قائد العشيرة

من وانا فى سنة اولى وانا بتمنى انى اكون قائد عشيرة جوالة كلية الاداب ولما قرب حلمى يتحقق خايف
1- خايف يحصل زى كل سنة ان ناس تتقربلك علشان انت قائد عشيرة
2- خايف من مسؤلية قائد العشيرة مع انى كنت فى مكان قائد العشيرة كثير من منفذ برنامج الى اقدم قائد فى العشيرة ومع الاشراف
وبأمانة على قد ما نفسى انى امسك العشيرة السنة الجاية على قد مانا خايف من بكرة
3- علينا مسؤلية كبيرة جدا تجاة الخرجيين اللى كانوا السنة دية برة العشيرة
اتمنى حد يرد عليا وربنا يوفقى على هذا الحمل الثقيل وربنا معانا

هههههههههههههههه
اكيد كلامك كويس بس انا بفرق بين الصحاب والدليل انى خسرت واحدة انا اسف انى عرفتها اصلا
واحب اقول ان اصحابى المرقبين حاليا هما
(رحاب , سمر , امل , ضحكة )
واكيد دودو و وفاء وربيع وسعداوى وشيكو وعبد الهادى وايمن وسها
بس وادعيلى انى انسى الانسانة اللى انا ندمان على معرفتها وبجد ندمان على كل لحظة كنت فيها معاها وانا عارف انها مش بتدخل على النت
بس والله العظيم انا نستها
سلاممممممممممممممممم

[quote="dodo"]

الاول يا زوكا حكم عقلك كويس في حل مشاكل الجواله
ومتخفش طول ما انت مسلمها لله متخفش ربنا هيكون معاك

الحمل تقيل والشلل اكتر بس هتعمل ايه قضاء وقدر



ثانيا الانسه دودو لما تقلدي حد المفروض تحاولي متنسيش التقليد لانك نسيتي العلامه المميزه
ههههههههههههههههههههههههههههههههههههههههه






صاحب الظل

ياه ه ه ه ه والله وفكرتنى بأيام زمان يا زوكا وبجد ربنا يوفقنا لما فيه كل خير وصلاح العشيره
بجد كان حلم كتير من كل اللى انضم للعشيره واللى لعبوا جواله وانتسبوا لها انهم يبقوا قاده ورواد رهوط ورواد اكابر ..... الخ
لكل واحد فينا تجاربه مع العشيره ومع القياده ومع تنفيذ البرامج ومتابعة الشغل بتاع الرهوط .....الخ
انا احب ان اقدم سرد التجربه والذكريات اللى انت فكرتنى بيها لما قريت العنوان بتاعك
وانا هاحكى اكنى بقراء قصه ومش هقارن لأنى ما ينفعش اقارن بين لأختلاف الشخصيات والوقت والظروف لكن انا حابب ان افتح موضوع مهم للغايه وهى دعوة الجميع للحفاظ على الكيان المسمى بعشيرة جوالة كلية الآداب بجامعتنا العريقه

كان فى عشيرتنا اول ما دخلت العشيره وقبلها بفتره كبيره بيحدد قائد العشيره القادم قبل نهاية العام بفتره كافيه تمهيدا وتهيئة الناس وتهيئة هوشخصيا للعمل سويا خلال فترة الاعداد للدوره الكشفيه وتنفيذ برنامجها ( عشان مكنش عندنا ادابيه زى دلوقتى )
واحيانا تنفيذ برنامج المعسكر التنافسى بالترم التانى كان ده نظام متبع وكان بينصب رائد اكبر للعشيره خلال الترم التانى
وبيبدئ قائد العشيره الموجود خلال العام نفسه بيحطه فى شبه اختبار ويتابعه وبيوجهه ( وكأنه خليفته فى الملاعب زى ما بنقول )

وكان الوضع كالاتى ان اثبت نجاحه فى الاتى :
1- عمل علاقات جيده او نقول ممتازه مع كلا من الأشراف والتحكيم والسواعد والقاده ( مساعدين قائد العشيره وامين العهده والسكرتاريه وقائدة المرشدات ومساعدتها )
2- قيادته وقدرته على التواصل مع رواد الرهوط والوكلاء ( مش السيطره ) هناك فرق بينهما ثم التقرب للجيل الجديد من مرشحين و جوالين ورواد رهوط
( والله زمان كان اسمهم رواد رهوط ) بل واعدادهم للعام القادم من من وقع عليه الاختيار
3- كان المدرب التانى للعشيره بعد قائد العشيره بل ومعاونه الاول فى تدريب الرهوط ووفد الدوره الكشفيه
4- كان بيجتمع مع أفراد العشيرة ويقلوهم عن السلبيات والايجابيات الموجودة عندهم بصوره وديه
5- وبالنسبه لرواد الرهوط كان بيقلهم ايه هو مطلوب انجازه من أعمال ويبلغهم باللى عايز يوصله للجوالين.
6- كان القائد ده بيحسن صورة العشيرة خارجيا مش لو فى حاجه مزعلاه يشرد للعشيره ويقول اصلهم مسمعوش كلامى .
7- كان كمان بيعمل سجل خاص يسجل فيه أهداف اجتماعات مجلس اداره العشيرة والنتائج التى تم تحقيقها
8- كان بيبث روح المنافسة بين الرهوط ويشارك فى تقييم المسابقات والأنشطة المختلفة التى يتم تنظيمها بين الرهوط.
9- كان بيساعد القائد فى الأعمال اللى عايز ينجزها .
10 - يشارك فى وضع الخطة والبرنامج الزمنى للعشيرة.

