الحياه ازمه عيشها من القلب

السلام عليكم ورحمه الله و بركاته

كل يوم بيتعرض كل واحد فينا لازمات و مشاكل ممكن تكون ازمه صغنونه و سهله

و ممكن تكون ازمه عويصه و تسبب لينا الارق .........ممكن تكون ازمه في الدراسه و ممكن تكون ازمه عاطفيه

و ممكن تكون ازمه قلبيه ههههههه (بعد الشر عليكوا طبعا بهزر)المهم انها تكون ازمه و نشكي لبعض همومنا

و نقول معلشي ازمه و هتعدي و تعدي فعلا و ميلحقش الواحد ياخد نفسه يقع في ازمه غيرها و هكذا هيا الحياه

الا ان هذه الازمات هيا اللي بتحلي الحياه لان الواحد مش بيحس بطعم الحلو غير لما يدوق المر

و لو كانت الحياه كلها سهله كده و من غير مشاكل عمرنا ما كنا هنحس بطعمها

هيا الحياه ايه غير ازماااااااااااااات و شويه حاجات كده فوق بعض

بس اهم حاجه يا جماعه اننا نستقبل كل مشكله بابتسامه عريضه .........علشان تتحل كده ان شاء الله

و بلاش انه الواحد ياخد كل حاجه بدور اكتئاب و عياط زي صاحبتكوا

ربنا ما يجيب لحد مشاكل ولا ازمات بس زي ما قولتلكوا هي ديه الحياه ولازم نعيشههههههههههههههههههها