انا مين في العشيرة

في بداية كلامي احب اشكر كل قادة وخريجي وجوالي اداب عين شمس رغم الفترة البسيطه اللي انا قضتها معاهم اتعلمت فيهم كتير غير اي مكان انا لعبت فيه جوالة قبل كده والفترة البسيطة ده حوالي سنه ونصف رغم انا بلعب جوالة اكتر من 5 سنين قبل ما ادخل العشيرة.
فعلا المكان ده مختلف وكيان كبير لازم نحافظ عليه جوالة اداب عين شمس
لازم يعرف كل جواليه انا الجوالة مش لعبة وخلاص ده اسلوب حياة وطريقة وتقاليد ولعبة بنتعلم منها الكتير والكتير انا في الفترة الصغيرة ده غالبا حضرت كل اللقاءات
1 ـ المعسكر التدريبي العشرين بالاسماعيلية
وكنت مرشح جوال اتعلمت من المعسكر ده كتير اوي رغم ان رهطنا خد المركز الاخير واحب اشكر القائد محمود سيف فية لانه ما كنش طالع ينافس لكن طالع عشان جواليه يتعلموا
2 ـ المعسر التنافسي العشرين بالاسماعيلية
احب اشكر القائد سعداوى والقائدة سمر سيد لاني لو ما كنتش اخدت مركزفي المعسكر كنت ها ازعل اوي فعلا تعبوا رغم الفترة القصيرة اوي اللي جهزوا فيها للمعسكر وكمان اللي فرحني اتر ومزعلتش اوي علي مركزنا اللي اعتقد التالت اني اخدت مثالي عام المعسكر
3ـ الدورة الادابية ( الملتقي الاول لكليات الاداب بجامعة الزقازيق ) مثالي الوفد لكن ماخدتهاش من الدورة لكن رشحني ليها قائد الوفد . احب اشكر القائد احمد عزت رغم الظروف اللي كان بيواجها قبل الدورة لكن فعلا كان وفد مثالي واستحق القائد احمد القائد المثالي في الملتقي . واشكر كمان القائد وفاء عبد الكريم بس فعلا الواحد اتعلم منهم .واشكر كل جوالي الوفد انا والله عايز اقول اسماهيم بس مش عايز اطول عليكم .
4 ـ الدورة القمية الكشفية الرابعة والعشرون بجامعة الفيوم
اللي اترشح فيها 5 من جوالي اداب واكتر كمان واحب اشكر القائد زوكاانه رشحني وكانت المشاركة في الدورة من غير اختبارات ولا حاجه طبعا عشان اسم اداب ومركزها وسط جوالي الجامعة لازم كل الجوالين يعرفوا كده .
5 ـ الدورة الكشفية الرابعة والاربعون بجامعة عين شمس
الحمد اخدنا مركز اول واخدت كمان مثالي الوفد وكنت ناوي فعلا ابطل جوالة لولا القائد زوكا اقنعني بالاستمرار و وبقيت رائد الرهط الرابع .
6ـ الاستقبال 2009 /2010
الحمد لله اخدنا مركز اول وقائد مثالي مناصفة مع القائد كريم وبقيت رائد الرهط الاول .
7 ـ المعسكر التدريبي الواحد والعشرين بالاسماعيلية
الحمد لله اخدنا مركز اول وقائد مثالي ومعلش بقي ها اذكر افراد الرهط عندي
القائدة خلود عادل وكيلة الرهط وكيلة مثالية ومثالي عام المعسكر
سارة حسام مرشحة جوالة مثالية
عمر رمضان عمر مسامر مثالي
( احمد مختار ـ احمد عبد الحي ـ محمد حسين ـ محمد كمال ـ محمد جمال ـ اسلام جاد الرب ـ طارق صبري ـ محمد صبحي ) احب اشكرهم جدا فعلا رهط مثالي .
واشكر هيئة تحكيم المعسكر والخرجين اللي حضروا المعسكر ده خصوصا القائد فرج