11 - كان يتخذ القرار المناسب والسليم فى غياب قائد العشيره
طبعا ده لو اثبت نجاحه
وغالبا كان الكلام ده بيتم بالتنسيق مع قائد العشيره ولعشيرتنا الغاليه تجارب قويه جدا والله فى الموضوع ده

اما لو ثبت العكس كان قائد العشيره بيطلع ويأهل حد تانى غيره بسرعه شديده او كان بيبقى هناك عدد من المتنافسين على تسلم العشيره وكان كل واحد بيحاول يطلع اللى عنده ويثبت نفسه عشان يكون جدير بالمكان بل ويطلب للمكان ده
وكمان فى مجال كامل اسمه التطلع للقياده
وكاااااان زمااااان فى هناك حفل تسليم قائد للعشيره واهم ما يميزها اتباع التقاليد الكشفيه الصرف
وترك انطباع فى نفسية الجوالين بهيبة التسليم ودعوة العشاير وقيادات الجامعه والخريجين والصحاب من القسم وغيرهم فى الحفله دى
وكان فى حافه اسمها خلوه بيقعد فيها قائد العشيره مع نفسه طبعا مش فى المقر ادام الناس لأ لوحده فى بيتهم او فى اى مكان كان بيقرر فيها هو هايستلم ولا لأ
وكان بيحدد فيها حاجتين :-
اهداف العشيره أولا اللى عايز الناس تفتكرهاله لما يتخرج ويوصل العشيره ليها ( يعنى يعلى بشأنها ) واهدافه الخاصه وبصراحه كلما كانت اهداف قائد العشيره للعشيره مكنش بينشغل بغيرها والناس تفتكره بالخير اما لو كان بيسعى لمجد شخصى كان ده اللى بيفضله والناس بتفتكر ده وبتتكلم من وراه وهما دول اللى بيقربوا لمنصب قائد العشيره مش الاصحاب اللى بجد اللى بتتكرر مع كل قائد عشيره بيجى
وكان تقاليد التنصيب حاجه كده تخض بجد انا افتكر لما اتنصبنا جوالين اقسم بالله انا كنت حاسس وكأنى بالقى اليمين الدستورى امام المحمكه العليا على ان هاقيم شرع الله فى الارض ده لما كنا جوالين
وافتكر كويس جدا لما القائد زيزو سلم للقائد شريف عبد الحليم ياه كانت ايام ولما عملنا احتجاج او اضراب على ان القائد شريف ما يسلمش العشيره ويكمل
المعسكر كله جرد زيه من اى شئ يمت بصله للكشافه المناديل اتخلعت والدبابيس وشارات الحديث ياه ه ه ه ه كانت زكريات
فى النهايه يارب يكون ظنى خطاء والعشيره تاخد كرف الصعود لأننا بعد ما الواحد قضى 7 سنين فى العشيره سواء جوال او رائد اكبر او رائد رهط او اين كان الواحد عرف العشيره فى ايام المنحنى الطبيعى ليها كان نازل لتحت وبعدين طلع لفوق لفوق ويارب ما ينزل لتحت الواحد بيكن للعشيره حب كبير واللى بيحب حاجه على رأى القائد شريف بيضحيلها
ياترى الايام الجاييه هاتثبت للناس ان العشيره لسه فى حد بيضحيلها ولا العشيره هى اللى بقت تضحى عشان الناس
ربنا يوفق قائد العشيره الجاى وكمان الرائد الاكبر المنصب اللى اتنسى واحنا وانا واحد من الخريجين بالفعل اللى نتمنى ان نوصل خبرتنا للناس بس انتم زى ما اللى قابلنا قاللونا اطلبوا واحنا نساعد[center][img][/img]

بجد الله ينور عليكم وتكونوا معانا السنة اللى جاية وربنا يوفقنا