اولى عربي

السلام عليكم ورحمة الله انا اسمى :محمود في الفرقه الاولى اداب لغه عربيه ارجوك ياقائد تعملنا تليخص للثقافه لان انا مش عارف اذاكرها خالص واكون شاكر ليك جدا او حتى تقولنا ايه الحاجات اللى نركز عليها سواء لدكتور ابراهيم او دكتوره سناء وبحييك على المجهود الجامد في النحو

انا ممكن اعملكوا تلخيص بس انا مش عندي الكتب والله
فانتوا اكتبولي الموضوعات اللي انتوا خدتوها وانا اعملكوا ليها تلخيص

بالنسبة للثقافة فمش مفروض تنشن على موضوع معين يعنى الدكاترة مركزوش على حاجة معينة والاحسن انك تجيب مذكرات المراجعة هتلاقيهم جيبين كل الموضيع بطريقة مختصرة ومفهومة علشان مفيش وقت خلاص
وشكرا اوى لمجهودك يا قائد وانا ممكن اكتبلك الموضوعات بس كده هنتعبك معانا وكمان لو مش معاك الكتاب مش هيكون المضمون هو هو

خلاص شوفوا الموضوعات اللي فيها مشكلة وانا ممكن اعملهالكم

ان شاء الله بالنسبة للمذاهب
الجزء اللي انتي صورتيه يا ديدي
هيكون موجود بكرة بعد الساعة 12

شكرا يا قائد

لو مش هاتقدر ترفعلنا ملخصات المذاهب يا قائد قلنا بس عشان نعمل حسابنا
انا عارفة انك مشغول بامتحاناتك

يلا اهوه الترم الاول خلص الحمد لله وشكرا على تعبك معانا فيه اللى الحمد لله جيه بفايدة
الترم ده بقى اللى مش راضى يعدى ده عارفة عندى سؤالين كده محيرنى عشان انا فاقدة الامل فى المادة اللى جاية دى اللى هى انجليزى وترجمة
اولا المادة دى اذاكرها ازاى عشان اعدى فيها يعنى هاحفظ كل القطع اللى فى الكتاب ولا ايه النظام
والحاجة التانية بقى انا جبت ملزمة المراجعة من الرواد واول مره اجيب حاجة منها بس سمعت انها كويسة انت ايه رئيك ممكن اعتمد على الملزمة دى وبس وربنا يعدينى من المادة دى على خير

اعتمدي عليها اون شاء الله خير

اما بالنسبة للترجة اهتمي بالتعليق اكتر من الترجمة يعني افهمي مضمون كلامه بيتكلم عن ايه واكتبيله تعليق عام علي الكلام كله مش القطعة اللي هيجيبهالك بس اما الترجمة فحاولي انك تذاكري النصوص العربي علي قد ما تقدري مش لازم الترجمة الحرفي او زي ما هو مترجم ممكن تكتبيله المضمون اللي انتي فاهماه بس التعليق لوحده ممكن ينجحك
وربنا يوفقك

الحمد لله اهوه امتحان وعدا بس حسة انى عكيت فيها
بص انا ترجمت كويس بس ملحقتش اعلق ضيعت الوقت كله وانا بحاول اترجم كويس
ربنا يستر