاعته يا عم ذكي