وهيئة التدريب فعلا المعسكر من احلي المعسكرات في حياتي
انا مش ها اطول عليكم بس فعلا السنه والنصف دول من احلي ايام حياتي وده لاني نجحت في القسم ولعبت كمان جوالةزي ما انا عايز وعرفت اوفق بينهم رغم ان قسم حضارة اوربية صعب ربنا يسهل ووانجح كمان السنه ده
احب اشكر القائد مصطفي رائد الرهط الخامس علي انشائه الجروب الاول والرسمي لجوالة كلية الاداب
وده بعض المعسكرات والدورات واللقاءات والمشاركات اللي انا شاركت فيها قبل ما ادخل العشيرة
ـ مهرجان القراءة للجميع صيف 97 و98 و99 و2000 .ـ المهرجان الكشفي السنوي بمركز شباب السلام أول .ـ المهرجان الكشفي السنوي بمركز شباب سراي القبة .ـ المهرجان الكشفي السنوي بمركز شباب منشية التحرير .ـ دورة ثقافة جوية بجمعية الكشافة الجوية بالقاهرة عام 1999 .ـ حملة التطعيم ضدد مرض شلل الأطفال الاتحاد العام للكشافة والمرشدات ـ المهرجان الإعلامي الأول 2002 والثاني 2003 والثالث 2004 بمجمع إعلام مدينة السلام .ـ الملتقي الإعلامي الأول بمجمع إعلام مدينة السلام 2005 .ـ دورة مكافحة الإدمان بدار الحرية لعلاج الإدمان .ـ يوم الطفل اليتيم الاتحاد العام للكشافة والمرشدات .ـ لقاء الكشاف المتقدم العربي بمصر عام 2005 كمرافق .ـ لقاء الجوالة العرب السادس عشر بمصر عام 2005 كمرافق . ـ مهرجان درع جامعة الأزهر الكشفي الـ 33 و 34 و35 بالمخيم الدائم .ـ دورة تثقيفية بمعهد إعداد القادة بحلوان 2006 .ـ لقاء الطلاب المتميزين بالجامعات المصرية بالإسكندرية ( لقاء الرئيس )ـ مهرجان اشبال محافظة القاهرة الشعبة ( قائد ) عام 2006 ـ 2007 . ـ اسبوع شباب الجامعات الثامن بالمنوفية ( جوال ) 2007 .ـ تدريب الوفد العربي المشارك في الجامبوري بانجلترا عام 2007 .ـ الاجتماع السنوي لرؤساء الجمعيات الجمعيات العربية بالمنظمة الكشفية العربية كمنظم . ـ اللقاء الدولي العاشر لتبادل الثقافات والتعرف علي الحضارات ( قائد ) القاهرة ـ الجيزة ـ المنيا ـ سوهاج ـ الاقصر ـ الغردقة عام 2007 .ـ الدورة القمية الكشفية الثالثة والعشرون بجامعة بني سويف 2008 .
ويارب دايما العشيرة الي الامام اخوكم ايمن ايونس

ايه ياعم السي في ده


بجد انت تشرف اي مكان تكون موجود فيه ياايمن
وتخلي الكل يحترمك
واللي .................. هيحترمك غصب عنه اكيد

شكرا يا برعم علي الكلام الجميل ده انتي وسيف
هو يمكن سيف عرف اناكتبت الكلام ده ليه
بس كان موقف وعدي وعدي علي خير والحمد لله انا مكمل في العشيرة المشوار يارب اكون دايما كده عند حسن ظنكم
اداب عين شمس عشيرة جامده

انا من اول ما دخلت العشيرة وشوفتك يا قائد ايمن وانا عارفة ان شخص زيك لازم يكون ليه ماضى جميل كده ومستقبل احلى ان شاء الله مع افرادك المتفوقين كفاية ان منهم واحد زى صبحى ممتعنا بصوره فى كل مكان كل ما اروح فى حتة الاقيه منزل صور جميلة بتعرفنى على الكل وربنا يعلى عشيرتنا كمان وكمان